شرّعي باب المعاتب بدون مقدمات
‏وأطلقي ما كان في صدرك اطلاق سجنا

‏حاصريني بـ التشره من الأربع جهات
‏أنتي المشروه منّك .. مثل رد الثنا

‏أعتذر لك عن غيابٍ بدون مبررات
‏لو ما بـ القلب خالي ولا الصدر دهنا

‏صح ، ما ودي بهجرك لو يطول السكات
‏بس ما ودي بـوصلك .. و أنا مانيب أنا

قدرت أسمع حكاية صمتك المفهوم
‏عيونك علّمتني . . ( سرّ ) ما بحته

‏تجي قدّامك علوم . . ووراك ، علوم
‏يا طيب اللي يقدّر قيمة أسلحته

‏حبيبي كل شي . . الا العتب ، واللوم
‏لا تترك له مجال يشوف مصلحته

‏عساني ماانحرم من خصرك المحروم
‏ولا آعدم .. كل ما فوقه ، وما تحته

‏عن البعد أنا المسؤول.. لكن ماني مسؤول
‏عن الخافق اللي يخفي الضيق ويكنّه
‏
‏ليا نسنس الغربي طرَق صدري المقفول
‏رسالة عتاب ونفحةٍ من هواء الجنة
‏
‏أجدّد بها .. حبٍ بقلبي بعيد النول
‏لاني سالمٍ شرّه .. ولا سامحٍ منّه

دام الأرض احيان تجحد هماليل المزون
‏لا تضايق لا ذبل زرعك اللي تزرعه

‏واجد اللي كل ما طبت فيهم يجحدون
‏و السما ما طاح منها ما عاد ترجعه

‏ادري ان العشره تموت لكن ما تهون
‏الردي ما همته .. و السنافي توجعه

افكر فيك كل ليلة
أنام بالصدر طعنه

اخاف ورغم خوفي منك
عطيتك كل أسراري

حبيبي كل هذا الكون
صحيح اليوم يجمعنا

ولكني أخاف بكرة
تجي وما ياسعك داري !

«انتقِ جُلّاسك
‏فإن الأفكار مُعدِية»

لا تخلّين الأماني تعلن استسلامِك
‏وإنتي كبار الهقاوي جيتي أكبَر منها

حتى المكان أستاحش أحبابه وغادر أُلفته
‏ما عاد باقي في المكان إلا — عزيز الذكريات

لاطافت الفرصه اللي جعلها خيره
‏أقفيت من غير لا أوضّح ولا أنوّه

‏المبغض أعرف وجهه من تعابيره
‏لو كان يلبس — ثياب الوّد و يموّه

ياللي تزعلّك المواعيد وتراضيك الصدوف
‏وش يرضي اللي جاته الحاجه، عقب ما عافها؟

لو بس لوّح بالكفوف
‏شرّعت له صدري بلاد.

ما دام أحـلامك على بـاب الله وقوف
‏لا يضيق صدرك .. لو يطول وقوفها

علّمته إنّي لا تضايقت ما أنام
‏وللحين وأنا الي على حد علمه

‏رحنا .. وعلّمني مع مر الأيّام
‏الي مقاسمتهْ من سنين حلمه

‏أحيان " كلمه " تبني آمال وأحلام
‏وأحيان تهدم ما بنيناه " كلمه "

لا تعذّبني بـ(أنفدك) وتطيح الدمعتين
‏وأنت وجهي كلّ ماشفته تهلّي وتفتدي

‏جعلني فدوتك أنا في كلّ وقت وكلّ حين
‏وين أجنِّب لافقدتك من حنيني وآغدي

‏جعلني ما أذوق حرّ مفارقك وأبكيك؛ لين
‏تاخذ أكفاني بكفِّك ياعسى عمرك مِدي

اما آن لي بعد المسير الطويل ارتاح
‏يا درب قضيت احلى الليال بمشاويرك

‏حبيبي مثل ما اخذت من عمري الافراح
‏يا ليتك خذيت اللي بقى من معاذيرك

‏مع ان الطيوف اللي تزيد الجراح جراح
‏شهودي على قل اهتمامك وتقصيرك

‏لا طال الحديث وذكروني بشي راح
‏تذكرتك انت و ما تذكرت احد غيرك.

كنّي بعد فقده بحامي اللواهيب
‏وكنّي غريب الدار مالي جماعه

وهبتني مايدهش عبـادك . . من آيات البيان
‏و أكرمتنيّ في عقلٍ ماياخذ من الجهّال شور

تمرّني، ما بين رغبة وترهيب
‏وأحتاج لك .. وأذكر جروحك، وأهوِّن

حاول انك فالحياه تصير واضح وانتقائي
‏"فالكلام و فالقصيد و فالدروب و فالرفاقه"

ماعبس وجه الزمان .. الا لقيتك من وراه
‏ضحكةٍ تطرد سراب الخوف وتغيث الطريق