وشلون أعاتب دون قتّال وقتيل
‏وآخر رسالة في الصدر ما ارسلتها

‏الكلمة اللي بعدها يبدا الرحيل
‏تقولها عيني — وانا ما قلتها

‏أنا اعذرك حتى ولو عذرك هزيل
‏أعذارك الهزلة، أنا جزّلتها

‏يفداك من يبغى بعد خله بديل
‏ناسٍ يحسبون المحبة ملتهى

‏ملهوف مابي من هواك الا القليل
‏وحتى القليلة زين لو حصّلتها

‏اعطي فرص والا انت بالفرصة بخيل
‏و اشره علي ان جات ثم هملتها

‏أنا تخيلت السهل و المستحيل
‏اما كذا بتروح ؟ ما تْخيّلتها

مادام الشمس تشرق و القمر بغيابها لمّاع
‏بتلمع في عيوني من غلاك و تشرق بصدري .

انتي ستيرة عرب وانا ولد روس قوم
‏في وجهي ووجه ابوي انه مايلحق اذى

غيابك حضورٍ له بصدر البيوت شهود
‏وش اللي يغيّب ضحكتك والغلا ثابت

‏أحنّك مثل ما حن وجهي من المنقود
‏وأعدّك ليا عديت الأيام وش جابت

ما دام الله كتبلي أعبرك يا هالطريق الصعب
‏" يْيسرلي صراطك " أو "يقويني على الشده "

أشوف فيك الجاي لي من تباشير
‏"وأشوف فيك اللي تمنيت كلّه"

‏قلبي كريم ضلوع غاوي مسايير
‏"لكنّك أوّل من قوى..واستحله"

‏الخيرة أحياناً تجي أحلى مْن الخير
‏حتى الغرق بك كان رحمة من الله

انت غبت وضحكتك صارت على بالي مقيمه
‏كل ماضاق الفضا فيني جلت عنّي عماسي

‏يابعد من باع خلق الله وحبك من صميمه
‏من يصدق لو اقول انك نسيت ..وصرت قاسي؟!

‏ما اقول ان عشرتك كانت عواقبها وخيمة
‏كنتِ اجمل من كسر قلبي وطيّر لي نعاسي

‏انهزمت وذقت في حبك ملذاات الهزيمه
‏في سبيلك منهزم قلبي ..وانا مرفوع راسي

على وجهك الراضي بيوت القصيد تزين
‏لك الشكر من قلبي على وجهك الراضي

لو أتاملها وصوفك طول عمري ما شبعت
‏ساعه لمحتـِك كانت لـ روحي مثل ميلادها

‏" هالصوره اللي تبتسم فيها هي أغلى ما ملكت "
‏لو بملك الدنيــا بمن فيها و أَحَكم بلادهـا

‏خلنا نسهر مع بعضنا لين الصباح
‏لين نقدر نجمع اشواقنا المتناثره

‏مالك الا نبض الاحساس والشعر المُباح
‏والكلام اللي يخلي عيونك خاثره

معك كل الدروب مْيسّره وموفّقه توفيق
‏و بسماتي ملت وجهي ، وترحابي وضحَ فيني

‏لقيتك للدروب الموحشة ذخر وللضياع رفيق
‏و عقب رمضى العمر وياك تو تزهر بساتيني

كن صدري ديرةٍ من جملة الناس مْهجوره
‏الدهر جفّف مواردها ، وعشّى في طرفها

‏من كثر ما اقفى ونسْها والشجر ماتت جذوره
‏لو وطاها واحدٍ قد حلّ فيها .. ما عرفها

تهب الذكريات ويصبح الصبر الجميل حطام
‏ودمع الفقد يجري .. ما نوى طرفي على وَقفه

‏فراقك ما يهّووونه .. الزمن لو مّر ميـة عام !
‏فراقك جرح مع زُود السنين يزود في نَزفه

‏"يوم غابت ليلة الميعاد و أقفت كل نجمة
جيت أدوّر في عتيم الليل عن ضحكة سراجك.."

خايف من الضيعه اللي ماعاد لها دليل
‏لاعصا موسى عصاتي وانا ماني نبي

‏قبل يملا الحب عيني وقبل انها تسسيل
‏وقبل احطك ثالث الناس بعد امي وابي

ليّت مالي من ورا الشعر محبوبٍ ابيه
‏كان ماشافوا العَرب حزن عيني لا طرا
‏ㅤ
‏ والله اني كل بيتٍ كتبته كان فيه
‏وما انتظرت ان كان يقرا او انه ما قرا .

لاتظاهر بالسعاده وتلفت الأنتباه
‏والله إن قلبك من البعد فيه مية سهمّ

‏ماحد منا بسالي وهو وجهه وراه
‏راحت العشره مشاريه ومبادل تُهم

‏كل غالي يشفع لزلّته ماضي غلاه
‏ويش عذر الغالي العاقل اللي مافهم

احسب ان العيد للوصل توقيت
‏كنت انتظر صوتك يجيني هديه

‏عيد رمضان اقفى بحزنه ولا جيت
‏لاتخيب امالي بعيد الضحيه

يا مسرة اعوامي وعيدي السعيد
‏كل عام و اعيادي معك متواصله🤍

عيدي معك حب ، وغرام ، ومواصيل
‏وعيدي مع باقي المخاليق . . واجب