والله لـ أنسيك التعب والضيق وأيام السهاد
‏مير ابشري بي لا قوى عظمي واذا خط اشنبي

‏فضّلك ربي عن بنات ادم وحواء .. والعباد
‏مثل مافضّل .. مريم العذراء وزوجات النبي

لا مسافه أسعفتني ولا عبر جيشي صروحك
‏عالق بنص الحقايق بين أبيك وما وصلتك .

على صغر راحه يـده تاسع من همومي بلاد :
‏ اللي ليا ضميته حطت من جيوش إتعبي !

‏اشمه لا ضاقت دروبي و احس بْه ضماد :
‏عن دمعةٍ يجرح بها خدي ليا جا يحبي !

‏من قبل لا يأصل و انا اغني على لقياه عاد :
‏و من بعد ما شفته و ضميته على صدري صبي !

‏صرت اتفيا ضحكته .. في ليلةٍ ماهي جواد :
‏ و اليا غفا .. يثقل علي الوقت كني في سبي !

‏اللي لا تمتم لي تحول جمرة اوجاعي رماد :
‏و ليا بكاء ( يا دمعه امي لاااا و يا دمعه ابي ) !

‏تسيل من عينه / و تقتلني مثل طلقة زناد :
‏و كيف اتحاشاها ليا مرت ؟ و انا قلبي ظبي !

‏جاني عقب قيض الحزن لفحة نسانيس البراد :
‏مرسول لـ ( العاصي من همومي على هيئه نبي ) !

‏كنه يقول الـ عيني اللي قد تخطاها / الرقــاد :
‏ما قالها الله لـ مريم بـْ معناه ( قرّي .. و اشربي ) !

على الله يا اول دروب المساري و اخر المشراف
‏تحت ليلٍ تغشاه الملام .. و عبّر بـ نوده

‏يدف من الجروح اللي تحرك كل وزن و قاف
‏و يرشد كل كلمه تايهه و تروح مقصوده

‏من سيوف الكلام الحاد والموجع ماكنت اخاف
‏وصرت .. اللي لو يمره كلامٍ عادي .. يكوده

غيوض وما يغيض النرجس إلا ضحكة النوار
‏نعم والجود لوّ يفنا فنا من زود حبه لك

خلّه يقال أن فيك .. كبـر وتعلّي
‏ولا يقال أن فيك ذِل وضعافة

حبيب البال ليتك ما خذيت الصدّ لك مدهال
‏و أنا اللي لأجل عين الوصل مالك درب ما أدلّه

‏يمررني العتب لـ اللوم ، لـ التنهيد، لـ الترحال
‏تعبت أطق بيبان الصدف ، و اتسولك طله

‏تعال و حرر اكتافٍ عليها من الحمول جبال
‏تعب كلي و لك بعضٍ يزيل من التعب .. كله

زادها الله فوق القبول قبول
‏حَتى ملامحها مالها بالدِنيا شِبيه

ودي أني بين يدينك من عنا بعض الظروف
‏مابقى لي من حياتي .. غير وجهك أَلفه.

تعال زيح السكوت اللي كتم صدري
‏محتاج نسمة سوالف " بيني وبينك "

‏ماعاد باقي من أجوبتي سوى مدري
‏ولاعاد باقي من أسئلتي سوى وينك !

كثر ما إنسى تفاصيل العباد أفصلك تفصيل
‏كثر ما إني بليدً مع سواك أصبحت حسّاسك

أحب أفرق بزحمة الأربعين وأكره التقليد"
‏وأحب أختار ما يبطون خلق الله عن سومه

‏عسى من ميّز القرآن على الإنجيل بالتجويد
‏يقدّر لي من أحلام الطموح أقدار مقسومة

‏ويعيّشني على الطاعة وياخذني على التوحيد
‏ويجعلني من اللي عقب موته تذكر سلومه

لا امطرت وإسفهل الخلق وأنتشروا ..
‏وكبيرهم فـ المطر مايحكمه سنّه

‏أفكّر بفضل ربّي كل ما انبهروا
‏وأقول يارب أجل وشلون في الجنّة 🤍

تناديلك طموحات و جبر خاطر و رفعة ذات
‏ربيع العمر يمطر به صفاك و يزرعه خيرك .

عسى التوافيق أتسابق لك حظوظ و أمنيات
‏ الين توصل للـ مكان اللي يحسدونك عليه .

اتركوني عايشٍ في محتوى تفكيري
‏عن ضجيج العالم اللي مالله بـ هاديها
َ
‏عزلتي من واقع ايامي ومن تقديري
‏راحةٍ فيها الحياه اللي محد لاقيها

ولا مرت على بالي دقايق صمت ماجيته
‏تجي له كثر ما زولك يجي سكة عناوينك

وراء كل مشرق شمس ومداعبة نسناس
‏على غرّةٍ محبوسه، وضحكةٍ حرّه

‏أوقّف بفوضى نفس، ومغالبة وسواس
‏وأشوف الحقيقه مرّه و وقفتي مرّه

‏يا ليت الحياه تبرّني.. برّها بـ الناس
‏ولك وجهي إن مالي سوى وجهك أبرّه

‏أنا حاشد شعورٍ حقيقي، وشِعْر، وباس
‏وراء كلمةٍ بقولها في العمر مرّه

يا أحن من لمس أوطان روحي وأستحلني
‏ وخذاني من همّ أوهامي لفرح آمالي