سُلاف الروح مربكني غيابك وأبتديت أخاف
‏على صفحات شوقي جيت لك سيراً على حرفي

‏أحس إن كل لحظاتي بدونك في الحياة إسراف
‏أبي لي عمر ثاني عمر واحد معكْ ما يكفي

يممت لك وجهي بلا تفكير ساجد
‏ماقدر يحصي جمايلك العديدة

‏اشكرك يا ربــي على أيـــام .. واجد
‏كنت انا فيها مع فضلك سعيدة

له العهد فاللي عاد من عمري الموقوت
‏لا أسولف من أسمه لين يرثـونه أحفادي

ينتابني شي مايعلم . . به إلا الله
‏يجعلني أصدّ وجهي وأجلس لحالي

‏من ضيقة الصدر أخاف تخونني زلّه
‏وتجرح لها واحدٍ في خاطري غالي

استحيت من المشاريه ومعاتب جفاك
‏واقتنعت إن الغلا ما يجي عرض وطلب

‏قلـت اصـد بـ كل حبي وتعظيمة غلاك
‏قبـل اصّـد بـ قلبٍ عايف وحال منقلب

يا وجودي ..كل ليله وانا صدري يضيق
‏ويا عذابي يالله انك ... تـيّسر ما بقى ؛

‏تقصر يدين الهقاوي ورى خير الرفيق
‏والهقاوي خايّبه ويش حيلة من هقى ؛

‏ارسم لمستقبلي درب ويضيع الطريق
‏طاوياً صفحت الاماني بعد طول الشقى ؛

‏وكل شيء يهون يا كود غارات الصديق
‏لا نكشف ستر المثاليه ( بكثر اللقى )

تعالي في ذرى بشتي تدفّي مايجيك البرد
‏وفي صدري مكانك عن شقى الدنيا ومتاعبها

أسافر بلا توديع وارجع بلا استقبال
‏ولا احس بالفرقا لو ان الزمن عكسي

‏ما احب الوداع اصلاً لأنه يغث البال
‏فلا حد يودعني سوى صاحب التكسي

اكثر ماقالوا في صواديف ملقاه :
‏" عز الله ان اللي مربيه ربى "

تفنن في تفاصيلك شعور و غايه و عادات
‏تعلم حُب نفسك لأن مايستاهلك غيرك

أنا عبدك ولد عبدك وجدّاني هَل التوحيد
‏خطاياي أخجلتني " يالله الغفران والتوبة "

يمكن أقنع بـ حلمٍ ماوصلته وأعيش
‏ما لبعض الأماني غير تطنيشها

‏لكن اعيش عيشة منكسر ؟ معليش
‏هذي العيشه اللي ما اقدر أعيشها.

عن إقفايته كان " الخطأ " جهدي المبذول
‏أنا كل ما أحرص لي على شي .. ضيعته.

كيف توحشني؟
‏وأنا أشوفك صلَوات وسكينة؟
‏وأتهجَّى بك أماني قلبي وصادق رجاها
‏جيت جيّة صبح،
‏وارتاحت بشوفتك المدينة
‏لين غطّى راسها الغيم ولفح روحي هواها

بين رحلة غرامك ، و إتخاذ القرار
‏كنت جالس معاك وداخلي معركه

‏ الليّال الأخيرة .. ما عليها غبار
‏عشت فيها معاك وشفت فيها بركه

‏لو تركت السنين اللي بدون إنبهار
‏قلبك اللي بهرني عشق كيف اتركه

‏من بداياتنا .. لين الزعل ، وانت مار
‏" كل ضحكه هنا ماكانت مفبركه "

الله يرزقني اللحظه إليّ أردد فيها هالبيت :
‏" تحديّت الليال المظلمَه والسـور . . والأقفال
‏ووصلت لكل ما يطري عليّ بـ "فجّة إشراقي ".

تمنّيت وصله بالفكر ما طلبت كثير
‏ابي اطري على باله مثل ماعليّ يطرى

‏ألا ياعيون اللي تنهض وتل .. السير
‏لمحها بعينه يوم زالت مع المجرى

تبعته دون خوف من الكلام و شره العذال
‏و سقيته من هواي – العفّ – شيٍ معه :يحلالي

‏لقيته في محطات العمر صدفه و قلبي قال
‏هذا اللي تمنيت و فداه اللي تبقى لي

‏مواقفه الكثييييره خلت سواد الكحل سيّال
‏« و أنا بنت يليق بها الترف و الحب يزهالي »

نظر عين وغلا روح وسعد قلب ومسرّة بال
‏أشوفك من ملذّات .. الحياة وكل ما فيها

اخذني مني، ومن حريّتي، وبـلادي
‏واخذ قلبي واخذ كل اللي وراه ودونه

‏الغريق اللي دخل في بحر حبك غادي
‏ودك ألا دوروه اهـله .. مايلقونه