من نور وجهك تنشرين السعاده
‏ياطاغيه منتي بـ حاجه لـ تمجيد

‏متسيّده بالزين .. يـ أم السياده
‏كل عام وإنتي دايم أجمل من العيد .

على هامش فراغاتك تبيني أعيش ؟
‏أبداً ما أعيش في هامش فراغاتك

‏أنا جادلٍ مطغيني الكبر و الطيش
‏ما تلقاني إن ما كنت ضمن أولوياتك

عسى المكتوب - أجمل من المرغوب

تبي الصراحه توقعتك تعايدني
ماكنت متخيل ان العيد ما جابك

كنت احسب انك ولهّت وحيل فاقدني
ما كنت متخيل اني ارخص أحبابك .

لين مرّت لـيلةٍ كنت انتظرها وانت — غايب
‏ صبحها كنت احسب أنّه عاد عيدك ياجميلة

أجاهد في سبيل الحبّ.. كلّه لأخر العنقود
‏وأجاهر في غلاها كل ما عدّيت مشرافي

‏ترى قلبٍ تولّع فالهوى ما يلحقه منقود
‏ليا صار الهدف: حبٍ عفيف وخاطرٍ صافي

‏عسى كل العلاقات القديمه والليال السود
‏فدا بنتٍ مشاعرها جليد وصوتها دافي

‏غريبة: كنّها من بطن ريح ومن ظهر عبرود
‏أصيلة: كنّها المجد التليد وسيرة أسلافي

‏عظيمة: كنّها الدين الحنيف وحلمي المنشود
‏كريمة: كنّها يمنى الكريم وخيرها ضافي

‏أنا وشلون أقفّي وأتجاهل كل ميلة عود
‏وأنا أشوف أنّها "لذة حياتي وأول أهدافي"

‏أحنّ شعورها وأدرى عليها من هبوب النود
‏وأجيها والظمأ يرعى حشاي وعمري خلافي

‏يقولون الهوى سيفٍ صقيل وقاطعٍ مجرود
‏وانا أقول الهوى اللي قد جرحني ماهو بـ كافي

‏ماكنت أظنها تقدر تليّن قلبي الجلمود
‏بعد مالت تحت وبل السحاب ولانت أطرافي

الحظ طيب بفضل الله وتوفيقه
‏والهقوه تسوقنا للي على الهقوه

‏يوم إن بعض الأوادم يشرق بريقه
‏أصـحابنا نقـوه .. وهـقواتنا نقـوه

يامركب الاشواق سافر بك على بحر شعّر
‏عشان اطفي كل جمره في ضميري حارقه

‏انا حفظت دروس وقتي ولا تعلمت صبر
‏لان صبر وزن الجبال مافيه صدرً طايقه

العمر مره وبس .. مابي من دونك يمر

تحلّين الحياة بعين من حاله طواه الياس
‏أجل وشلون لبسٍ تلبسينه ما يصير أحلى؟

أنا لو ضـاعت الدنيـا وراي و زادت الأتعاب
‏"أجـي كني صبـاحٍ كل هالعـالم تهذري بـه"

انتي الدعوه الي كلبوها يقين
‏و استجابت بفضل الله عز و جلّ

‏جابك الحظ واحلوّت معاك السنين
‏جعل ما أنتِ على قلبي بضيفٍ عجل

يا جميلة والحياة تسوقنا عكس المبادي
‏كل ليل أجاري الفرصه بـ فرصة مستقيمه

‏حاشمك عن زلة ٍ ما هي بـ ضمن اعتقادي
‏أرهقتني رغبة النفس ونواياي السليمه

‏انتي ارقى مْن الخطا وأعز من كبوة جوادي
‏من نقاك تقول كنك ظاهره من بطن غيمه

انا إذا ما شافني قاصر الشوف
‏والله ما اقول لقاصر الشوف شفني

‏عند الدني و اللاش ماني بمعروف
‏ بس النزيه من النـاس يعرفني

من دخلتي صدري الخايف امِنتي
‏ما بعد رجفة غلاك إلا السلامه

‏قمت أرتب فوضى قلبي من سكنتي
‏موطنك قلبي إلى يوم القيامه

اعتبرني معطيات الواقع اللي يستثيّرك
‏حبني مثل الخيال وخلّني مثل المخيّلة

‏القبال اللي تشوفه قادر يحدد مصيرك
‏والقبول اللي لمسته منك يكفي عن قبيله

‏يوم مرتني حياتي كلها ماشفت غيرك
‏أنت صورة كل مشهد وأنت قصّة كل ليله

يالله أسترني بـ لطفك دام سترك ثوبي
‏واغفر لعبدٍ كساه الذنب واصفح عنه

‏ما لنفسي غير نورك في ضلال دروبي
‏والمُنى؛ عفوك وحسن الخاتمة والجنّة

‏مذنب.. ولا جيت أقارن رحمتك بذنوبي
‏ أذكر إن ذنبي عظيم، وعفوك أعظم منّه

صدقني .. إن لك في غيب الأيام معـروف
‏يرضي خاطرك عن دنيا الدوران و اللّف

‏بيجيك و بتنسى كل مامرّك من ظروف
‏و بتضحك وتحط حزنك على الرّف

لو إن الحسايّف و الندم تمسح اللي فات
‏وتشفع لحاضرنا وتغفر لماضينا

‏صرفنا الحسايف كلها والندم بالذات
‏على اللي " نعلمه الرمايه ويرمينا

أحبك كثر ماقالو هنّيك ياخلي البال
‏وأحبك كثر ما أخفيتك عن ربوعي وعذالي

‏حفظتك سر مايظهر على العالم وماينقال
‏زرعتك بين تنهيد الضلوع وبين غربالي

‏لك الله ما لغيرك فالحنايا والضمير ظلال
‏أقرب من قريب الخلق وأقرب لي من ظلالي