‏مسك البداية ومسك المنتصف والختام
‏دونك بقايا شعوري بعد مات أكثره

‏لخاطر الشمس، والغيمة، وسرب الحمام
‏والليلة المعتمة، والليلة المقمرة

‏شققت كل الرسايل لأجل أعيش بسلام
‏وكتبت لين أرتويت وجفّت المحبرة

‏وشدّيت سرج السهر، وأرخيت حبل اللجام
‏ومديت شوفي.. وشفت الكون يا مصغره

‏كم لي وأنا في رجا صبحٍ يفج الظلام
‏ ألملم الدمع بعيون السهر ..وأنثره

‏قمرية البال؛ رفّي.. جف غصن الكلام
‏تخيّري نبع ماينضب، وظل شجرة

‏ياحضرة البيد وضلوعك جفاف وحطام
‏لو تعذر الغيم، دمع الغيم وش يعذره؟

‏أنا أشبهك بالجفاف، ويابسات الثمام
‏قد أمحل الوقت عمري، وأستباح أخضره

‏يا كم ليالي علي مرّت مرور اللئام
‏ما لي على صدها حيلة ولا مقدرة

‏أجهل مصيري.. ولكني أظنه: صِدام
‏وأعرف طريقي.. ولكني عجزت أعبره

‏أفلتّ حبل المساعي في خضم الزحام
‏لا العزم عزمي ولا احساسي مثل ما أخبره

‏تعبت من ممشى على غير مشهاي
‏وتعبت من صبرٍ على غير غاية

‏طاحت عزومي لين قلّت نواياي
‏وابعدت من مبداي صوب النهاية

‏اشكي من "الماضي" وخوفي من الجاي
‏ولي في ملمات الليالي درايه

‏مالي جدى الا ونة القلب و "دعاي"
‏وعناية الله ماوراها عناية

عجزت وانا مع خفوقي اصـارع 😔

‏لقيتّك ماتشابهني ولا ديارك هي دياري
‏ولا طبعّك مثل طبعي ولا مثلك يناسبني

‏شريت البعد واخترت الفراق اليوم اجباري
‏وانا الي ماهقيت بيوم زماني عنك يبعدني

‏فمان الله يا قلب عطيته أجمّل أسراري
‏فمان الله حتى لو ضميرك ماستحى منّي

‏ابتديتك وانتهيتك وانقفل موضوعك
‏لا تجي وإن طال بعدي عنك لا تمناني

‏الخطا ما ينمحي لو تغسّله بدموعك
‏والله إن تبطي تدوّرني .. ولا تلقاني

‏"والله إن أبطي وأنا مركاي بين ضلوعك
‏و والله إن تبطي تناساني ولا تنساني"

‏رجعت أدوّرك بين الرسايل و الصور و أدعيك
‏و أنا مدري وش اللي من يد النسيان رجّعني

‏انقال لي وانا اسوي قهوه / دايم رايقه
‏وانا لو اركي الدله على صدري فاحت.

‏ضحكتي دمعٍ يبرهن حزني اللي منه أروفك
‏وصمتي الخانق سؤاله صار همّه هاجسٍ لي

‏كيف يقدر ايتوارى هالخبيث بوسط جوفك؟
‏وقلبك أطهر في عيوني من تراتيل المصليّ

‏تعاملت بـ وفاي و لا دريت إن الوفا مجحود
‏انا اللي طيب ظنّه فالليالْ السُود ما سَرّه

‏تراختْ من يديك حبال وصلك و الهجر مشدود
‏اجي لك ضاميٍ يسحب خِطاه و قَلبه يجرّه

‏ماعاد آعرْف وين القى هواي و يومي الموعود
‏وصلت لمرحلة ما عاد اشوف لـ ناظري قرّه

‏فقدتكْ .. ما دريت إني بصير الفاقد المفقود
‏اشوف اشباهك توّزع فـ وجهي ، وين ما افرّه

‏يا ذنبٍ كل ما قلت انتهى بي دربه الممدود
‏لقيت عيوني تراقب حماه .. و تَكْسر الجرّه

‏تركت ابواب مفتوحه ، وجيت لـ بابك الموصود
‏وقف ركبي على قلبك طَراقي مالهم جرّه

‏عَطاك الله من عالي سماه ومَكّنك بـ جنود
‏تخلّي نفسي آسيرة هواك ونفسي الحُرّه

‏توحّشت المساري عقب ما كانت سماك حدود
‏و تركت الدار و دروبه واهله وبحره وبَرّه

عاطفي جدًا وكلي شاعريّه
‏وانطوائي كثير وشوي اجتماعي

يا كثر ما شلت بقلبي علييييك ..

‏حفظتها في خافقي حفظ المصلّي للصلاه
‏وداريت سمعتها وصنت العهد لأجل عيونها

‏صدّيت عن كل البنات ومن دعاني قلت هاه
‏لبّيه .. ذاخرها لـ نبرتها .. وجرّ لحونها

‏في كل صبح وكل ليل أعيد توثيق الوصاه
‏لأجل الهوى وأهل الهوى يدرون ما انا أخونها

‏تراني هادي وطيّب / وأحافظ على مربايّ
‏ولكن من رماني بطلقه —— رميته ميّة مره ".

‏من قسوة اللي حصل في ليلة البارح
‏أدوّر الشمس مثل مدوّر الفزعه

‏مدري وش الحاجة اللي ضيّقت صدري
‏طغت على الإبتسامة وأغرت الدمعه

‏ تصدّق اني من الضيقه ما عاد ادري
‏هي ليلة السبت ولا ليلة الجمعه؟

‏يا الله عسى مافي خاطري يحين
‏و تشرق شمس السعادة في حياتي

‏و تصبح لي الدنيا على ما أشتهي
‏و قدام عيني أشوف أطيب أمنياتي

‏و أحلامي لو انه مضى عليها سنين
‏عند الولي أودع أجمل أقداري والأماني

‏أحلام قلبي كبيره من كبر شاني
‏والصعب لأهل الصعب بتسهل دروبه

‏ مدري على وين بمشي لكن إيماني
‏ أصدق من إيمان مذنب مسته توبة

‏عندي يقين بعدل ربي وميزاني
‏ من عاش يتبع ضميره فاز بحروبه

‏ما طيح اللّٰه هالدعوات بلساني
‏الا وهي ليَّ مقسومه ومكتوبه

‏صبحك بالخير والدنيا جهاد وحصاد
‏وأجر المساكين ؟ ما يدري عنه سارقه

‏لكني أدري وش أقرب ما تكون البلاد
‏من ضحكةٍ في عيونك .. توّها وآرقه❣️

‏أوعدك اكابر لين ينتهي ذاك الشُعور
‏لين تفنى من تفكيري وتصير عادي

‏يكفيني رحلت ولا حصل مني خطأ وقصور
‏أنا حتى وداعي فيه بصمة تثبت أخلاقي

‏سقاك الله يا جرحٍ عرفته * بـ اول العشرين *
‏و سال الجرح لين اضمى هواجيسه و حنجوره

‏جزاك الله خير و بيض الله وجه هجرك ، لين
‏ما يطلع بيت يطرب ذائقة شعره و جمهوره

‏ما يجذبني قصيد المبدع إلا ، لا جرحه البين
‏على شان الشعر كل الجروح البكر مشكوره