‏حطيت راسي في حضن قطعة الجوف
‏وارتاح فكري من عنا الوقت والضيق
‏
‏كفً صغير يمسح الهم والخوف
‏ويبري جروحً بالضلوع المغاليق

‏انت السعه لا ضيقت صدري ظروف
‏وانت الامل وانت الفرح والتوافيق

‏تباهي وغني واضحكي . . لايهمك شي
‏لا مالت ظروفك فيك لك من يعدلها

‏بتلقين لك في جوف قلبي براد وفي
‏هنا منزلك .. والناس تعرف منازلها

‏ماتقدر تزعلك الليالي وراسي حي
‏لو تزعلك سود الليالي .. بزعلها

لاتنشد عن غلاك وحبَّك إللي ماعليه ظلال
‏أحبَّك والحياه اللي بدونك .. ما أتصوَّرها

‏اشوفك حقيقه عمر .. لو الليال تزل
‏مثل منسبي واسمي وموتي وميلادي

‏اعاتبك مرة على شان تقدير
‏عنواني يمكن ماوضح من كتابي

‏واعاتبك مرة كاسلوب تحذير
‏اما اعتدل ولا خصيمك غيابي

‏والثالثة لو توقع النفس وتطير
‏لي عزة تفرض عليّه صوابي

‏اللي يحب رضاه برضاه بيصير
‏الا الكرامه جرحها من عذابي

‏« حاول انك بالحياة تصير واضح و انتقائي
‏ بالكلام وبالقصيد وبالدروب وبالرفاقه »

مرحبّا يا طاريّ الود وهلا يا صحبة الوافين
‏ أبادلك السلام الراهي المنقاد و الضافي

‏لقيت لي حاجه قبل سن الثلاثين
‏ مافيه احد بالكون مثلي لقاها

‏مخلوق ماضنه تكون من الطين
‏يمكن سحابه عابره طاح ماهاا

‏خلت ثلاث ارباع صدري بساتين
‏ محد وصل في داخلي مستواها

‏ماقارنك بالحور وانتي تعرفين
‏ حتى قصيدي يبتهج لانصاهاا

‏حبيبتي انتي هنا لا تخافين
‏شفتي ضلوعي والله انك وراها

‏شعور الليلة:
‏والله أن الوجه زاهي والقلب مبسوط

يالله عسى بيتنا ماتوقف افراحــه
‏وعسى دلال الفـرح فيه دوم مصبوبه

‏على حد التعب واقف والوح للسهر نعسان
‏لـ اجل صبح تباطا جيته لين انبلج نوره

‏انا والليل والذكرى وجرح يرفض النسيان
‏نغني للشعر واسمع صدى تصفيق جمهوره

‏بعد حزة مغيب الشمس للضيق التفت عجلان
‏ارحب بالمساء كاره ظلامه ، لاعن حضوره

‏وعلى شان الامل لو ما بقى له من همومي شان
‏اغني واعزف لـعذري ... وارتل للندم سُوره

‏شعور الخوف له سلطه ولا يرحم وانا انسان..
‏يقدس كل شي بداخله و يصدق شعوره

‏رسمت ولا اعرف في صفحتي غير البياض الوان
‏وجيه تضحك لوجه الزمن و وجيه مكسوره

‏تمادى هالتعب لين اتخذني لـ العنا عنوان
‏فرض رايه على كل امنياتي واعتمد شوره

‏انا من وين ما وجهت اعود لـ اولي بلشان!
‏كرهت ام السهر وابطى الصباح وصوت عصفوره

لقيتك ليلةٍ تسرق شعور . . و مزنها صبّاب
‏يا وجهٍ كل ما يضحك جعل تضحك له سنينه

لو لقينا كتاب يستوعب جميع امجادك
ما لقينا له غلاف إلا .. الغلاف الجوي 🚀

‏صواديف الزمن ماهي قليلة يوم جات ثقال
‏لكنّي جيت من فوق الشعور وهقوة الهاقي

‏إقتنعت إن الليالي متاحف ذكريات
‏يوم تبطي سجّة البال بين أسوارها

‏اللي ظاهرها سعادة و باطنها شتات
‏وحشةٍ ما ملّت النفس من تكرارها

‏تواضع ، تغافل ، لاتدقق ، وخلك سمح
‏جمال الحياة إنك " تساير بساطتها "

‏أحيان أعسف الصعب وأعقده وأحلّه
‏وأحيان حتى الهبوب — تجرح فؤادي

‏جمـيع الـدروب اللي اجيـها تنـبـت ورد
‏وجميع الـوجيه اللي اقابلها محظوظة