الريِح هبّت ولا ادري عن مَساراتي
‏ أنا مع الريح - ولا عكس وِجهتّها ؟

‏ما احمّل النفس لكن - إحتمالاتي
‏ إتحمّل النفس حاجة فوق طاقتّها

‏ضيّعت درب الكلام وكل خطواتي
‏تشكّلت في قفار الصمت - جِرتّها
‏
‏سود الليالي خذت منيّ طموحاتي
‏وأنا الى اليوم - مدري وين ودتّها !

ليه احس اني معك ماعَرفْ قدري
‏والشعور اللي غرق بادي جفافه
‏.
‏كل مازاد " اشتياقي" قل صبري
‏و كل حاجه بغيبتك فيها كلافه
‏.
‏اهزمتني هالمسافه وانت تدري
‏اكثر اللي كنت اخافه هالمسافه

على اللي تعبت انسى غلاه وتعبت اسير
‏على جرته من يوم قفت مظاهيره

‏حداني على شيئين يا الموت يا التهجير
‏بعد ماكنت في بيت الغلا اغلى مساييره

‏حزينٍ عليه ومن نشدني اقول بخيّر
‏وانا ضايقٍ من جور هجرهه وتاخيره

‏يقولون خيره واعتبر كل شي يصيّر
‏وانا اقول م هي كل خيره تجي خيره

أحبك في شعور المندفع بـ إصرار
‏كثر ما اختار بعدك وأرجع أختارك

‏وتاخذني ظنوني عنكْ بـ استمرار
‏أخاف الجاي يبقى منْه تذكارك

‏من اللي ما بعد عشته ولا قد صار!
‏رضيت أبعد و لا كمّلت مشوارك

عسى أن تتمدد المسَرة على ميادين أعمـارنا ,
‏وتحاوطنا البهجة من كلِّ حـدبٍ وصَـوبٌ

تجيني ضحكتك مثل الـبشاير في عيون الـضيق
‏و أنام وفي عيوني . . ضـحكتك والقلب في راحة

‏بخوض من الحروب وبنتصر وأظمأ ، وأبلّ الريق
‏من الي يخسر بـ حرب الحياة و وجهك سلاحه ..

تملكني شعور الفرح في صوتك وضحْكاتك
‏ونسيت الحزن و الهم على ماضي خساراتي

‏"لقيتك وافيٍ قلب .. و لقيت بـ ابتساماتك
‏هـنـاي اللي ينزح جميع اوجاعي وضيقاتي"

‏رسمت ببسمة شْفاهي عُمـر يحيّي بداياتك
‏وشغف دايم على شـانك يجـدد كل بداياتي

انتي اختصرتي بالجمال المزايين
‏حتى كسبتي من طرفهن عداوه

‏يالورده اللي بين خضر البساتين
‏وتومي بك الهبه ليان وطراوه

‏مرت لك الدنيا على ماتحبين
‏واعطتك من فوق الملامح صفاوه

‏ياما اختلط ملحك على وجهك الزين
‏وزدتي على كثر الحلاوه … حلاوه "

سيّد البال .. تاخذني عليك الطواري
‏اثر مالي لو يطول الجفا عنك صده
‏
‏انت ليلٍ .. تخاطفني عليه المساري
‏و انا ما جابني لك غير صدق الموده
‏
‏ودي آخذ من عيونك ومبسمك ثاري
‏شيّ يوخذ بـ لين و شيّ يوخذ بـ شده
‏
‏عاد و ان بان بين الساعدين انكساري
‏من يلوم القوي لا بيّح الشوق سده

‏" عشاني لاتنام الليلة إلا والقلوب أحباب
‏عشاني قول أحبك وأمسك أحلامي من يديها

‏دخيلك لاتساومني على الفرقا وأنا مرتاب
‏أعيش العمر فاقد ضحكةٍ ماني بـ ناسيها ".

‌‏أدور على وصلك لو أنّك تحب تغيب
‌‏أحامي عن الماضي وأحافظ على الباقي
‌‏
‌‏أسولف معك في كل حاجه بلا ترتيب
‌‏كلامي حقيقي و أشتياقي من أعماقي

‏أنا معاك .. ناسي لـِ طبعي ومبداي
‏أحبّ شوفك وتفرحني مواصيّلك

‏تلقانيّ مع الناس بارد ونسّاي
‏لكن معاك بالذات أحفظ تفاصيّلك

يارب عامٍ ينقال عن لياليـّه :
‏" كنت انا في لهيب القيض مرميّ ..
‏واليوم انا تحت صب السحابة ".

وزّعي عمري لك أخوان وقرايب . .
‏بس لا تشكين من قولة وحيدة

أحبك ضلعٍ أجوف عاشت سنينه برجوى ناي
‏ولا تدري حزن هـالكون .. واحد من أصابيعه
‏
‏تأكـد .. وإن تغناك الحـنين اللي عـلى ليلاي ؟
‏أنا اطـهر ما هطل شوقك على خيرة مرابيعه

عساني لابكيتك من غلا ما ابكيك من فقدان
‏ولا اعيش الحياة اللي بدونك ما اتخيّلها

‏أمانة.. لا تموت وينفتح لي للحزن بيبان
‏وانا بيبان حزني ماحدٍ غيرك يقفّلها

‏ولا غيرك يداريني ويعرف راضي او زعلان
‏ويمسح دمعتي ويلعن ثوى من هو ينزّلها

غديت اودع المقفي ولا احب اسمع التبرير
‏أشوف ان التفاصيل الكثيره ما لها داعي

‏فـ انا يا اللي تظن اني بدونك ما احسن التدبير
‏هجرتك واشتعل نور الحياه و زانت اوضاعي

‏فلا شكراً على وقتك ولا اعذرني على التقصير
‏انا من يوم فارقتك تلاشت معظم اوجاعي

إخترتك العمر .. يوم إن العمر مرّة
‏كنت الصّحيح الوحيد من إختياراتي

تسند بي أنا أصدق من ظنون الخايف الهاقي
‏وتعااال موطنك صـدري اذا حسيت بالغربة .

أنا معك لا اتعب مواطيك المسافة والطريق
‏نورٍ لـ دربك ما طفى .. وإذا استضاق اوسعه