زعلت لأنك غير وصغَارك كبار
‏هالحزن ماهو قصدي وما نويته

‏حاولت أخفف صوتي وصار ثرثار
‏ومر الكلام لساني .. وما حكيته

‏يا سبّة أستمراري بـ عمري المار
‏اليوم ما أنت اللي هويت وخشيته؟

‏اليوم ما تشبه حبيبي بالأشعار
‏لكن تشابه قلبي اللي خذيته

دخيلك لا تشوّه ذكريـات المعزّه
خلّك مثل ما كنت في عيني كبير

يروي ظما غيري وأنا يابس الريق ..

ما تغيّر شي واللي فات ماله قيمه
‏علّم اللي ضيّع الفرحه ولا دوّرها

‏مابقى في ذا البلاد الا فقير وغيمه
‏كل مامرت عليه وشافها صورها.

"للعمر وسنينه وحبي، أقترفت
‏ذنبٍ على ليله معقبّها القمر

‏ونفسي خذتني للندم حتى عرفت
‏أنك من سنين العمر "زلة العمر".

الشتاء والليل مع ريح الحطب
‏وش نحب اكثر من اجواء الشتاء

‏والمطر والغيم وانفاس السحب
‏وصاحب قربه عن العالم دفأ

ليل الشتاء غير ياسـاهر الليل
‏يجيب لك من كل ذكرى قصـيدة

وانت الجليسّ الي لو أتكّي معه على أطرف رصيف
‏ غدت روحي بعد الصحاري بساتين ورد

ماعاد بي شدّه على طرد السراب
‏ومراقبة شمسٍ توارت للغروب،
‏
‏إما وجود يلّوي ذراع الغياب
‏ولا غيابٍ يفضح الوصل الكذوب

ما علمك صمتي وش كثر فيني كلام؟
‏ولا انا بس اللي أحسك وأسمعك

‏ما ذكرك مُر الجفى بحلو الغرام
‏ولا أنت بالثنتين ما تفرق معك؟

‏لايخدعك هالبعد لو مر بسلام
‏ترى أول أيامه يا حبيبي تخدعك

‏بكره بتجيك أيام ما تقدر تنام
‏بتوله للذكرى والذكرى بتوجعك

تعال ، قبل الورد يذبل والسهر عينه تنام
‏قبل تجف الـ مرحبا وتموت بـ لساني هلا
‏ٰ
‏ترى عزيز النفس لامن عاف عاف بلا كلام
‏والله لو أنه " وطـن " ما عاد له حب و ولا
‏ٰ
‏ما ينتهي " كثر الغـلا " إلا بـ قلّ الإهتمام
‏وإن جيتني بعدين مالك لا حضوَر ولا غلا

عمَار الليَالي الطويلة ضِحكة اللي توّده

عن اللهفة اللي في مسيري وفي مسعاي
‏أعاف الليالي وألحق النور وأجرّه!

‏حصيل المساء ذكرى قديمة وشعر وناي
‏وجرحٍ نغني به من الوجد والحّره

‏لا يشره علي إن زاد صمتي وقل حكاي
‏ترا ما معي غير أفتح زرار وأزرّه

‏أشيل السنين الماضية للزمان الجاي
‏وأخاف العيون تطيح من جفنها قرّة

تدور الارض و تدوّر معاها دوره الاقدار
‏وكُل ساقي سيسقى ما سقى و الارض دوارة

‏" لذلك لا تعامل هالبشر بالمثل " لاَ و أختار
‏تكون اللي يجمل بـ العفو و الطيبه أقدارة

‏ تشبّه فيك لا تشبه أحد لو ترهب الانظار
‏ولا تسمح لأحد يسلبك منّك قو تياره

‏وحاول تترك بكل الأماكن قيمة و تذكار
‏يموت الادمي ويعيشّه فعلة و تذكاره

‏حبيسين بزوايا الارض ما حَنا ابد احرار
‏ولا حرً بهالدنيا سوى من حرر افكاره
‏
‏ما دامك مرضي الله و بخواطر والدينك بار
‏تطمن و امشي دروب الصعاب وهات البشاره.

العمر مرة وبس !
مابي من دونك يمر

حنا اختلفنا فالمشاعر والكلام
‏الوضع باين والعقول تصوّره

‏تجيني تسلم وارد لك السلام
‏مع كلمتين وضحكتين مزوّره

‏مافيه داعي للتشره والملام
‏كلن ضميره فالحياه ينوّره

‏ان جيت عينت الغلا والاحترام
‏وان رحت قلبي ماقدرت تعوّره

‏مانيب من متسولين الاهتمام
‏ان ماحصل ماجيت منك ادوّره

ماني بحاجة بشر أنا بحاجة شعوور
‏محتاج خلوه مع نفسي وفوقي مطر

انتبه تركع للراحلين لا حبّوا الفراق
‏حنا نصلي على الموتى بليا ركوع .

من وصايا ابن فطيس :
‏لا شعرت ان المواصل يذل النفس
‏كابر حتى لو انك من الشوق ميت

يارب خلّصني من الشعُور اللي يهدّ جهدي
‏ومتّعني بشيٍ .. كلّ النّاس تستغربه .