​​#Haqida

“G‘oyib bo‘lgan atirgul”

Choʻpon yigit Santyagoning sarguzashtlari, Kichkina Shahzodaning boshdan oʻtkazganlari, oqcharloq Jonatan Livingstonning koʻrgan-kechirganlari yodingizdami?

Bu kitob ham oʻzni va oʻzgani anglash haqidagi gʻaroyib asar hisoblanadi.

Taniqli turk yozuvchisi Serdar Oʻzkan millionlab nusxada nashr etilayotgan asarlarida madaniyatlar toʻqnashuviga urgʻu beradi, oʻz qahramonlariga inson oʻlaroq yondashadi, turli mintaqa vakillarining farqli va oʻxshash jihatlarini, iztiroblari-yu tashvishlarini yorqin boʻyoqlarda tasvirlaydi.

“Turklarning Kichkina Shahzodasi” deb atalmish “Gʻoyib boʻlgan atirgul” asari chuqur kechinmalar hamda nozik ruhiy tasvirlar ila, nafis afsona, teran hikmatlar orqali hikoya qilinadi.

Kitob qalb amriga quloq solish va vahima-yu xavotirlar changalidan xalos boʻlish haqida. Ehtimolki, eng qiyin daqiqalarda ruhiy xotirjamlikka erishishingizga koʻmak berishi turgan gap!

Garchi kitob jiddiy mavzuda bitilgan esa-da, tili shirinligi tufayli yengil, bir nafasda oʻqiladi. Oʻzingizni qiynayotgan savollarga javob topish yoʻlida sizga hamroh boʻladi.

Buning uchun esa qalb sayohatiga yoʻl olishingiz lozim. Zero, “ichingizdagi ichingizdadir”.

@Factorbooks — eng yaxshilari! ❤️

#Foydali

Kitob oʻqishning 7 foydasi

Mutolaa:

— atrof-muhitni, dunyoni va oʻzingizni anglashga yordamlashadi;

— yodda saqlash va oʻylash qobiliyatini rivojlantiradi. Koʻp kitob oʻqigan odamning xotirasi yaxshi, zehni o‘tkir, dunyoqarashi keng bo‘ladi;

— talqin qilish, analiz yasashga va shaxsiy fikrning shakllanishiga yoʻnaltiradi;

— koʻpgina yutuq va muvaffaqiyatlarga asos boʻladi;

— odamlar bilan toʻgʻri muomala qilishni oʻrgatib, nutqingizni rivojlantiradi;

— soʻz boyligi va savodxonlik darajangizni oshiradi;

— yashirinib yotgan ijodiy qobiliyatingizni yuzaga chiqaradi.

Kitob o‘qimaydigan tanishlaringizga jo‘nating...

@Factorbooks — kitobxonlar tomondamiz! ❤️

​​#Kitobxon_fikri
#Taqriz

Sherzod Ortiqov: Sabahaddin Alining “Mo‘ynali mantodagi Madonna” romanini o‘qib tugatgach xuddi yaqin bir insonimni yo‘qotgandek bo‘ldim...

Bunday hisni oxirgi marta Sveygning “Qalb besabrligi” romanini yakuniga yetganimda tuygandim...

Umuman olganda,  bu romanni Folkner,  Gesse yoki Markeslarning romanlari bilan bir qatorga qo‘yib bo‘lmaydi. Asarning saviyasi uchun emas, g‘oyaviy jihatdan zalvorli emasligi uchun. Bu romanni “tuyg‘ularning latif tarannumi aks etgan samimiy asar” deyish mumkin.

Barchaga tanish o‘sha tuyg‘u,  mavzu eskirmas — muhabbat. Ammo yozuvchining mahorati sizga bu mavzuni go‘yo ilk marotaba qalamga olinayotgandek qilib ko‘rsatadi va siz maftun bo‘lgancha goh kulib, goh yig‘lab asarning sahifalaridan o‘tasiz.

Asar bosh qahramoni Raif afandiga achindim. O‘rnida bo‘lganimda men ham Mariyani sevib qolgan, hayotimni o‘zgartirgan bu ayolni butun umr kutgan bo‘lardim. Raif afandi Guntekinning qahramonlari bilan uyg‘un, o‘xshash. Ular kabi dard va iztiroblarini yo ichida, yo kundaliklarida saqlaydi.

Saidjalol Saidmurodov, saviyali asarning  nashr etilishi bilan siz va jamoangizni tabriklayman!

©Sherzod Ortiqov,
yozuvchi

@Factorbooks — har bir harakatimiz kitobxon uchun! ❤️

#Tadaaaam

“Dard etma, sabr et” kitobidan iqtiboslar tanlovi yakunlandi!

Odatda sharti reaksiya to‘plash bo‘lgan tanlovlardan qochamiz. Talablarga binoan bu viktorinani tashkillashtirgandik. Endigi tanlovlarimiz sharti boshqacha bo‘ladi!

Bu safar ham kitobni o‘qib, ibratli jumlani topib, hammadan ko‘p reaksiya to‘plagan, boshqa kitobxonlar e’tirofiga sazovor bo‘lgan g‘oliblarimiz bir nafardan ko‘p. Bayram bayramdek bo‘lsin!

🥳 ”س“

🥳 “Alif book store”

G‘oliblarimizga nashriyotimizda chop etilgan kitoblardan istagan bittasini taqdim etamiz. G‘alaba muborak bo‘lsin. O‘ylaymizki, bu reaksiyalarni astoydil harakat qilib, ter to‘kib yig‘gansiz. Biz sizga ishonamiz!

P.s. Iltimos, @Factorbooks_info ga viloyat+tuman, ism+telefon raqam va kerakli kitobning nomini yozib yuboring. Ertagayoq jo‘natamiz!

@Factorbooks – kitob sovg‘a qilish uchun hamisha sababimiz bor! ❤️

#Remarkshunoslar_diqqatiga

TARJIMONIMIZDAN MAXSUS TANLOV!

🔊 Erix Mariya Remarkning “Ortga yoʻl” asari boʻyicha yangi tanlov eʼlon qilinmoqda!

✅ Agar siz olmon adibining asarlarini “yutoqib” oʻqib, uning ashaddiy muxlisi boʻlsangiz, unda imkoniyatni qoʻldan chiqarmang!

❗️ Sizdan talab qilinadigani yozuvchining “Ortga yoʻl” asarini yaxshilab qayta oʻqib, uqib, soʻngra bafurja, batafsil taqriz-maqola yozishdir. Hajmi chegaralanmagan, muhimi – original fikr va tahlil!

📝 Ishlaringizni 10-yanvargacha @Factorbooks_tanlov manziliga jo‘natasiz. Eng yaxshi material gʻolibi 14-yanvar – Vatan himoyachilari kunida eʼlon qilinadi!

📚 1 nafar g‘olibga Erix Mariya Remarkning “Lissabondagi tun” romanining oʻzbek tilidagi ilk nashrlaridan biri asar tarjimoni Saidjalol Saidmurodov dastxati bilan taqdim etiladi.

🎁 Hoziroq harakatni boshlang, tarjimonimiz e’tirofiga kim loyiq bo‘larkan? Ko‘ramiz...

@Factorbooks

​​#Tarjimonga_maktub

Assalomu alaykum, Saidjalol uka! Qoʻlingdagi kitobni oʻqidim. Juda baland darajada tarjima qilgansan. Xursand boʻldim. Umringdan baraka top!

Urush manzaralari va inson ruhiyatidagi ogʻriqlar shu darajada yaxlit tortgan, dialog va tabiat manzaralari tabiiy hamda ravon ifodalanganki, badiiy tarjimaning mukammalligiga hayratlandim!

Tarjimon oʻz ona tilini ham juda yaxshi bilishi, oʻz tili qudratini chuqur his qilishi kerak, degan aqida naqadar haqiqat ekanligiga ishonch hosil qildim.

Sen katta tarjimonsan! Nizom aka  Komilovdan keyin Remarkni oʻzbeklarga oʻz salohiyati bilan tanitgan tarjimonsan, adibsan!

Remarkning bu asari oldin tarjima qilinganda edi, albatta, oʻzbek oʻquvchisi dastlab uning shu asarini aytish, undan iqtibos keltirish bilan  Remark ijodiga baho bera boshlardi. Remark ijodidagi eng baland asar shu! 

Senga rahmat. Ulkan oʻzbek tarjimonlari Ibrohim Gʻafurov,  Nizom Komil... izidan Saidjalol ham bugun boʻy koʻrsatdi. Men bu kitobni har bir yozuvchi, har bir oʻquvchi oʻqishini xohlayman...

Yozuvchi yozishni,  oʻquvchi yashashni oʻrganadi. Saidjalol, shu kitobni chop etgan nashriyot xodimlariga ham tashakkur, deyman.

Otangga rahmat,  omon boʻl, oʻgʻlon. Bu kitob hozir stolim ustida. Bir oydan beri uning taʼsiridaman...

©Qo‘chqor Norqobil,
yozuvchi

@Factorbooks – kitobxonlar tomondamiz! ❤️

ILTIMOS, ENSANGIZNI QOTIRMASDAN OʻQING!

🔥 Shu kunlarda “Factor books”da faoliyatimizni davom ettirarkanmiz, bir zamon tahririyatga eski bir tanishimiz kelib qoldi. U yoq-bu yoqdan gurunglashilgach, tabiiyki, suhbat mavzusi adabiyotga, kitoblarga borib taqaldi. Nashriyotda, ozmi-koʻpmi, erishilgan yutuqlarni tilga olib, eʼlon qilinayotgan kitoblar bilan birma-bir tanishtirib chiqilgach, kelgusidagi rejalarimizni soʻrab qoldi tanishimiz.

😇 Shunda nashr etilajak kitoblar va ularning qisqacha mazmuni bilan tanishtirdik-da, shular orasida “Koʻrinmas ayollar” deganiga alohida urgʻu berdik. Tanishimiz esa sal ensa qotirganday boʻldi-da: “E, shuyam ish boʻpti-yu! Ey, sal munday “mujskoy” kitoblar chiqarsalaring boʻlmaydimi-a?!” deb qolsa boʻladimi!

Albatta, kitobni oʻqimagan oʻquvchi boʻlsa, eskicha qoliplarda shakllangan fikri bilan xayoliga kelganini aytib tashlashi yoki biroz talmovsirab qolishi turgan gap edi. Ammo kalavaning ikkinchi uchi ham borki, kitob aynan “erkakcha”siga yozilgan edi, kitobni, avvalo, biz, er-yigitlar oʻqib chiqishimiz zarur edi. 

🤳 Batafsil: https://telegra.ph/ILTIMOS-ENSANGIZNI-QOTIRMASDAN-OʻQING-12-27

@Factorbooks – kitobxonlar tomondamiz! ❤️

Adabiy suhbatni sog‘inganlar bormi? Marhamat!

Erix Mariya Remarkning “Ortga yo‘l” asari haqida yozuvchi Qo‘chqor Norqobil va shoira Xosiyat Rustamova suhbatidan yozib olingan parcha... 🙈🤫

Suhbatni tinglang, agar sizda ham asar bo‘yicha fikrlar bo‘lsa, izohlar sizga muntazir. Bemalol fikrlashishingiz, muhokama va tahlil qilishingiz mumkin. Bajonidil, o‘qishga tayyormiz!

Erix Mariya Remarkning yana qaysi kitoblarini ona tilimizda o‘qishni istaysiz? Uni ham yozib qoldiring.

Siz Remarkni Nizom Komildan so‘ng kimning tarjimasida o‘qishni istaysiz, Saidjalol Saidmurodov tarjimasini 10 ballik tizimda nechchiga baholaysiz?

Aytgancha, kitob haqida taqriz yozyapsizmi?

@Factorbooks – eng yaxshilari! ❤️

YILNING ENG SHOV-SHUVLI VOQEASI TOBORA YAQIN!

Quyidagi 4 kitob asosida yirik kitobxonlik tanlovi tashkil etilgan:

📚 Usmon Azim: “Bir parcha osmon”;
📚 Erkin Aʼzam: “Anoyining jaydari olmasi;
📚 Murod Muhammad Doʻst: “Galatepaga qaytish”;
📚 Xurshid Davron: “Samarqand xayoli”.

Birinchi bosqich telegram bot orqali, ikkinchi bosqich mualliflarning suhbati asosida 2023-yil 1-15 mart oraligʻida boʻlib oʻtadi. Barcha tayyorgarliklar hozirlangan!

IKARdan ko‘zlangan asosiy maqsad o‘zbek adabiyotini targ‘ib qilish va haqiqiy kitobxonlarni kashf etishdan iborat!

IKAR to‘plami promokodli futlyarda, paketlangan, qadoqlangan holda umumiy narxi 259 ming soʻm.

🤩 Respublika boʻylab yetkazib berish xizmati bepul!

Bu xazina javoningizda turishining o‘ziyoq didingizni belgilaydi, o‘zgacha kayfiyat va xotirjamlik bag‘ishlaydi...

❗️ Aytgancha, bosh sovrin: “Nexia-3” avtomobili!

📲 Kitoblaringizga hoziroq buyurtma bering:
     @Factor_bookbot

🌐 Batafsil ma’lumot: ikarfactor.uz

Telegram | Facebook | Instagram

​​#Tez_kunda
#Yangi_asar

Qayoqdagi qashshoq qiz! Sichqon sig‘mas iniga, g‘alvir boylar dumiga, deganday nikohdan o‘tgani shaharga chopgani-chi! Bisotida na sariq chaqasi, na yor-do‘sti, na sepi bor, nimasiga ishonadi bular? Bor-yo‘g‘idan ajralib, ertaga gadoy bo‘lgani qoladi. Ko‘ylagini kiyish yo bir qoshiq sho‘rva pishirishni eplolmagan bunday mishiqilar turmushning uddasidan chiqarmidi? Bu sharmanda qizning tuzog‘iga ilingan gulday yigitga achinasan, xolos...

©Gotfrid Keller,
“Qishloqlik Romeo va Julyetta” kitobidan

@Factorbooks – eng yangilari! ❤️

Gʻalvirni suvdan koʻtaradigan payt keldi!

⏳ Biz bu yilgi faoliyatimizni 3 ta yoʻnalish boʻyicha sarhisob qildik:

💎 “Yil kitobi”;
💎 “Yil e’tirofi”;
💎 “Yil loyihasi”.

🔥 Natijalar ertadan e’lon qilina boshlaydi. Ungacha bu yoʻnalishlar boʻyicha taxminlaringizni eshitishga tayyormiz. Izohlar sizga muntazir!

@Factorbooks – kitobxonlar tomondamiz! ❤️