#Remarkshunoslar_diqqatiga

TARJIMONIMIZDAN MAXSUS TANLOV!

🔊 Erix Mariya Remarkning “Ortga yoʻl” asari boʻyicha yangi tanlov eʼlon qilinmoqda!

✅ Agar siz olmon adibining asarlarini “yutoqib” oʻqib, uning ashaddiy muxlisi boʻlsangiz, unda imkoniyatni qoʻldan chiqarmang!

❗️ Sizdan talab qilinadigani yozuvchining “Ortga yoʻl” asarini yaxshilab qayta oʻqib, uqib, soʻngra bafurja, batafsil taqriz-maqola yozishdir. Hajmi chegaralanmagan, muhimi – original fikr va tahlil!

📝 Ishlaringizni 10-yanvargacha @Factorbooks_tanlov manziliga jo‘natasiz. Eng yaxshi material gʻolibi 14-yanvar – Vatan himoyachilari kunida eʼlon qilinadi!

📚 1 nafar g‘olibga Erix Mariya Remarkning “Lissabondagi tun” romanining oʻzbek tilidagi ilk nashrlaridan biri asar tarjimoni Saidjalol Saidmurodov dastxati bilan taqdim etiladi.

🎁 Hoziroq harakatni boshlang, tarjimonimiz e’tirofiga kim loyiq bo‘larkan? Ko‘ramiz...

@Factorbooks

​​#Tarjimonga_maktub

Assalomu alaykum, Saidjalol uka! Qoʻlingdagi kitobni oʻqidim. Juda baland darajada tarjima qilgansan. Xursand boʻldim. Umringdan baraka top!

Urush manzaralari va inson ruhiyatidagi ogʻriqlar shu darajada yaxlit tortgan, dialog va tabiat manzaralari tabiiy hamda ravon ifodalanganki, badiiy tarjimaning mukammalligiga hayratlandim!

Tarjimon oʻz ona tilini ham juda yaxshi bilishi, oʻz tili qudratini chuqur his qilishi kerak, degan aqida naqadar haqiqat ekanligiga ishonch hosil qildim.

Sen katta tarjimonsan! Nizom aka  Komilovdan keyin Remarkni oʻzbeklarga oʻz salohiyati bilan tanitgan tarjimonsan, adibsan!

Remarkning bu asari oldin tarjima qilinganda edi, albatta, oʻzbek oʻquvchisi dastlab uning shu asarini aytish, undan iqtibos keltirish bilan  Remark ijodiga baho bera boshlardi. Remark ijodidagi eng baland asar shu! 

Senga rahmat. Ulkan oʻzbek tarjimonlari Ibrohim Gʻafurov,  Nizom Komil... izidan Saidjalol ham bugun boʻy koʻrsatdi. Men bu kitobni har bir yozuvchi, har bir oʻquvchi oʻqishini xohlayman...

Yozuvchi yozishni,  oʻquvchi yashashni oʻrganadi. Saidjalol, shu kitobni chop etgan nashriyot xodimlariga ham tashakkur, deyman.

Otangga rahmat,  omon boʻl, oʻgʻlon. Bu kitob hozir stolim ustida. Bir oydan beri uning taʼsiridaman...

©Qo‘chqor Norqobil,
yozuvchi

@Factorbooks – kitobxonlar tomondamiz! ❤️

ILTIMOS, ENSANGIZNI QOTIRMASDAN OʻQING!

🔥 Shu kunlarda “Factor books”da faoliyatimizni davom ettirarkanmiz, bir zamon tahririyatga eski bir tanishimiz kelib qoldi. U yoq-bu yoqdan gurunglashilgach, tabiiyki, suhbat mavzusi adabiyotga, kitoblarga borib taqaldi. Nashriyotda, ozmi-koʻpmi, erishilgan yutuqlarni tilga olib, eʼlon qilinayotgan kitoblar bilan birma-bir tanishtirib chiqilgach, kelgusidagi rejalarimizni soʻrab qoldi tanishimiz.

😇 Shunda nashr etilajak kitoblar va ularning qisqacha mazmuni bilan tanishtirdik-da, shular orasida “Koʻrinmas ayollar” deganiga alohida urgʻu berdik. Tanishimiz esa sal ensa qotirganday boʻldi-da: “E, shuyam ish boʻpti-yu! Ey, sal munday “mujskoy” kitoblar chiqarsalaring boʻlmaydimi-a?!” deb qolsa boʻladimi!

Albatta, kitobni oʻqimagan oʻquvchi boʻlsa, eskicha qoliplarda shakllangan fikri bilan xayoliga kelganini aytib tashlashi yoki biroz talmovsirab qolishi turgan gap edi. Ammo kalavaning ikkinchi uchi ham borki, kitob aynan “erkakcha”siga yozilgan edi, kitobni, avvalo, biz, er-yigitlar oʻqib chiqishimiz zarur edi. 

🤳 Batafsil: https://telegra.ph/ILTIMOS-ENSANGIZNI-QOTIRMASDAN-OʻQING-12-27

@Factorbooks – kitobxonlar tomondamiz! ❤️

Adabiy suhbatni sog‘inganlar bormi? Marhamat!

Erix Mariya Remarkning “Ortga yo‘l” asari haqida yozuvchi Qo‘chqor Norqobil va shoira Xosiyat Rustamova suhbatidan yozib olingan parcha... 🙈🤫

Suhbatni tinglang, agar sizda ham asar bo‘yicha fikrlar bo‘lsa, izohlar sizga muntazir. Bemalol fikrlashishingiz, muhokama va tahlil qilishingiz mumkin. Bajonidil, o‘qishga tayyormiz!

Erix Mariya Remarkning yana qaysi kitoblarini ona tilimizda o‘qishni istaysiz? Uni ham yozib qoldiring.

Siz Remarkni Nizom Komildan so‘ng kimning tarjimasida o‘qishni istaysiz, Saidjalol Saidmurodov tarjimasini 10 ballik tizimda nechchiga baholaysiz?

Aytgancha, kitob haqida taqriz yozyapsizmi?

@Factorbooks – eng yaxshilari! ❤️

YILNING ENG SHOV-SHUVLI VOQEASI TOBORA YAQIN!

Quyidagi 4 kitob asosida yirik kitobxonlik tanlovi tashkil etilgan:

📚 Usmon Azim: “Bir parcha osmon”;
📚 Erkin Aʼzam: “Anoyining jaydari olmasi;
📚 Murod Muhammad Doʻst: “Galatepaga qaytish”;
📚 Xurshid Davron: “Samarqand xayoli”.

Birinchi bosqich telegram bot orqali, ikkinchi bosqich mualliflarning suhbati asosida 2023-yil 1-15 mart oraligʻida boʻlib oʻtadi. Barcha tayyorgarliklar hozirlangan!

IKARdan ko‘zlangan asosiy maqsad o‘zbek adabiyotini targ‘ib qilish va haqiqiy kitobxonlarni kashf etishdan iborat!

IKAR to‘plami promokodli futlyarda, paketlangan, qadoqlangan holda umumiy narxi 259 ming soʻm.

🤩 Respublika boʻylab yetkazib berish xizmati bepul!

Bu xazina javoningizda turishining o‘ziyoq didingizni belgilaydi, o‘zgacha kayfiyat va xotirjamlik bag‘ishlaydi...

❗️ Aytgancha, bosh sovrin: “Nexia-3” avtomobili!

📲 Kitoblaringizga hoziroq buyurtma bering:
     @Factor_bookbot

🌐 Batafsil ma’lumot: ikarfactor.uz

Telegram | Facebook | Instagram

​​#Tez_kunda
#Yangi_asar

Qayoqdagi qashshoq qiz! Sichqon sig‘mas iniga, g‘alvir boylar dumiga, deganday nikohdan o‘tgani shaharga chopgani-chi! Bisotida na sariq chaqasi, na yor-do‘sti, na sepi bor, nimasiga ishonadi bular? Bor-yo‘g‘idan ajralib, ertaga gadoy bo‘lgani qoladi. Ko‘ylagini kiyish yo bir qoshiq sho‘rva pishirishni eplolmagan bunday mishiqilar turmushning uddasidan chiqarmidi? Bu sharmanda qizning tuzog‘iga ilingan gulday yigitga achinasan, xolos...

©Gotfrid Keller,
“Qishloqlik Romeo va Julyetta” kitobidan

@Factorbooks – eng yangilari! ❤️

Gʻalvirni suvdan koʻtaradigan payt keldi!

⏳ Biz bu yilgi faoliyatimizni 3 ta yoʻnalish boʻyicha sarhisob qildik:

💎 “Yil kitobi”;
💎 “Yil e’tirofi”;
💎 “Yil loyihasi”.

🔥 Natijalar ertadan e’lon qilina boshlaydi. Ungacha bu yoʻnalishlar boʻyicha taxminlaringizni eshitishga tayyormiz. Izohlar sizga muntazir!

@Factorbooks – kitobxonlar tomondamiz! ❤️

​​✍Sabohaddin Ali
📖"Mo'ynali mantodagi Madonna"

Albatta qalb hammada bor, biroq buni hamma ham anglamaydi, ko'pchilik tug'ilganidan to so'nggi kunlariga qadar o'z ichki olamining teranligi va boyligi haqida hatto o'ylab ham ko'rmaydi... Bu ichki olam faqat ruhiy jihatdan o'zimizga o'xshagan odamni uchratgannimizdagina ochiladi va aynan shunda bizning boshqa - ma'naviy hayotimiz boshlanadi.

To'g'risini aytsam kitobni mana shunday iqtiboslar va motivatsiya beruvchi so'zlardan iborat asar deb o'ylab qo'limga olib varaqlashni boshladim. Dastlab asar noma'lum so'zlovchi shaxsning tilidan boshlanib, uning ish faoliyatida tarjimon Raif afandi bilan tanishgani va shu insonning boshqalarga o'xshamaydigan o'ziga xos harakteri tasvirlanadi. Bu insonning butun hayot yo'li, uning o'ziga xos harakterining sabablari kundalik daftari orqali ochib beriladi.

Har doim kam gapiradigan, o'z olamida yashaydigan, maqtanchoqlikni bilmaydigan insonlarni ko'rsak negadir ularni bosib o'tib ketishga harakat qilamiz. Ularning ham o'z haqiqatlari borligi haqidaku o'ylab ham ko'rmaymiz. Birpasda shu inson haqida o'z xulosamizni qilib, salbiy xarakteristika ham berib qo'yamiz. Bunday insonlar esa atrofimizda talaygina topiladi. Masalan, bir kitobni o'qib chiqsak, shu kitobning barcha yaxshi va yomon tomonlari taqrizda bittalab ochib berishga, kitob bizga nimaga yoqqan, yoki yoqmaganiga urg'u berishga harakat qilamiz. Nima uchun insonlar haqida shunday tanishishga harakat qilib ham ko'rmaymiz? O'sha inson haqida hech nimani bilmay turib o'zimizni biladigandek tutamiz. Bilishga harakat ham qilmaymiz. Yana shunday er-xotinlar borki, 40 yil birga yashab bir-biri haqida yetarlicha ma'lumotga ega ham bo'lmaydi.

Raif afandi ham xuddi boshqalardek muloqat qilishni, turli xil san'at asarlarini baholashni bilgan, va xattoki sevgani Mariya bilan ham mana shu san'at sababli tanishgandi.
Yaqinda ijtimoiy tarmoqlarda Nitshening shunday so'zlarni o'qigandim: "Siz biror inson bilan nikohdan o‘tayotganda o‘zingizga savol berishingiz kerak: u bilan butun umr suhbatlasha olamanmi? Turmushda faqat suhbatgina abadiydir, qolgan narsalar vaqtinchalik". Xuddi shunday Raif afandi hamda Mariya ana shunday juftliklar edi. Ikkisi ham haqiqiy san'at ishqibozlari edi. Raif faqat Mariya bilangina haqiqiy suhbatdosh edi. Unga yanada yaqinlashishga harakat qilardi. Qiz esa yanada yaqinlashish munosabatlarning qadrsizlanishiga, yaqinlashish o'rniga uzoqlashishga sabab bo'ladi deb hisoblardi. Erkaklarga bir qadam yaqinlashsa ikki qadam uzoqlashishga harakat qilardi. Uning quyidagi fikrlari e'tiborni tortadi:
" Erkaklarning ahmoqona tarzda o'zlariga ishonishlarini payqamaslik uchun ko'r bo'lish kerak. Ular o'zlarini ovchi, bizni esa o'lja deb hayol qilishadi va bu tasavvurdan sira voz kecha olishmaydi. Ularning fikricha, bizning burchimiz risoladagidek va itoatli bo'lishdir. Erkaklarga hech nimani rad etmaslihimiz kerak. Bizga o'z xohishlarimizga ega bo'lish imkoni berilmagan, istaganimizcha yo'l tutishga haqqimiz yo'q. Men esa bu be'mani erkakcha dimog'dorlikni yomon ko'raman".

Asar nafaqat chiroyli iqtiboslari bilan, balkim ajoyib voqealar rivoji bilan ham o'ziga torta oladi. Sabohaddin Ali ushbu asarida voqealar rivoji bilan birgalikda ajoyib iqtiboslarni ham yoddan chiqarmagan.

Xo'sh, unda mo'ynali mantodagi Madonnaning asarga nima aloqasi bor? U hayotda bor shaxsmi?
Albatta Madonnasiz ushbu asar ham dunyoga kelmagan bo'lardi.

Asarni yakunlar ekansiz, o'zingiz uchun Mariyani kashf etasiz. Biz Raif afandiga o'xshash tashqaridan kamgap, beg'am ko'rinuvchi insonlarga birpasda xulosa chiqarganimizdek, shaddod, xushchaqchaq ko'ringan insonlarni ham aslida yengiltak yoki sabrsiz deb baho beramiz.

Asar yakunida ayol kishining qanchalik sabr-bardoshli va vafoli bo'la olishiga yana bir bor ishonch hosil qilamiz.

Yozuvchini birinchi bo'lib shu asar orqali o'zim uchun kashf qildim
O'ylaymanki, bu so'nggisi emas.

@doctorsmind📖