❗️Ermənistan Azərbaycanın COP17-də iştirakını təmin etmək üçün yaxın vaxtlarda rəsmi dəvət göndərəcək

Bu barədə Ermənistanın ətraf mühit naziri Ambartsum Matevosyan məlumat verib.

Nazirin sözlərinə görə, BMT-nin Biomüxtəliflik Konvensiyası Tərəflərinin 17-ci Konfransının (COP17) keçirilməsi ilə bağlı bildirişlər artıq Konvensiyanın 196 üzv ölkəsinə göndərilib və növbəti mərhələdə rəsmi dəvətlər təqdim olunacaq.

Qeyd edək ki, COP17 bu il oktyabrın 18–30-da Ermənistanda keçiriləcək.

⚠️⚠️Bakıda qadın iki uşağını gözəllik salonunda qoyaraq gedib.

“Təmiz Dünya” Qadınlara Yardım İctimai Birliyinin rəhbəri Mehriban Zeynalova deyib.

"Ata uşaqları anadan götürərək nənə və babanın himayəsində qalması üçün onların evinə gətirib. Nənə və baba bütün səylərinə baxmayaraq, maddi və sosial imkanlarının məhdudluğu səbəbindən uşaqlara lazımi qayğı göstərə bilməyiblər. Daha sonra ana uşaqları yenidən atadan götürərək gözəllik salonlarından birində qoyub gedib. Vəziyyətlə bağlı dövlət qurumları dərhal müdaxilə edərək uşaqları sığınacağımıza yerləşdirib.

Onu da qeyd edək ki, uşaqların birinin ürəyində problem olduğu deyilib", - deyə Zeynalova bildirib.

❗️Sabahdan ümumi təhsil müəssisələrində qış tətili başlayır

Tətil 27–31 yanvar tarixlərini əhatə edəcək və 5 gün davam edəcək.

Qeyd edək ki, 5 günlük və 6 günlük iş həftəsi ilə fəaliyyət göstərən ümumi təhsil müəssisələrində tətildən sonrakı ilk dərs günü 2 fevral 2026-cı il tarixidir.

🇦🇿Zəngilanın Məmmədbəyli kəndinə növbəti köç karvanı yola salınıb

FHN❗️Ötən həftə ərzində 9-u azyaşlı olmaqla 54 nəfər xilas edilib, 2 nəfər xəsarət alıb, hadisələr zamanı 7 nəfər həyatını itirib.

🇦🇿🇦🇲⚡️2025-ci ildə Azərbaycan Ermənistana 788,8 min ABŞ dolları dəyərində məhsul ixrac edib.

2025-ci ildə Ermənistandan Azərbaycana ixrac həyata keçirilməyib.

Dekabrın 18-də Azərbaycandan Ermənistana 22 vaqona yüklənmiş 1220 ton Aİ-95 markalı avtomobil yanacağı göndərilib.

⚡️Makron Fransada 15 yaşdan aşağılar üçün sosial media, mobil telefon qadağasını sürətləndirmək istəyir

📣 Azərbaycanda 17 məscidə imam axtarılır

İslam dininə aid ibadət yerlərində vakant vəzifələrin tutulması üçün müsahibə elan edilib.

Bildirilib ki, imam vəzifəsi üzrə 17, imam müavini vəzifəsi üzrə 31, dini ayinlərin icraçısı vəzifəsi üzrə doqquz, qadın dini ayinlərin icraçısı vəzifəsi üzrə isə dörd yer üçün müsahibə elan olunub.

🇹🇷❌ Temu Türkiyəyə satışları dayandırdı.

📌 Daha öncə Türkiyədəki Temu ofisində yoxlama aparılmışdı.

⚠️⚠️Birgə oğurladıqları əşyaları bölə bilmədilər - İkisi də həbs edildi

Xəzər rayonunda yaşayan 46 yaşlı Samil Mahmudov polisə müraciət edərək yaşadığı evdən ümumi dəyəri 7.000 manat olan müxtəlif məişət əşyalarının oğurlandığını bildirib.

Xəzər Rayon Polis İdarəsinin əməkdaşlarının keçirdikləri tədbirlərlə hadisəni törətməkdə şübhəli bilinən əvvəllər məhkum olunmuş Razi Məlikov saxlanılıb.

Araşdırmalar zamanı R.Məlikovun ötən ilin noyabr ayında S.Mahmudovla birgə Binə qəsəbəsində obyektlərin birindən məişət və elektronika avadanlıqları oğurladıqları məlum olub.

Lakin R.Məlikov oğurlanan əşyaların satılmasından əldə edilən pulun bölgüsünün düzgün olmadığını əsas gətirərək qisas almaq məqsədilə S.Mahmudova məxsus evdən oğurluq etdiyini bildirib.

Hər iki şəxs saxlanılaraq istintaqa təqdim edilib. Araşdırma aparılır.



⚠️⚠️Bakıda hoteldə 30 yaşlı ofisant qətlə yetirilib

Xətai rayonu "Boulevard Hotel"də ofisiant kimi çalışan 1996-cı il təvəllüdlü Şəmistan Əliyev öldürülüb.

Hadisəni törətməkdə şübhəli bilinən 1992-ci il təvəllüdlü Seymur Manafov saxlanılıb.

Faktla bağlı Xətai Rayon Prokurorluğunda cinayət işi açılıb.

🔴 Prospektdə hərəkət edən yük avtomobilinin təkərləri yerindən çıxdı

❗️🌐Dostunun "Tiktok" səhifəsində qeyri-etik danışan şəxs həbs edildi

"TikTok" sosial şəbəkəsində cəmiyyətə qarşı hörmətsizlik edən və qeyri-etik ifadələr işlədən şəxs polis əməkdaşları tərəfindən saxlanılıb.

Zəngilan rayon sakini 1984-cü il təvəllüdlü Habil Həsənov "TikTok" platformasında dostuna məxsus "Məmmədov Səmiyyədin" adlı səhifədə açılmış canlı yayım zamanı onu izləyən şəxslərin ünvanına təhqir xarakterli ifadələr səsləndirib.

H.Həsənov barəsində İnzibati Xətalar Məcəlləsinin müvafiq maddəsinə əsasən protokol tərtib olunaraq baxılması üçün aidiyyəti məhkəməyə göndərilib. Məhkəmənin qərarı ilə o, 15 sutka inzibati qaydada həbs edilib.

🔵 Kənd təsərrüfatı nazirinin müavinlərinin sayı artırılıb

Prezident İlham Əliyev 20 aprel 2005-ci il tarixli fərmanı ilə təsdiq edilmiş "Kənd Təsərrüfatı Nazirliyi haqqında Əsasnamə"də dəyişiklik edib.

Bununla bağlı Prezident İlham Əliyev yeni fərman imzalayıb.

Fərmana əsasən, təsərrüfatı nazirinin müavinlərinin sayı 3-dən 4-ə çatdırılıb.

🔴Sabirabadda kafeni əxlaqsızlıq yuvasına çevirən qadın sahibkar TUTULDU

61 yaşlı Leyla Məhərrəmova (ad və soyad şərtidir) kənd ərazisində icarəyə götürdüyü kafenin arxa otağını çarpayı və yataq dəsti ilə təchiz edib. Kafedə ofisiant kimi işə götürdüyü qadına isə müştəri qismində gələn kişilərlə cinsi əlaqədə olmağı təklif edib. Nəticədə zərərçəkən qadın onunla razılaşıb və kafeyə gələn bir neçə kişi ilə cinsi əlaqədə olub.

Sabirabad rayon Məhkəməsinin hökmü ilə sahibkar 464 saat ictimai işlər cəzasına məhkum edilib.

📣📣Piyadaya yol verməyən sürücü saxlanıldı

🇦🇿 DTX iş başındadır. Terrorçu qrup zərərsizləşdirilib.

🔴🚕🌊 Mahaçqalada sakinlər batmaqda olan taksidən qadın və uşağı xilas ediblər — meriya onları mükafatlandırmaq istəyir

Rusiyanın Mahaçqala şəhərində yerli sakinlər batmaqda olan taksidə qalan qadın və uşağı xilas ediblər.

Hadisə dünən axşam Səməndər rayonunda baş verib. İçində sərnişinlər olan avtomobil Oktyabr İnqilabı kanalına düşərək batmağa başlayıb. Bu zaman bir neçə yoldan keçən şəxs dərhal köməyə qaçıb.

Məlumata görə:
• FHN əməkdaşları gələnədək ətrafdakıkar qadın və uşağı avtomobildən çıxarmağa nail olublar;
• şahidlərin sözlərinə görə, taksi sürücüsü maşından özü çıxıb.

Mahaçqala meriyasının mətbuat xidməti bildirib ki, hadisə ilə bağlı məlumatlıdırlar və hazırda bütün hallar araşdırılır.

Qurum qeyd edib ki, araşdırma yekunlaşdıqdan sonra xilasedici sakinlər mütləq mükafatlandırılacaq.

⚠️Goranboy Rayon İcra Hakimiyyətinə (RİH) yeni baş mühasib təyin olunub

Bununla bağlı icra başçısı Məhərrəm Quliyev müvafiq əmr imzalayıb.

Əmrə əsasən, Hafiz Cəlilov RİH Aparatında İnzibati işlər sektorunun müdiri - baş mühasib vəzifəsinə təyin edilib.

Digər əmrlə Şahəddin Məmmədov isə mühasib vəzifəsinə təyinat alıb.