❗️❗️❗️🚕 Taksilərə YENİ QAYDA: şəhərdən-şəhərə sərbəst gediş YOXDUR

Azərbaycanda taksi fəaliyyəti artıq yalnız buraxılış kartında göstərilən ərazi daxilində mümkün olacaq.

📩 Sürücülərə göndərilən bildirişlərdə xatırladılır ki:

🏙 Bakı sifarişləri – yalnız Bakı üçün buraxılış kartı olan maşınlara

🌆 Sumqayıt sifarişləri – yalnız Sumqayıt buraxılış kartı olan maşınlara icazəlidir


❌ Uyğun buraxılış kartı olmayan taksilərin həmin şəhərlərdə sifariş qəbul etməsi məhdudlaşdırılır.

📌 AYNA açıqlayır:

Qayda “Avtomobil nəqliyyatı haqqında” Qanunun 20.2-ci maddəsinə əsaslanır

Ərazi hüdudlarından kənarda sərnişin daşıyan sürücülər üçün
💵 50 manat cərimə nəzərdə tutulub

💬 Sürücülər fəaliyyət göstərmək istədikləri şəhər üzrə AYNA-ya müraciət etməklə ayrıca buraxılış kartı ala bilərlər.

ℹ️ Qeyd edək ki, Nazirlər Kabinetinin qərarına əsasən:

📍 Bakı üzrə buraxılış kartlarının sayı 25 minlə məhdudlaşdırılıb

🔴🔴Bakıxanov qəsəbəsində sahibsiz itlərin hücumu ilə bağlı ciddi problem var və bu, sakinlər üçün narahatlıq doğurur:

Bildirilir ki, sahibsiz itlər əsasən insanların gəzdiyi yerlərdə məktəbə gedərkən, valideynlərin işə gedib-gəlməsi zamanı hücumlar həyata keçirir və nəticədə dişləmə halları çoxalıb.

Bu, sadəcə bir neçə insident deyil eyni qəsəbədə qısa müddət ərzində onlarca nəfərin dişləməsi ilə bağlı şikayətlər qeydə alınıb.

⚠️Şəmkirdə DƏHŞƏT: "Ceyran" peçi kişini öldürdü

Hadisə Təzəkənd kəndində qeydə alınıb.

Kənd sakini 21 yaşlı Məmmədov Ruhlan Etibar oğlu yaşadığı evin yataq otağında quraşdırılmış qazla işləyən “Ceyran” tipli sobanın borusundan çıxan dəm qazından zəhərlənərək ölüb.

🔴🔴 Tanınmış iş adamı münaqişədə olduğu şəxslərin maşınına narkotik qoydurmaq istədiyi üçün həbs olunub

Baş Prokurorluğun İstintaq İdarəsində aparılan cinayət işi istintaqı zamanı məlum olub ki, Şəkidə fəaliyyət göstərən "Azəri koperrasiyyası" MMC-nin direktoru, rayonda tanınan və maddi imkanı ilə xüsusi seçilən Tehran Lətifov onunla münaqişədə olan Sevil Səlimova və oğlu Vasif Səlimovu saxta sübutlar təqdim etmək niyyəti ilə həbs etdirmək istəyib.

Bu səbəbdən o, tanışları – İlham Vahablı, Nicat Quliyev və Qaçay Məmmədovu Bakı şəhərinə göndərərək Şüvəlan qəsəbə sakini Əmir Mustafayevdən külli miqdarda narkotik vasitə olan marixuana aldırıb.

Həmin şəxslər narkotik vasitəni Şəki şəhərinə gətirərək Vasif Səlimovun avtomobilinə qoymalı imişlər.

Bundan xəbərdar olan qarşı tərəfin vaxtında hüquq-mühafizə orqanlarına müraciət etməsi və Baş Prokurorluqda aparılan araşdırmalar nəticəsində təqsirləndirilən şəxslərin əməlləri sübuta yetirilib.

Nəticədə Tehran Lətifov və digərləri saxlanılıb.

⚠️⚽️Bu gün UEFA Çempionlar Liqasında pley-off mərhələsinin püşkü atılacaq.

"Qarabağ"ın rəqibi də bu mərasimdə məlum olacaq. Azərbaycan çempionu ya PSJ, ya da "Nyukasl"a rəqib olacaq.

❗️❗️❗️ Azərbaycan Honqkonq pasportunu daşıyanlar üçün vizasız rejim tətbiq edib

Honqkonq pasport sahibləri 2 fevral 2026-cı ildən 2 fevral 2027-ci ilə qədər olan müddətdə üç dəfəyədək, hər girişdə 30 günədək Azərbaycana vizasız səfər edə bilərlər.

⚠️⚠️Sahibə Qafarovanın qardaşı vəfat edib

Milli Məclisin spikeri Sahibə Qafarovaya ağır itki üz verib.

Sahibə Qafarovanın qardaşı vəfat edib. Hadisə barədə detallı məlumat olmasa da, mərhumun Bakıda yaşadığı bildirilir.

Xatırladaq ki, Sahibə Qafarova 2020-ci il martın 10-dan Azərbaycan Respublikası Milli Məclisinin Sədridir.

❗️❗️ Vəzifəli şəxs 18 kq qızılla tutuldu - Evindən silah çıxdı

İqtisadiyyat Nazirliyi yanında Dövlət Vergi Xidmətinin əməkdaşı ölkəyə qaçaqmalçılıq yolu ilə 18 kiloqram qızıl-zinət əşyası keçirib.

Məlumata görə, bu barədə Baş Prokurorluğun İstintaq İdarəsinə məlumat daxil olub.

İstintaqla məlum olub ki, Dövlət Vergi Xidmətinin İstintaq idarəsinin əməliyyat müvəkkili vəzifəsində işləyən Orucov Fuad Tofiq oğlu hazırda məhkum edilmiş Məhhərrəmov Kamran İmran oğlu, Qurbanov Xəyyam Adil oğlu və digər şəxslərlə birgə cinayət əlaqəsinə girib.

Fuad Orucov və digərləri Türkiyə Respublikası ərazisindən xüsusilə külli miqdarda-ümumi dəyəri təxminən 1 milyon 700 min manat olan, 18 kiloqramdan artıq qızıl-zinət əşyasını qaçaqmalçılıq yolu ilə Azərbaycan ərazisinə gətiriblər.

Prokurorluq tərəfindən aparılan istintaq vaxtı Fuad Orucovun yaşadığı evə baxış zamanı “Makarov” tipli tapançaya aid 39 ədəd patron da aşkar edilib.

Faktla bağlı Cinayət Məcəlləsinin 206.3.2 (qabaqcadan əlbir olan bir qrup şəxs tərəfindən törədildikdə) və 206.3.3-cü (vəzifəli şəxs tərəfindən öz qulluq mövqeyindən istifadə edilməklə törədildikdə) maddələri ilə cinayət işi başlanılıb. Fuad Orucov barəsində Binəqədi Rayon Məhkəməsinin qərarı ilə həbs qətimkan tədbiri seçilib.

Hazırda qeyd olunan cinayətlərin törədilməsində başqa vəzifəli şəxslərin də əli olduğuna dair əsaslı şübhələr var. Həmin vəzifəli şəxslərin müəyyən edilməsi istiqamətində istintaq tədbirləri davam etdirilir.

🔴🇦🇿Prezident İlham Əliyev Avstraliyanın Azərbaycanda yeni təyin olunmuş səfirinin etimadnaməsini qəbul edib

🔴🇦🇿Prezident İlham Əliyev Norveçin ölkəmizdə yeni təyin olunmuş səfirinin etimadnaməsini qəbul edib

❗️🇦🇿Prezident İlham Əliyev İndoneziyanın Azərbaycanda yeni təyin olunmuş səfirinin etimadnaməsini qəbul edib

🇹🇷💬 Ərdoğan: Türkiyə İran ilə ABŞ arasında vasitəçi rolunu üzərinə götürməyə hazırdır

Türkiyə Prezidenti Rəcəb Tayyib Ərdoğan ilə İran İslam Respublikasının Prezidenti Məsud Pezeşkian arasında telefon danışığı olub.

Bu barədə Türkiyə Prezidenti Administrasiyasının İctimaiyyətlə Əlaqələr Departamenti açıqlama yayıb.

Bildirilib ki, telefon danışığı zamanı liderlər Türkiyə–İran ikitərəfli münasibətlərini və bölgədə artan hərbi gərginliyi müzakirə ediblər.

Prezident Ərdoğan görüş zamanı gərginliyin azaldılması və problemlərin həllinə nail olunması üçün Türkiyənin İran ilə ABŞ arasında vasitəçi rolunu üzərinə götürməyə hazır olduğunu vurğulayıb.

Qeyd edək ki, İran İslam Respublikasının xarici işlər naziri Seyid Abbas Əraqçi də hazırda Türkiyədə səfərdədir.

❗️❗️13 yaşlı nişanlısının hamilə olduğunu bilib qaçırdı, uşaq başqa oğlandan çıxdı – Masallıda şok

Masallı rayonunda gənc oğlanın azyaşlı ilə qurduğu münasibət ağır cinayət işi ilə nəticələnib.

Parkda təsadüfi tanışlıqdan sonra nişanlanan cütlüyün münasibəti 24 yaşlı Rəvanın (adlar şərtidir) həbsxanaya düşməsi ilə yekunlaşıb.

Hadisə ötən ilin fevral ayında, tərəflər bir evdə yaşamağa başladıqdan sonra baş verib və hüquq-mühafizə orqanlarının müdaxiləsi ilə böyük bir ailə dramının üstü açılıb.

Məhkəmə araşdırması zamanı məlum olub ki, Rəvan 2024-cü ilin dekabrında parkda gənc Vüsaləni görərək ona yaxınlaşıb. İlkin etirazlara baxmayaraq, sosial şəbəkələr üzərindən davam edən yazışmalar tərəflər arasında “sevgi” münasibətinə çevrilib. İş o yerə çatıb ki, ailələr razılaşıb və azyaşlı qızın yaş həddi nəzərə alınmadan onlar üçün rəsmi olmayan nişan mərasimi təşkil edilib.

Lakin hadisələrin gedişatı daha mürəkkəb hal alıb. Qızın hamilə olması xəbəri ortaya çıxdıqda, Rəvan uşağı öz üzərinə götürərək onu Bakıya qaçırıb. Yalnız istintaq prosesində üzə çıxıb ki, 13 yaşlı qızın hamiləliyinin səbəbkarı Rəvan deyil, onun əvvəlki tanışı olub. Buna baxmayaraq, Rəvan qızın 14 yaşına çatmadığını bildiyi halda onunla cinsi əlaqədə olduğunu etiraf edib.

İş üzrə zərərçəkmiş Vüsalənin sözlərinə görə Rəvan tanış olmaq üçün Heydər Əliyev adına olan parkda ona yaxınlaşıb:

“Lakin razı olmadım. Sonra “Tik-tok”da videolara baxarkən Rəvanın videoları və şəkilləri qarşıma çıxdı. Mən onları bəyəndim. Rəvandan xoşum gəldiyi üçün ona “Tik”tok”da yazdım. Oradan tanış olaraq sevgili olduq. Daha sonra isə “votsap”da danışmağa başladıq. Bir müddət sonra Rəvanın ailəsi elçi gəldi və mən nişanlanmağa razılıq verdim. Rəvan məni istədiyi üçün könüllü olaraq onunla qaçmışam. Onunla iyulun 15-ə kimi birlikdə yaşamışıq.

Rəvanla onun evində bir dəfə fevralın 14-də cinsi əlaqədə olmuşuq. Rəvanla tanış olarkən əvvəlki sevgilim Faiqdən hamilə olduğumu bilməmişəm və xarici görünüşümdən hamilə olduğum bilinməyib. Faiqlə də “Tik-tok”da tanış olmuşam və ondan xoşum gəlib. Faiqlə ümumilikdə 3-4 dəfə cinsi əlaqədə olmuşam. Faiq hamilə olduğumu biləndən sonra məni bloka atdı və uşağın onun olmadığını dedi. Hazırda anam ilə birlikdə yaşayıram. Rəvana qarşı şikayətim yoxdur”.

Məhkəmədə zərərçəkmiş qız Rəvandan şikayətçi olmadığını, hər şeyin könüllü baş verdiyini desə də, qanunvericilik 14 yaşına çatmayan şəxslərlə bağlı belə hallarda “könüllülük” prinsipini tanımır.

Masallı Rayon Məhkəməsinin qərarı ilə Rəvan Cinayət Məcəlləsinin müvafiq maddəsi ilə təqsirli bilinərək 3 il 3 ay müddətinə azadlıqdan məhrum edilib.

Qeyd edək ki, Azərbaycan qanunvericiliyinə görə cinsi toxunulmazlıq yaşı 16 hesab olunur. Bu yaşdan aşağı şəxslərlə hər hansı cinsi xarakterli hərəkət, qarşı tərəfin razılığı olub-olmamasından asılı olmayaraq, ağır cinayət məsuliyyəti yaradır.