Təqdimata Bakı Hərbi Məhkəməsində baxılıb. Məhkəmənin qərarı ilə Rasim Həsənov barəsində iki ay 19 gün müddətinə həbs qətimkan tədbiri seçilib.

Rasim Həsənov Cinayət Məcəlləsinin 311.3.2-ci (rüşvət alma, təkrar törədildikdə), 311.3.3-cü (rüşvət alma, külli miqdarda törədildikdə), 313-cü (vəzifə saxtakarlığı), 341.2.3-cü (vəzifə səlahiyyətlərindən sui-istifadə və ya vəzifə səlahiyyətlərini aşma, ağır nəticələrə səbəb olduqda) maddələri ilə ittiham olunur.

Nikol Paşinyan Vaşinqtonda ABŞ Prezidenti Donald Trampın vasitəçiliyi ilə keçirilmiş “Sülh sammiti”ndə əldə olunan razılaşmaların icrasında irəliləyişi müsbət qiymətləndiriblər. Bu barədə Azərbaycan Prezidentinin mətbuat xidməti məlumat yayıb.

Tərəflər Ermənistan-Azərbaycan münasibətlərinin normallaşdırılması prosesində müsbət dinamikanın qorunmasının vacibliyini vurğulayıblar.

📌 Bildirilir ki, hər iki tərəf cəmiyyətlərin “sülhün faydalarını artıq praktikada gördüyünü” qeyd edib və aşağıdakı məsələləri xüsusi vurğulayıb:

* ikili ticarətin başlaması,
* Azərbaycandan Ermənistana neft məhsullarının ixracının davam etməsi,
* üçüncü ölkələrdən Ermənistana Azərbaycandan tranzitlə taxıl və digər malların daşınması.

Tərəflər ikitərəfli ticarət və iqtisadi əməkdaşlığın genişləndirilməsi imkanlarının araşdırılmasını davam etdirmək barədə razılığa gəliblər.

Liderlər həmçinin vətəndaş cəmiyyəti nümayəndələrinin qarşılıqlı səfərlərini müsbət dəyərləndirib və etimadın möhkəmləndirilməsi tədbirlərinin genişləndirilməsini vacib hesab ediblər.

Görüşdə TRIPP layihəsi və digər nəqliyyat-kommunikasiya layihələri də müzakirə olunub.

Sonda tərəflər regionda sülh və sabitliyin daha da möhkəmləndirilməsi üçün səyləri davam etdirməyə hazır olduqlarını təsdiqləyib və normallaşma prosesinə dəstək məqsədilə təmasların davam etdirilməsi barədə razılaşıblar.