⚠️⚠️Bakı-Şamaxı yolunda SON VƏZİYYƏT

Qarlı hava şəraiti ilə əlaqədar Bakı-Şamaxı, Muğanlı-İsmayıllı avtomobil yollarında, eləcə də Ağsu aşırımlarında hərəkətin təhlükəsizliyinin təmin edilməsi məqsədilə polis əməkdaşları tərəfindən gücləndirilmiş rejimdə xidmət təşkil olunub.

🇦🇿⚽️⚽️ "Qarabağ" klubu dünya reytinqində doqquz pillə irəliləyib.

Bu, Beynəlxalq Futbol Tarixi və Statistikaları Federasiyasının (IFFHS) açıqladığı siyahıda əksini tapıb.

"Köhlən atlar" 200 xalla 60-cı sırada qərarlaşıb.

Ölkənin digər təmsilçilərindən "Sabah" (96 xal) 224-cü yerdən 211-ə qalxıb. "Zirə" (63 xal) 389-cu mövqedən 418-ə, "Araz-Naxçıvan" (59 xal) 456-dan 468-ci pilləyə geriləyib.

502 klubun yer aldığı siyahıda Fransanın PSJ klubu (595 xal) liderdir.

📣📣 Aeroport yolunda məhdudiyyət tətbiq olunacaq

Daxili İşlər Nazirliyi Nəqliyyatı İntellektual İdarəetmə Mərkəzinin məlumatı

Yol hərəkəti iştirakçılarının diqqətinə!

14-15 fevral tarixlərində paytaxtın Suraxanı rayonu, Aeroport şosesində ("Buta Palace" yaxınlığı) mövcud istismar müddətini başa vurmuş elektron məlumat-sürət tablolarının üzərində olduğu metal konstruksiya ilə birlikdə sökülərək yerində yenisinin quraşdırılması işləri görüləcək.

Bu səbəbdən 14 fevral tarixində saat 00:00-dan 07:00-dək Hava limanı yolundan (Hava limanı körpüsündən) "Koroğlu" metro stansiyası istiqamətində, 15 fevral tarixində isə həmin saatlarda "Koroğlu" metro stansiyasından (Suraxanı dairəsi üzərindəki yol ötürücüsündən) Hava limanı istiqamətində nəqliyyat vasitələrinin hərəkətinə məhdudiyyət tətbiq ediləcək. Alternativ yol kimi, Mərdəkan şosesindən gələnlər Zığ şosesinə, şəhər istiqamətindən gələnlər isə Suraxanı rayonu, Xanlar Ələkbərov və 14 İyul küçəsinə istiqamətləndiriləcək. Eyni zamanda sürücülər şəhərdən Hava limanı istiqamətinə alternativ olaraq 8 Noyabr prospektindən Zığ yoluna keçməklə də hərəkət edə biləcəklər.

Məhdudiyyətin tətbiq olunduğu müddətdə avtomobillərin alternativ yollarda rahat və təhlükəsiz hərəkətini təmin etmək üçün yol polisi tərəfindən zəruri tədbirlər görüləcək.

🇦🇿🇦🇿Prezident İlham Əliyev Ərəb Parlamentinin prezidentinin başçılıq etdiyi nümayəndə heyətini qəbul edib

📣📣✈️ Türk Hava Yolları martdan İrəvana uçuşlara başlayır

⚠️⚠️Abşeronda dəmir parçası yeniyetmənin qarnını deşdi

17 yaşlı Kənan Əsabalı oğlu Kərimov qəsəbə ərazisində yıxılıb və bədbəxtlikdən yerdə olan dəmir parçası onun qarnına batıb. Xəstəxanaya yerləşdirilən yeniyetmənin vəziyyəti orta-ağırdır.

🇦🇿İlham Əliyev: Süni intellektin tətbiqi dövlət qurumlarında geniş vüsət almalıdır. Bu gün bu sahədə aparıcı ölkələrdə bu belədir.

Hətta mənə verilən məlumata görə, bu sahədə inkişaf etmiş bəzi ölkələrdə dövlət məmurlarının gündəlik fəaliyyətinə də süni intellekt agentləri, - belə adlandırılır, - kömək göstərir.

🇦🇿Prezident: Orta məktəblərdə şagirdlərə ilkin biliklərin aşılanması üçün tədris proqramına müəyyən dəyişikliklər edilməlidir.

🟢🇦🇿İlham Əliyev: Ümid edirəm ki, Xəzər dənizinin Şərq sahilləri ilə birləşdirəcək fiber-optik kabelin çəkilişi bu il başa çatacaq

🇺🇸Vens : Əgər İran xalqı rejimi devirmək istəyirsə, bu onların işidir. Bizim indi diqqət mərkəzimiz İranda nüvə silahının mövcud olmamasıdır.

⚡️Paşinyan hesab edir ki, hazırda fəaliyyət göstərən Ermənistan AES-in istismar müddəti 2046-cı ilə qədər uzadıla bilər.

Daha əvvəl isə Paşinyan bu AES-in fəaliyyət müddətinin 2036-cı ilə qədər uzadılacağını bildirmişdi.

📣📣Hərbçimiz dəm qazından öldü

Beyləqanda 1996-cı il təvəllüdlü Qərib Qəribov yaşadığı evin hamamında dəm qazından boğularaq ölüb. Hadisə rayon ərazisindəki mənzillərdən birində baş verib.

O, Beyləqandakı "N" saylı hərbi hissədə xidmət edirmiş.

Müddətdən artıq xidmət edən hərbi qulluqçu (MAXE) Şəki rayon Baş Layısqı kənd sakini olub. Onun meyiti bu gün səhər saatlarında hamamda aşkarlanıb.

Faktla bağlı araşdırma aparılır.

🌐 Qısa yazı

Hazırda iqtisadiyyatda nə baş verir anlamaq olmur. Bir qrup şəxs və ya şəxslər dövlətə qarşı sabotajla məşğuldur. Saysız hesabsız adam kartlarının bloklandığını bildirir. Banklar isə buna səbəb demir. Hətta bəzilərinin pulları belə batıb. Bir qrup insan isə pulnan aldığı platinium kartın ləğv edildiyini bildirir. Səbəb nədir? Xakerlərin məlumatları ələ keçirməsi? Əgər belədirsə çıxıb açıqlama verin. Əks halda artıq insanlar pullarını kartda saxlamaq etibarı sarsılıb. Bu baş verənlərdən sonra artıq bir çox adam kartdan imtina edəcək. Dövlət siyasəti ondan ibarətdir ki, maliyyə şəffaf olsun. Dövriyyə bilinsin və vergi qanuni işləsin. Dövlət siyasəti bu olduğu halda, kartların başına açılan bu oyun insanların banklara, kartlara inamını sarsıdır. Bu bilərək edilirsə o zaman sabotajdır. Yox əgər bir səbəb varsa banklar açıqlama verməlidir.

❗️Rusiyada "WhatsApp" və "YouTube" tamamilə bloklanıb.

⚡️⚡️Bakıda insan qanından aksessuarlar hazırlanır

Bakıda insan qanından və saçından aksessuarlar hazırlanır.

Bu barədə "Xəbər ertəsi" verilişi süjet hazırlayıb. Sosial şəbəkələrdə bu əşyaların satışını həyata keçirən səhifələr fəaliyyət göstərir. Aksessuaların isə 40 manata hazırlandığını bildirilir.

Bu işlə məşğul olan şəxslər qanın götürülməsi üçün isə müştərilərə aptekə üz tutmağı tövsiyə edir.

Qeyd edək ki, aptek şəraitində qan götürülməsi isə qanunla qadağandır.

⚡️⚡️⚡️⚡️⚡️ Röyters: İranı vurmaq üçün hazırlıqlar bitib.

🌐 Roskomnadzor həmçinin Rusiyada Facebook, Instagram və YouTube-u tamamilə bloklayıb.

"Xətdə" layihəsi qeyd edib ki, bu saytların məlumatları NSDI (Milli Domen Ad Sistemi) DNS xidmətindən silinib. Bu o deməkdir ki, istifadəçilər Rusiyada sadəcə yavaş sürətlə belə, platformalara daxil ola bilmirlər. Sosial media saytlarına və bəzi media qurumlarına daxil olmağa çalışarkən "DNS_PROBE_FINISHED_NXDOMAIN" xətası qaytarılır.

📣📣İsrail Qəzza üzrə Sülh Şurasına qoşulub

🔴🔴 Kim Çen In 13 yaşlı qızını varisi təyin edib.