🔴🔴Donald Tramp Azərbaycan-Ermənistan normallaşma prosesindən danışıb

“Biz məsələni təxminən 24 saat ərzində həll etdik, elə deyilmi? Bunun mühüm bir hissəsini qısa zamanda razılaşdırdıq. Düşünürəm ki, onlar artıq dost olublar. Bilmirəm bunu deməyə icazəm var, ya yox, amma məncə belədir"

📣📣"Sülh Şurası"nın iclası başa çatıb, Tramp İlham Əliyevə təşəkkür edib.

❗️Hikmət Hacıyev:
Azərbaycan təsisçi üzv dövlət kimi Sülh Şurasının məqsəd və məramlarını dəstəkləyir. Gələcəkdə Azərbaycan tərəfindən Sülh Şurası vasitəsilə Qəzzada sərmayə layihələrində iştirak nəzərdən keçirilə bilər. Amma bir məsələyə aydınlıq gətirmək istərdik. Belə ki, Sülh Şurasının bugünkü iclasında səsləndirilən 7 milyard ABŞ dolları məbləğində Qəzzaya dair maliyyə layihəsində Azərbaycanın iştirakı nəzərdə tutulmur.

📣📣Çin, İran və Rusiya Hörmüz boğazında birgə dəniz təlimləri keçirəcək.

Bu barədə "The War Zone" məlumat yayıb.

Qeyd olunub ki, rəsmi Moskva və Tehran regionda baş verən hadisələr nəzərə alınmaqla "Dəniz Təhlükəsizlik Kəməri 2026" təlimlərini xüsusilə aktual hesab edir.

ABŞ-nin İrana mümkün hücumu nəzərə alınmaqla, Çin və ya Rusiya gəmilərinin bu sularda olması həm hərbi, həm də siyasi nəticələrə səbəb ola bilər.

Məqalədə bildirilib ki, təlimlərin vaxtı onların əməliyyat əhəmiyyətindən daha çox simvolik əhəmiyyətə malik olduğunu göstərir.

Bu təlimlərin bir hissəsi olaraq, Rusiya, Çin və İran dəniz qüvvələrinin Hörmüz boğazında koordinasiya, taktiki hazırlıq və sürətli reaksiya prosedurlarını sınaqdan keçirmək üçün müxtəlif gəmilər və əməliyyat imkanları ilə iştirak etməsi gözlənilir.

🔴🔴Xaricdə yaşayan bir neçə azərbaycanlı ünsür aqressiv və təhrikedici formada Prezident İlham Əliyevin qaldığı hotelə daxil olmaq istəyib

Azərbaycan Prezidentinin təhlükəsizlik xidmətinin əməkdaşları ABŞ polisi ilə birlikdə operativ şəkildə müdaxilə edərək həmin şəxsləri peşəkarlıqla zərərsizləşdiriblər və təxribat cəhdinin qarşısını alıblar.

🇦🇿🇩🇪 “Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında” Saziş çərçivəsində 9 Azərbaycan vətəndaşı Almaniyadan geri qəbul edilib

⚠️⚠️Bakıda qızına sillə vuran ata həbs olunub.

Əvvəllər məhkum olunmuş 41 yaşlı S. Cəfərov gecə saat 1 radələrində telefonla oynayan qızına irad bildirərək gedib yatmasını tapşırıb. Lakin qızı atasının sözlərini eşitməyib və telefon oynamaqda davam edib. Bundan əsəbiləşən Cəfərov sillə ilə qızının sifətinə zərbə vurub.

Bu əməlinə görə S. Cəfərov saxlanılıb və barəsində cinayət işi başlanıb. Cəfərov ifadəsi zamanı əməlindən peşman olduğunu deyib. Amma daha qəribə tərəfi isə onun məhkəmədən özü barəsində həbs qərarı verilməsini xahiş etməkdir. Belə ki, təqsirləndirilən şəxs həbs olunmayacağı təqdirdə özünə qəsd edəcəyini bildirib.

🔴İlham Əliyevin Amerika Birləşmiş Ştatlarına səfəri başa çatıb

🔴🔴33 il sonra evinə qovuşan ev sahibinin sevinci uzun çəkməyib. Evi tərk edən keçmiş məcburi köçkün ev sahibinə 1047 manat işıq borcu qoyub gedib.

❗️❗️Sosial şəbəkələrdə əxlaqsızlığı təbliğ edən bloqer məsuliyyətə cəlb edilib

1995-ci il təvəllüdlü Z.Kərimovanın instaqram hesabında ictimai mənəviyyata zidd hərəkətlər etməsi müəyyən olunub.

Abşeron Rayon Məhkəməsinin qərarı ilə bloqer 750 manat cərimə olunub.

📣📣Rusiyada çinli turistləri daşıyan avtomobil Baykal gölünə düşüb, 8 nəfər ölüb

⚠️⚠️Meyxanaçı Samirənin müğənni qızı saxlanıldı

Meyxanaçı Samirənin müğənni qızı Fərəh Samirəqızı saxlanılıb.

Bildirilib ki, Fərəh Samirəqızı sosial şəbəkələrdə təhqiramiz ifadələr işlətdiyi üçün polis tərəfindən saxlanılıb.

O, yaxın saatlarda məhkəmə qarşısına çıxarılacaq.

Bildirilib ki, müğənninin sosial mediada həmkarı Kəmalə Günəşlini müdafiə xarakterli çıxışı tənqidlə qarşılanıb.

📣📣UEFA Çempionlar Liqasının pley-off mərhələsi çərçivəsində keçiriləcək “Nyukasl Yunayted”- “Qarabağ” qarşılaşmasından öncə təşkil olunacaq mətbuat konfransı və media nümayəndələri üçün açıq məşqi Bakıda baş tutacaq. 

Ağdam klubunun media nümayəndələri üçün açıq məşqi fevralın 22-də saat 20:15-də Tofiq Bəhramov adına Respublika Stadionunda keçiriləcək.
Baş məşqçi Qurban Qurbanovun iştirakı ilə keçiriləcək mətbuat konfransı isə fevralın 23-də saat 14:00-da Tofiq Bəhramov adına Respublika Stadionunda təşkil olunacaq 
Qeyd edək ki, UEFA Çempionlar Liqasının pley-off mərhələsinin cavab matçı çərçivəsində keçiriləcək “Nyukasl Yunayted” - “Qarabağ” oyunu fevralın 24-də İngiltərədə, “St James Park” stadionunda, Mərkəzi Avropa Vaxtı ilə saat 21:00-da (Bakı vaxtı ilə saat 00:00-da) start götürəcək.

⚡️🏎️ Formula 1 Azərbaycan Qran-Prisinin yerinin dəyişdirilməsi gündəmə gəlib.

Bu barədə iş adamı Emin Ağalarov “RİA Novosti”yə açıqlamasında bildirib.

🗣️ O, yaxın gələcəkdə “Sea Breeze” kurortu ərazisində alov formasında, sahəsi 200 hektar olan süni adanın salınmasını planlaşdırdıqlarını açıqlayıb.

💵 Layihənin dəyəri təxminən 15-16 milyard dollar qiymətləndirilir.

📍 Bunun 1 milyardı təkcə adanın yaradılmasına xərclənəcək.

🏎️ Adada avtomobil yarışları üçün trasın layihələndirilməsi də nəzərdə tutulur.

✅ E.Ağalarov “Fire Island” adasında yeni Formula 1 trasının 2031-ci ildə istifadəyə verilə biləcəyini diqqətə çatdırıb.

🚔DİN: Qadınları evlilik adı ilə xaricə aparıb onları cinsi istismar üçün 6-8000 dollara satmaqda şübhəli bilinən qadın saxlanılıb.

📣📣Ötən il Azərbaycana yaşamaq üçün 3436 nəfər gəlib, 2015 nəfər isə ölkədən gedib.

❗️Azərbaycanın ABŞ-dakı səfirliyi: Etirazçılar Prezident avtomobilinə yönəlik hücum aktları həyata keçiriblər

“Bu qrup həmçinin Azərbaycan rəhbərliyinə qarşı nalayiq ifadələr işlədib. Dövlət başçısının mühafizə olunan nəqliyyat vasitəsinin hərəkətinə maneçilik törədilməsinin və ya fiziki müdaxilə olunmasının ciddi təhlükəsizlik təhdidi yaratdığı nəzərə alınaraq, Prezidentin Təhlükəsizlik Xidmətinin dərhal müdaxilə etməkdən başqa seçimi qalmayıb.

Təhlükəsizlik tədbirləri, standart əməliyyat prosedurlarına uyğun olaraq, yalnız təhlükəsizlik və mühafizənin təmin olunmasına yönəlib. Bundan əlavə, ABŞ-nin Gizli Xidməti tərəfindən bəyan olunduğu kimi, mehmanxana ərazisi rəsmi təhlükəsizlik perimetrinə daxil olub.

Beləliklə, ölkənin liderinə və mühafizə olunan kortejə qarşı yönəlmiş hərəkətlərə cavab olaraq həyata keçirilmiş təhlükəsizlik tədbirlərinin yanlış təqdim edilməsi və ya əsaslandırılmamış iddialar yayılması cəhdlərini qətiyyətlə rədd edirik.

Azərbaycanın təhlükəsizlik əməkdaşları hər zaman ev sahibi ölkə ilə sıx koordinasiya şəraitində fəaliyyət göstərir. Xəbərləri yayarkən məsuliyyətli davranmağa və təsdiqlənməmiş iddialara əsaslanaraq nəticə çıxarmaqdan çəkinməyə çağırış edirik”.