✍️✍️✍️✍️✍️ Dövlət Gömrük Komitəsinin sədri Şahin Bağırova general-polkovnik rütbəsi verilib.

Prezident İlham Əliyev bununla bağlı Sərəncam imzalayıb.

Sərəncama əsasən, Şahin Soltan oğlu Bağırova "gömrük xidməti general-polkovniki" ali xüsusi rütbəsi verilib.

❗️❗️❗️ Bakı metrosunda qataraların hərəkətində gecikmələr var

“Bakı Metropoliteni” QSC-dən bildirilib ki, bu gün saat 17:03 radələrində metronun “Nərimanov” stansiyasında qatarda texniki nasazlıq yarandığı üçün köməkçi qatar vasitəsilə xətdən çıxarılır. Bu səbəbdən Qırmızı və Yaşıl xətlərdə qatarların hərəkətində gecikmələr var.

🔴YENİLƏNİB

Saat 17:03-də “Nərimanov” stansiyasında qatarda yaranan texniki nasazlıq səbəbindən Qırmızı və Yaşıl xətlərdə hərəkətdə gecikmələr müşahidə olunur. Nasaz qatar xətdən çıxarılır.

🇦🇿🔴🇴🇲 Sahibə Qafarova Oman Sultanlığı Dövlət Şurasının sədri ilə görüşüb

Milli Məclisin sədri Sahibə Qafarova Omana rəsmi səfəri çərçivəsində Oman Sultanlığı Dövlət Şurasının sədri Şeyx Əbdülməlik Al Xəlili ilə görüşüb.

Görüşdə ölkələr arasında dostluq, qarşılıqlı hörmət və anlayışa əsaslanan ikitərəfli münasibətlərin mövcudluğu vurğulanıb.

❗️❗️Tramp Meksikanın Prezidenti ilə telefon danışığı aparıb

“Müzakirələrin əsas hissəsi sərhəd məsələlərinə, narkotik qaçaqmalçılığının qarşısının alınmasına və ticarətə həsr olundu. Yaxın zamanda yenidən danışacağıq və son nəticədə ölkələrimizdə qarşılıqlı görüşlərin keçirilməsi planlaşdırılır”,
— ABŞ Prezidenti deyib.

❗️Tramp:

“Mən az əvvəl Venesuela prezidentilə danışdım və ona bildirdim ki, Venesuela üzərində bütün kommersiya hava məkanını açırıq. Amerika vətəndaşları çox qısa müddət ərzində Venesuelaya gedə biləcəklər və orada təhlükəsiz olacaqlar”.

❗️❗️❗️🚕 Taksilərə YENİ QAYDA: şəhərdən-şəhərə sərbəst gediş YOXDUR

Azərbaycanda taksi fəaliyyəti artıq yalnız buraxılış kartında göstərilən ərazi daxilində mümkün olacaq.

📩 Sürücülərə göndərilən bildirişlərdə xatırladılır ki:

🏙 Bakı sifarişləri – yalnız Bakı üçün buraxılış kartı olan maşınlara

🌆 Sumqayıt sifarişləri – yalnız Sumqayıt buraxılış kartı olan maşınlara icazəlidir


❌ Uyğun buraxılış kartı olmayan taksilərin həmin şəhərlərdə sifariş qəbul etməsi məhdudlaşdırılır.

📌 AYNA açıqlayır:

Qayda “Avtomobil nəqliyyatı haqqında” Qanunun 20.2-ci maddəsinə əsaslanır

Ərazi hüdudlarından kənarda sərnişin daşıyan sürücülər üçün
💵 50 manat cərimə nəzərdə tutulub

💬 Sürücülər fəaliyyət göstərmək istədikləri şəhər üzrə AYNA-ya müraciət etməklə ayrıca buraxılış kartı ala bilərlər.

ℹ️ Qeyd edək ki, Nazirlər Kabinetinin qərarına əsasən:

📍 Bakı üzrə buraxılış kartlarının sayı 25 minlə məhdudlaşdırılıb

🔴🔴Bakıxanov qəsəbəsində sahibsiz itlərin hücumu ilə bağlı ciddi problem var və bu, sakinlər üçün narahatlıq doğurur:

Bildirilir ki, sahibsiz itlər əsasən insanların gəzdiyi yerlərdə məktəbə gedərkən, valideynlərin işə gedib-gəlməsi zamanı hücumlar həyata keçirir və nəticədə dişləmə halları çoxalıb.

Bu, sadəcə bir neçə insident deyil eyni qəsəbədə qısa müddət ərzində onlarca nəfərin dişləməsi ilə bağlı şikayətlər qeydə alınıb.

⚠️Şəmkirdə DƏHŞƏT: "Ceyran" peçi kişini öldürdü

Hadisə Təzəkənd kəndində qeydə alınıb.

Kənd sakini 21 yaşlı Məmmədov Ruhlan Etibar oğlu yaşadığı evin yataq otağında quraşdırılmış qazla işləyən “Ceyran” tipli sobanın borusundan çıxan dəm qazından zəhərlənərək ölüb.

🔴🔴 Tanınmış iş adamı münaqişədə olduğu şəxslərin maşınına narkotik qoydurmaq istədiyi üçün həbs olunub

Baş Prokurorluğun İstintaq İdarəsində aparılan cinayət işi istintaqı zamanı məlum olub ki, Şəkidə fəaliyyət göstərən "Azəri koperrasiyyası" MMC-nin direktoru, rayonda tanınan və maddi imkanı ilə xüsusi seçilən Tehran Lətifov onunla münaqişədə olan Sevil Səlimova və oğlu Vasif Səlimovu saxta sübutlar təqdim etmək niyyəti ilə həbs etdirmək istəyib.

Bu səbəbdən o, tanışları – İlham Vahablı, Nicat Quliyev və Qaçay Məmmədovu Bakı şəhərinə göndərərək Şüvəlan qəsəbə sakini Əmir Mustafayevdən külli miqdarda narkotik vasitə olan marixuana aldırıb.

Həmin şəxslər narkotik vasitəni Şəki şəhərinə gətirərək Vasif Səlimovun avtomobilinə qoymalı imişlər.

Bundan xəbərdar olan qarşı tərəfin vaxtında hüquq-mühafizə orqanlarına müraciət etməsi və Baş Prokurorluqda aparılan araşdırmalar nəticəsində təqsirləndirilən şəxslərin əməlləri sübuta yetirilib.

Nəticədə Tehran Lətifov və digərləri saxlanılıb.

⚠️⚽️Bu gün UEFA Çempionlar Liqasında pley-off mərhələsinin püşkü atılacaq.

"Qarabağ"ın rəqibi də bu mərasimdə məlum olacaq. Azərbaycan çempionu ya PSJ, ya da "Nyukasl"a rəqib olacaq.

❗️❗️❗️ Azərbaycan Honqkonq pasportunu daşıyanlar üçün vizasız rejim tətbiq edib

Honqkonq pasport sahibləri 2 fevral 2026-cı ildən 2 fevral 2027-ci ilə qədər olan müddətdə üç dəfəyədək, hər girişdə 30 günədək Azərbaycana vizasız səfər edə bilərlər.