⚠️⚠️Salyanda 86 yaşlı kişi YOXA ÇIXDI

Rayon sakini, 86 yaşlı Nəsirov Rafayət İxtiyar oğlu yanvarın 31-də yaşadığı evdən çıxaraq bir daha geri qayıtmayıb.

R.Nəsirovun boyu 165 sm, ağ saçlı, arıq bədən quruluşludur.

Görən və ya tanıyanlardan DİN "102 Zəng Mərkəzi"nə zəng etməniz xahiş olunur.

🇦🇿🇦🇿 Bu gün Azərbaycanın Milli Qəhrəmanı Mübariz İbrahimovun doğum günüdür.

▪️Mübariz İbrahimov 7 fevral 1988-ci ildə Biləsuvar rayonunun Əliabad kəndində anadan olub. 2010-cu il 18–19 iyun gecəsi cəbhə xəttində təkbaşına düşmən mövqelərinə keçərək bir neçə erməni hərbçisini zərərsizləşdirib, 5 saat qeyri-bərabər döyüşdən sonra qəhrəmancasına şəhid olub.

▪️Azərbaycan Prezidentinin Sərəncamı ilə ona ölümündən sonra “Azərbaycanın Milli Qəhrəmanı” adı verilib.

❗️❗️Xidmətə başladıqdan 10 gün sonra ölən əsgər vərəm imiş?

Mərkəzi Klinik Hərbi Hospitalda vəfat edən Müdafiə Nazirliyinin əsgəri Coşqun Zülfüqar oğlu Sadıqovun vərəm xəstəsi olduğu bildirilir.

Bu barədə hərbi ekspert Ədalət Verdiyev feysbukda paylaşım edib.

O bildirib ki, Coşqun atasız olub, özü də vərəmdən əziyyət çəkirmiş:

“Vərəm xəstəsini minlərlə şəxsi heyətin olduğu hərbi hissəyə göndərmək böyük risklər vəd edir.

Əgər əsgər xəstə idisə, hərbi xidmətə niyə göndərilib, hərbi hissə niyə xəstə əsgəri geri qaytarmayıb, yox əgər əsgər sağlam idisə, niyə 10 gün ərzində xəstələndi və dünyasını dəyişdi? Bütün suallara cavab tapılmalı, günahkarlar qanun çərçivəsində cəzalanmalıdır”.

Həmin paylaşıma rəy yazan hərbi bloqer Tofiq Şahmuradov isə aşağıdakıları əlavə edib:

“Rəhmətə gedən əsgərin yaxınları bir az öncə mənimlə əlaqəyə çıxdılar. Atası yoxdur, anası böyüdüb. 25 yaşı olub, ağır vərəm xəstəsi imiş. Bir neçə dəfə xəstəliyinə görə həyati təhlükə yaşıyıb və bu səbəbdən 7 il hərbi xidmətə aparılmayıb.

Buna baxmayaraq bu çağırışın son günlərində qəfil göndərilib. Belə ağır vərəm xəstəsi yüzlərlə əsgərin içinə necə göndərilib? Bu, orduya qarşı böyük təxribatdır, vərəm xəstəliyi keçicidir. İnsanlar yoluxa bilər. Əsgər xidmətə gedəndən 4-5 gün sonra vəziyyəti ağırlaşıb, xəstəxanada vəfat edib”.

Qeyd edək ki, Quru Qoşunlarında xidmət edən C.Sadıqov vəfatından 10 gün əvvəl - yanvarın 26-da hərbi xidmətə gedibmiş.

❗️Ayağı velosipeddə sıxılan azyaşlıya FHN kömək etdi.

❗️❗️ Astarada təbii fəlakət: 17 beton bənd çaya aşdı

Astara rayonunun Vaqo kəndində torpaq sürüşməsi baş verib. Sürüşmə nəticəsində çay sahilindəki beton mühafizə bəndləri uçub, kənddən keçən yolun bir hissəsi yararsız hala düşüb.

Hadisə yerinə müvafiq dövlət qurumlarının nümayəndələri cəlb olunub. Çayın axın istiqaməti dəyişdirilir, daralan yol hissəsində təhlükəsizlik tədbirləri görülür. Bildirilib ki, torpaq eroziyası səbəbindən ötən əsrin 70-ci illərində tikilmiş 17 beton bənd çaya düşüb, daha beşi isə ciddi zədələnib. Fəsadların aradan qaldırılması istiqamətində işlər davam edir.

❗️❗️Güllələnən müəllimin vəziyyəti stabildir - Kliniki Tibbi Mərkəz

🇦🇿🇦🇿Leyla Əliyeva Qəbələ "Qış nağılı" II Beynəlxalq Musiqi Festivalından paylaşım edib.

DƏHŞƏT 🚨Bakıda körpə bacı-qardaş dəm qazından boğularaq ölüb.

Hadisə paytaxtın Xətai rayon ərazisində qeydə alınıb. Belə ki, 2024-cü il təvəllüdlü Fərxan Fərman oğlu Səfərov və bacısı Kübraxanım yaşadıqları evdə dəm qazından zəhərlənərək həyatlarını itirib.

✅ "Qarabağ" azarkeşlərinə xoş xəbər: Ən bahalı transferini etməyə çox yaxındır

“Qarabağ” Fransanın “Loryen” klubunun hücumçusu Sambou Soumanı transfer etmək üçün danışıqlar aparır. Oxu. Az-ın məlumatına görə, tərəflər arasında danışıqlar uğurla davam edir.

🇨🇳❗️🇺🇸 Çin Trampın səfərini ləğv etməklə hədələyib

Çin hakimiyyəti Tayvana silah tədarükü səbəbindən Donald Trampın planlaşdırılan səfərinin ləğv oluna biləcəyi barədə xəbərdarlıq edib.

🔴🔴Aparıcı Jalə Həsənli: “Şəxsiyyətinə hörmət etdiyim, sözünə etimad göstərdiyim müəllimin birindən bir dəfə heç vaxt unuda bilməyəcəyim bir söz eşitmişdim. Bakı liseylərindən birində təhsil alan şagirdlərdən biri müəlliminə deyibmiş ki, mənim corabımın qiyməti, sənin maaşından çoxdur! Bəli, elə bu cür…

Uzun bir müddət bu cümlənin təsiri altında qalmışdım. Düşündüm ki, görəsən, o müəllimin sonrakı aqibəti necə olub? Qalıb davam edib, yoxsa birdəfəlik bu peşədən uzaqlaşıb?

Birincisi, müəllim cəmiyyətin əsas sütunlarından biridir. Müəllimin maaşı ilə kiminsə corabının qiymətini müqayisə etmək, əslində, biliyə, zəhmətə və əxlaqa hörmətsizlikdir. Bu, var-dövlətin insanın dəyərini müəyyən etdiyini düşünən səthi və təhlükəli düşüncə tərzinin göstəricisidir.

İkincisi, bu cümlə uşağın təkcə öz tərbiyəsini yox, onu yetişdirən mühitin də problemli olduğunun göstəricisidir. Çünki belə sözlər adətən ailədə, ətrafda, sosial mühitdə eşidilən yanlış üstünlük anlayışlarının təkrarı olur:
“pul = hörmət”, “bahalı = dəyərli”. Ən acınacaqlısı isə odur ki, burada alçaldılan bir müəllim yox, əslində gələcəyin özüdür. Bu isə uzunmüddətli perspektivdə cəmiyyətin intellektual və mənəvi kasıblığına aparır.

Məlum hadisədən sonra fikirləşdim ki, görəsən, o şagirdin də valideynləri “corabı bahalı”lardan imiş? …

Söhbət müəllimlərdən açılmışkən, gəlin, sizə illər öncə şahidi olduğum bir hadisədən danışım. İngilis dilindən hazırlığa gedirdim. Qrupda olan uşaqlardan birinin test kitabı yox idi. Növbəti dərsdə müəllim təzə alınmış test kitabını gətirib stolun üzərinə qoydu. Dedi bu gün kim yaxşı cavab versə, bu kitab onun olacaq. Qrupda dörd nəfər idik, üçümüzün isə kitabı var idi. Artıq anlamışdıq ki, müəllimimiz onu utandırmamaq üçün kitabı bu yolla ona vermək istəyir. Həmin gün biz “yaxşı cavab verə bilmədik”, ….. isə test kitabını qazandı..Biz də o müəllimi qazandıq.🤍

Haqqında danışa biləcəyim o qədər dəyərli müəllimlərim var ki…

❗️Bakıda “İdrak” liseyində müəllimini güllələməkdə təqsirləndirilən şagird barəsində Binəqədi Rayon Məhkəməsinin qərarı ilə onun barəsində 4 ay müddətinə həbs qətimkan tədbiri seçilib.

❗️Ceyhun Bayramov: “Azərbaycan daim Pakistanın yanındadır”.

🚨 Şəmkirdə baş vermiş qəsdən adam öldürmə cinayətinin üstü açılıb.

Bu barədə Baş Prokurorluq və Daxili İşlər Nazirliyinin Mətbuat xidmətlərinin birgə məlumatında bildirilib.

Məlumata görə, ötən ilin dekabrın 23-də Şəmkir rayon sakini 1957-ci il təvəllüdlü Mahmudova Solmaz Dadaş qızının üzərində zorakılıq əlamətləri olan meyitinin aşkar olunması barədə rayon prokurorluğuna məlumat daxil olub.

Prokurorluq və polis əməkdaşlarının həyata keçirdiyi tədbirlərlə S.Mahmudovanın 1996-cı il təvəllüdlü Həmidli Arzu Mahir oğlu tərəfindən qəsdən öldürülməsinə əsaslı şübhələr müəyyən edilib.

Arzu Həmidli şübhəli şəxs qismində saxlanılaraq istintaqa təhvil verilib.

‼️‼️‼️ Bakıda yerləşən İdrak liseyinin riyaziyyat müəllimini güllələyən şagird hadisədən əvvəl sosial şəbəkələrdə şiddət və silahla bağlı məzmunlar paylaşan onlayn oyun və qruplarda fəal olub.

ℹ️ Şagird “Telegram”da naməlum, cinayət xarakterli fəaliyyətlə məşğul olan bir qrupa qoşulub və ona konkret tapşırıq verilib. Həmin tapşırıq çərçivəsində şagird müəllimini hədəf seçərək onu öldürmək niyyəti güdüb. (KİV)

❗️“YouTube” videoları müxtəlif dillərdə izləməyə imkan verən süni intellekt əsaslı avtomatik səsləndirmə funksiyasını yeniləyib. Bu funksiya 27 dil dəstəyi ilə bütün istifadəçilərə təqdim edilib