Milli Hidrometeorologiya Xidmətindən verilən məlumata əsasən, Bakıda və Abşeron yarımadasında hava şəraitinin arabir yağıntılı olacağı, 10-dan 11-nə keçən gecə və səhər bəzi yerlərdə sulu qar, qar yağacağı gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 1° şaxtadan 2°-dək isti, gündüz 2-5° isti olacaq. Atmosfer təzyiqi 767 mm civə sütunundan 762 mm civə sütununa enəcək. Nisbi rütubət 70-80% olacaq.

Gecə və səhər bəzi şəhərətrafı yolların buz bağlayacağı ehtimalı var.

Azərbaycanın rayonlarında hava şəraitinin bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə yağıntının intensiv olacağı ehtimalı var. Bəzi yerlərdə arabir duman olacaq. Mülayim qərb küləyi əsəcək.

Havanın temperaturu gecə 2° şaxtadan 2°-dək isti, gündüz 3-6° isti, dağlarda gecə 5-10° şaxta, yüksək dağlıq ərazilərdə 10-15° şaxta, gündüz 0-5° şaxta olacaq.

Bəzi yolların buz bağlayacağı ehtimalı var.

Şəhidlər xiyabanında qeyri-etik hərəkətlərdə təqsirləndirilən üç Səudiyyə Ərəbistanı vətəndaşının işi üzrə apellyasiya şikayəti ilə bağlı məhkəmə hazırlıq iclası keçirilib. Bakı Apellyasiya Məhkəməsi vəkillərin işə xitam verilməsi vəsatətini təmin etməyib və işi baxışa göndərib.

Məhkəmə iclası fevralın 17-nə təyin olunub. Qeyd edək ki, Sabail Rayon Məhkəməsinin hökmü ilə müttəhimlərin hər biri 2 il azadlıqdan məhrum edilib və cəzadan sonra ölkədən məcburi çıxarılacaqlar.