Qo'qon shahar Favqulodda vaziyatlar bo‘limi xodimlari tomonidan aholi xonadonlarida profilaktik tadbirlar o‘tkazildi.

Tadbirlar davomida kuz-qish mavsumida sodir bo‘lishi mumkin bo‘lgan yong‘inlar, is gazidan zaharlanish hamda gaz-havo aralashmasining chaqnashi bilan bog‘liq baxtsiz hodisalarning oldini olishga alohida e’tibor qaratildi.

Xonadonlarda yong‘in xavfsizligi qoidalariga rioya etilishi o‘rganilib, aniqlangan qoidabuzarliklarni bartaraf etish choralari ko‘rildi. Shuningdek, fuqarolarga isitish moslamalaridan xavfsiz foydalanish, gaz va elektr jihozlarini soz holatda saqlash hamda xavfsizlik qoidalariga qat’iy amal qilish yuzasidan tushuntirishlar berildi.

🔰 Farg'ona viloyati Favqulodda vaziyatlar boshqarmasi Axborot xizmati

Marg‘ilon shahar Favqulodda vaziyatlar bo‘limi xodimlari tomonidan aholi o‘rtasida yong‘inlar, is gazidan zaharlanish hamda gaz-havo aralashmasi chaqnashi bilan bog‘liq baxtsiz hodisalarning oldini olishga qaratilgan profilaktik tadbirlar o‘tkazildi.

Tadbirlar davomida fuqarolarga xonadonlarda yong‘in xavfsizligi qoidalariga rioya etish, isitish moslamalaridan xavfsiz foydalanish, gaz va elektr jihozlarining sozligini muntazam tekshirib borish hamda dudburonlarni tozalash muhimligi tushuntirildi.

Shuningdek, fuqarolar nostandart va nosoz isitish moslamalaridan foydalanmaslik, is gazidan zaharlanishning oldini olish hamda xavfsizlik qoidalariga qat’iy amal qilish yuzasidan ogohlantirildi.

🔰 Farg'ona viloyati Favqulodda vaziyatlar boshqarmasi Axborot xizmati

Farg‘ona viloyati Favqulodda vaziyatlar boshqarmasi boshlig‘i polkovnik G‘.Alaviddinov tomonidan Marg‘ilon shahridagi aholi xonadonlarida yong‘inlar, is gazidan zaharlanish hamda gaz-havo aralashmasi chaqnashi bilan bog‘liq baxtsiz hodisalarning oldini olishga qaratilgan profilaktik tadbirlar o‘tkazildi.

Xonadonbay o‘rganishlar davomida ayrim xonadonlarda xavfsizlik talablariga zid ravishda o‘rnatilgan ikki konturli isitish moslamalaridan foydalanish holatlari aniqlandi. Mazkur kamchiliklarni bartaraf etish maqsadida gaz ta’minoti xodimlari jalb etilib, tegishli choralar ko‘rildi.

Shuningdek, fuqarolarga nosoz, nostandart elektr va gaz jihozlaridan foydalanmaslik, isitish moslamalarini xavfsizlik talablariga muvofiq o‘rnatish hamda ulardan foydalanishda belgilangan qoidalarga qat’iy rioya etish yuzasidan tushuntirishlar berildi.

🔰 Farg'ona viloyati Favqulodda vaziyatlar boshqarmasi Axborot xizmati