Farg‘ona viloyati Favqulodda vaziyatlar boshqarmasi boshlig‘i polkovnik G‘.Alaviddinov tomonidan Marg‘ilon shahridagi aholi xonadonlarida yong‘inlar, is gazidan zaharlanish hamda gaz-havo aralashmasi chaqnashi bilan bog‘liq baxtsiz hodisalarning oldini olishga qaratilgan profilaktik tadbirlar o‘tkazildi.

Xonadonbay o‘rganishlar davomida ayrim xonadonlarda xavfsizlik talablariga zid ravishda o‘rnatilgan ikki konturli isitish moslamalaridan foydalanish holatlari aniqlandi. Mazkur kamchiliklarni bartaraf etish maqsadida gaz ta’minoti xodimlari jalb etilib, tegishli choralar ko‘rildi.

Shuningdek, fuqarolarga nosoz, nostandart elektr va gaz jihozlaridan foydalanmaslik, isitish moslamalarini xavfsizlik talablariga muvofiq o‘rnatish hamda ulardan foydalanishda belgilangan qoidalarga qat’iy rioya etish yuzasidan tushuntirishlar berildi.

🔰 Farg'ona viloyati Favqulodda vaziyatlar boshqarmasi Axborot xizmati

Bag‘dod tumani Favqulodda vaziyatlar bo‘limi xodimlari tomonidan tungi vaqtda aholi gavjum joylarda profilaktik tadbirlar o‘tkazildi.

Tadbirlar davomida fuqarolar is gazidan zaharlanish, yong‘inlar hamda gaz-havo aralashmasining chaqnashi bilan bog‘liq baxtsiz hodisalarning oldini olish, shuningdek, kuz-qish mavsumida xavfsizlik qoidalariga qat’iy rioya etish yuzasidan ogohlantirildi.

Shuningdek, yong‘in o‘chirish avtomobiliga o‘rnatilgan ovoz kuchaytirish qurilmasi orqali aholi vakillariga xavfsizlik qoidalariga amal qilish bo‘yicha targ‘ibot murojaatlari yetkazildi.

🔰 Farg'ona viloyati Favqulodda vaziyatlar boshqarmasi Axborot xizmati