"Farg‘ona neftni qayta ishlash zavodi" MChJ obektlarida Favqulodda vaziyatlar bo‘limi xodimlari tomonidan Fargʻona Davlat texnika universiteti talabalarining ijara asosida yashab kelayotgan xonadonlarida profilaktik tadbirlar o‘tkazildi.

Tadbirlar davomida yashash xonadonlarining yong‘in xavfsizligi holati o‘rganilib, talabalarga gaz va elektr jihozlaridan xavfsiz foydalanish, yong‘in xavfsizligi qoidalariga rioya etish yuzasidan tushuntirishlar berildi.

🔰 Farg'ona viloyati Favqulodda vaziyatlar boshqarmasi Axborot xizmati

Favqulodda vaziyatlar vazirining o‘rinbosari polkovnik X.Sotiyev tomonidan Buvayda tumanidagi ko‘p qavatli uylarning xavfsizlik holati o‘rganildi.

O‘rganishlar davomida ayrim xonadonlarda xavfsizlik qoidalariga zid ravishda ikki konturli isitish uskunalari va qo‘lbola isitish pechlaridan foydalanish holatlari aniqlandi.

Mazkur holatlar fuqarolar hayoti va sog‘lig‘iga jiddiy xavf tug‘dirishi inobatga olinib, tegishli mutaxassislar jalb etildi hamda aniqlangan qoidabuzarliklar joyida bartaraf etildi.

🔰 Farg'ona viloyati Favqulodda vaziyatlar boshqarmasi Axborot xizmati

Furqat tumani Favqulodda vaziyatlar bo‘limi xodimlari tomonidan aholi xonadonlarida yong‘inlar, is gazidan zaharlanish hamda gaz-havo aralashmasining chaqnashi bilan bog‘liq baxtsiz hodisalarning oldini olish maqsadida profilaktik tadbirlar o‘tkazilmoqda.
Tadbirlar davomida fuqarolarga isitish moslamalaridan to‘g‘ri foydalanish, gaz va elektr jihozlarini xavfsiz ishlatish, yong‘in xavfsizligi qoidalariga qat’iy rioya etish yuzasidan tushuntirishlar berilmoqda.

🔰 Farg'ona viloyati Favqulodda vaziyatlar boshqarmasi Axborot xizmati

Favqulodda vaziyatlar vazirining o‘rinbosari polkovnik X.Sotiyev tomonidan Qo‘qon shahridagi ko‘p qavatli turar joylarda aholi xavfsizligini ta’minlash borasida amalga oshirilayotgan ishlar o‘rganildi.
Kuz-qish mavsumida yong‘inlar, is gazidan zaharlanish hamda gaz-havo aralashmasining chaqnashi bilan bog‘liq noxush holatlarning oldini olish, mavjud xavf-xatarlarni bartaraf etish va aholi xavfsizligini ta’minlash bo'yicha mahalla faollari va inspektorlar tomonidan hamkorlikda profilaktik tadbirlarning tashkil etilishi o'rganildi.

🔰 Farg'ona viloyati Favqulodda vaziyatlar boshqarmasi Axborot xizmati