Farg‘ona Harbiy prokurori o‘rinbosari, adliya mayori Ergashev Qudratbek Soyibjonovich tomonidan Farg‘ona viloyati Favqulodda vaziyatlar boshqarmasi hamda hududiy bo‘limlar shaxsiy tarkibi bilan "Payshanba — huquqbuzarliklar profilaktikasi kuni" munosabati bilan yig‘ilish o‘tkazildi.

Yig‘ilishda ishtirokchilarga Favqulodda vaziyatlar vazirining "Vazirlik tizimida korrupsiyaga qarshi kurashish borasida amalga oshirilayotgan ishlar samaradorligini yanada oshirish to'g'risida" gi 258-sonli buyrug'i, ya'ni, korrupsiyaga oid huquqbuzarliklar haqida xabar bergan yoki korrupsiyaga qarshi kurashishga boshqa tarzda ko'maklashgan harbiy xizmatchi va xizmatchilarni rag'batlantirish bo'yicha hamda "Shaxsiy tarkib bilan yakka tartibda ishlash, xizmat intizomini mustahkamlash va korrupsiyaga olib kelishi mumkin bo‘lgan holatlarning oldini olish borasidagi ishlarni takomillashtirish to'g'risida" gi 266-sonli buyruqlari mazmun-mohiyati tushuntirildi.

Shuningdek, O‘zbekiston Respublikasining "Bolalarni zoʻravonlikning barcha shakllaridan himoya qilish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida" 2026-yil 14-oktabrdagi O‘RQ-1180-son Qonuni mazmun-mohiyati yuzasidan tushuntirishlar berildi.

Shaxsiy tarkibga yo‘l-transport hodisalarining oldini olish, xizmat intizomiga qat’iy rioya etish hamda huquqbuzarliklarning oldini olish masalalariga alohida e’tibor qaratildi.

🔰 Farg'ona viloyati Favqulodda vaziyatlar boshqarmasi Axborot xizmati

Farg'ona tumani Favqulodda vaziyatlar bo‘limi xodimlari tomonidan tuman hududidagi umumta’lim maktablarida zilzila va boshqa tabiiy ofatlar vaqtida to‘g‘ri harakat qilish bo‘yicha profilaktik tadbirlar hamda amaliy mashg‘ulotlar o‘tkazilmoqda.

Mashg‘ulotlar davomida o‘quvchilar va pedagog xodimlarga zilzila sodir bo‘lganda sarosimaga tushmaslik, binoni xavfsiz tark etish, belgilangan evakuatsiya yo‘nalishlari bo‘ylab harakatlanish hamda xavfsiz hududga yig‘ilish tartiblari tushuntirildi.
Shuningdek, favqulodda vaziyatlarda to‘g‘ri harakat qilish, xavfsizlik qoidalariga rioya etish va jabrlanganlarga dastlabki yordam ko‘rsatish bo‘yicha zarur tavsiyalar berildi.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram

Beshariq tumanida zilzila haftaligi doirasida tadbirlar davom etmoqda

Beshariq tumani Favqulodda vaziyatlar bo‘limi xodimlari tomonidan o‘tkazilayotgan “Zilzila haftaligi” doirasida aholi va ta’lim muassasalarida profilaktik tadbirlar tashkil etilmoqda.

Jumladan, tuman FVB xodimlari Dalaxamidolimjon MFY hududidagi 1-sonli umumta’lim maktabida zilzila vaqtida to‘g‘ri harakatlanish, xavfsizlik qoidalariga rioya etish hamda favqulodda vaziyatlarda to‘g‘ri qaror qabul qilish yuzasidan seminar-mashg‘ulot o‘tkazildi.

Shuningdek, Qum MFY hududidagi 33-sonli DMTTda zilzila haftaligi doirasida tegishli tadbirlar olib borilmoqda.

Bundan tashqari, Qoraqo‘yli MFYda ijtimoiy himoyaga muhtoj oilalar bilan kuz-qish mavsumida yuzaga kelishi mumkin bo‘lgan favqulodda vaziyatlar, yong‘inlar va is gazidan zaharlanish holatlarining oldini olish yuzasidan profilaktik suhbatlar o‘tkazilmoqda.

Asosiy maqsad — aholi, ayniqsa, bolalar va ijtimoiy himoyaga muhtoj oilalarning xavfsizligini ta’minlash hamda favqulodda vaziyatlarga tayyorligini oshirish.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram