Farg‘ona shahar Favqulodda vaziyatlar bo‘limi hamda Hayot faoliyati xavfsizligi o‘quv markazi xodimlari tomonidan Farg‘ona davlat universiteti talabalari ishtirokida “Aholini zilzilaga tayyorlash haftaligi” doirasida tadbir tashkil etildi.

Tadbir davomida talabalarga zilzila vaqtida to‘g‘ri harakat qilish, favqulodda vaziyatlarda xavfsizlik qoidalariga rioya etish hamda ijara xonadonlarida yong‘in xavfsizligini ta’minlash bo‘yicha tushuntirishlar berildi.

Shuningdek, yong‘in-qutqaruv avtomobili namoyish etilib, uning texnik imkoniyatlari va vazifalari haqida ma’lumotlar yetkazildi.

🔰 Farg'ona viloyati Favqulodda vaziyatlar boshqarmasi Axborot xizmati

Farg‘ona shahar Favqulodda vaziyatlar bo‘limi hamda Hayot faoliyati xavfsizligi o‘quv markazi xodimlari tomonidan Farg‘ona imkoniyati cheklangan shaxslar uchun ixtisoslashtirilgan texnikumida “Aholini zilzilaga tayyorlash haftaligi” doirasida tadbir o‘tkazildi.

Tadbir davomida o'quvchi yoshlarga zilzila sodir bo‘lganda to‘g‘ri harakat qilish, xavfsizlik qoidalariga rioya etish hamda odamlarni evakuatsiya qilish tartibi bo‘yicha tushunchalar berildi. Shuningdek, yong‘in o‘chirish avtomobilining imkoniyatlari namoyish etilib, yongʻinlarni bartaraf etish to'g'risida ma’lumot berildi.

🔰 Farg'ona viloyati Favqulodda vaziyatlar boshqarmasi Axborot xizmati

KUZ-QISH MAVSUMIGA TAYYORGARLIK MASALALARI MUHOKAMA QILINDI

Beshariq tumani Favqulodda vaziyatlar bo‘limi xodimlari tomonidan Maktabgacha va maktab ta’limi bo‘limida yig‘ilish o‘tkazildi.

Yig‘ilishda bo‘lim tasarrufidagi obyektlarda o'tgan davr mobaynida aniqlangan kamchiliklar muhokama qilinib, ularni bartaraf etish, yong‘in xavfsizligini ta’minlash, kuz-qish mavsumiga tayyorgarlik ko‘rish, isitish tizimlarini soz holatga keltirish hamda ulardan xavfsiz foydalanish yuzasidan mas’ullarga tegishli topshiriqlar berildi.

🔰 Farg'ona viloyati Favqulodda vaziyatlar boshqarmasi Axborot xizmati