#Adliya_xabari

❗️Farg'ona viloyat adliya boshqarmasida favqulodda vaziyatlar va elektr xavfsizligi bo'yicha o'quv-seminari o'tkazildi

Bugun Farg'ona viloyat adliya boshqarmasida Farg'ona shahar Favqulodda vaziyatlar bo'limi mutaxassislari bilan hamkorlikda xodimlarning fuqaro muhofazasi va xavfsizlik qoidalariga oid bilimlarini oshirish maqsadida maxsus o'quv-seminar bo'lib o'tdi.

Tadbirning asosiy mavzusi — zilzila paytida to'g'ri harakatlanish va elektr xavfsizligi qoidalariga rioya qilish masalalariga bag'ishlandi.

Seminarda FVB mutaxassislari tomonidan zilzila vaqtida va undan keyingi harakatlar algoritmi batafsil tushuntirib berildi.

Xususan, sarosimaga tushmaslik va bino ichida eng xavfsiz joylarni tanlash, zilzila tugagandan so'ng binoni xavfsiz va tezkor tarzda tark etish tartibi tushuntirildi.

Tadbirning ikkinchi qismida elektr xavfsizligi masalalariga alohida to'xtalib o'tildi. Ish joyida va maishiy sharoitda elektr uskunalaridan foydalanishda yong'in xavfsizligi talablari, qisqa tutashuv yoki nosozliklar yuzaga kelganda birinchi navbatda elektr tarmog'ini uzish muhimligi haqida so'z bordi.

Seminar ochiq muloqot tarzida o'tdi va adliya boshqarmasi xodimlari o'zlarini qiziqtirgan qator hayotiy savollar bilan murojaat qilishdi.

Mutaxassislar har bir savolga sohaga oid yo'riqnomalar, hayotiy misollar va amaliy ko'rgazmalar asosida batafsil javob berishdi.

Bu kabi o'quv-mashg'ulotlari favqulodda vaziyatlarda inson hayoti va sog'lig'ini asrab qolishda, shuningdek, kutilmagan holatlarda to'g'ri va tezkor qaror qabul qilishda muhim ahamiyatga ega ekanligi ta'kidlandi.

Bizni kuzatib boring:
🚀Telegram🌐Websayt📷Instagram🔵Facebook 📱Youtube