Qo'qon shahar Favqulodda vaziyatlar bo‘limi mas'ullari tomonidan paxta qabul qilish maskanlarida yong‘inlarning oldini olish maqsadida tungi tekshiruv o‘tkazildi. Tekshiruv davomida maskanning yong‘in xavfsizligi holati, paxta yig‘im-terimiga biriktirilgan texnikalar uchun uchqun so‘ndirgichlar mavjudligi, yong‘inga qarshi suv ta'minoti tizimining holati ko‘zdan kechirildi. Maskan ishchi-xodimlariga yong‘in xavfsizligi qoidalariga qat’iy rioya qilish hamda birlamchi yong‘in o‘chirish vositalaridan to‘g‘ri foydalanish bo‘yicha yo‘riqnoma berildi.

🔰 Farg'ona viloyati Favqulodda vaziyatlar boshqarmasi Axborot xizmati

Qo'shtepa tumani FVB mas’ullari tomonidan savdo kompleksida tungi tekshiruv o‘tkazildi. Tekshiruv davomida savdo majmuasining elektr ta’minoti holati, birlamchi yong‘in o‘chirish vositalarining sozligi va ulardan foydalanishga tayyorligi o‘rganildi. Tungi navbatchilikda bo‘lgan mas’ullarga yong‘inlarning oldini olish, yong‘in xavfsizligi qoidalariga qat’iy rioya etish hamda favqulodda vaziyatlar yuzaga kelganda to‘g‘ri harakat qilish bo‘yicha yo‘riqnoma berildi.

🔰 Farg'ona viloyati Favqulodda vaziyatlar boshqarmasi Axborot xizmati

YOSHLAR KELAJAGI — TA’LIM VA BILIMDA!
529-SCHR BATALYONI HAMDA FAVQULODDA VAZIYATLAR VAZIRLIGI AKADEMIYASI HAMKORLIGIDA TADBIR TASHKIL ETILDI

Yosh avlodni ilm-ma’rifatga chorlash, ularning ta’lim olishga bo‘lgan qiziqishini oshirish hamda kelajakdagi kasbiy maqsadlarini belgilashga ko‘maklashish maqsadida 529-SCHR Batalyoni harbiy xizmatchilari va Favqulodda vaziyatlar vazirligi Akademiyasi hamkorligida ma’naviy-ma’rifiy tadbir tashkil etildi.
Tadbir davomida yoshlarga bilim olishning ahamiyati, zamonaviy kasblarni egallash, yuksak maqsadlar sari intilish hamda Vatan ravnaqi uchun munosib kadr bo‘lib yetishish borasida tushunchalar berildi.
Shuningdek, yoshlarning qiziqish va intilishlarini qo‘llab-quvvatlash, ularni ilm-fan va ta’limga keng jalb etish, vatanparvarlik ruhida tarbiyalash masalalariga alohida e’tibor qaratildi.
Zero, bugungi bilimli yoshlar — ertangi taraqqiyot bunyodkorlaridir!

🔰 Farg'ona viloyati Favqulodda vaziyatlar boshqarmasi Axborot xizmati

Faxriylar kengashi faoliyati samaradorligini oshirish masalalari muhokama qilindi

Favqulodda vaziyatlar vazirligi Markaziy Faxriylar kengashi raisi o‘rinbosari, iste’fodagi polkovnik Inogamov Faxriddin Kupayevich tomonidan Farg‘ona viloyati Favqulodda vaziyatlar boshqarmasi Faxriylar kengashi faoliyati samaradorligini oshirishga qaratilgan davra suhbati o‘tkazildi.

Suhbat davomida faxriylarning boy hayotiy va kasbiy tajribasidan samarali foydalanish, yosh avlodni vatanparvarlik ruhida tarbiyalash hamda Faxriylar kengashi faoliyatini yanada takomillashtirish masalalariga e’tibor qaratildi.
Shuningdek, kelgusida amalga oshirilishi lozim bo‘lgan vazifalar yuzasidan fikr va takliflar bildirildi.

🔰 Farg'ona viloyati Favqulodda vaziyatlar boshqarmasi Axborot xizmati