YOSHLAR KELAJAGI — TA’LIM VA BILIMDA!
529-SCHR BATALYONI HAMDA FAVQULODDA VAZIYATLAR VAZIRLIGI AKADEMIYASI HAMKORLIGIDA TADBIR TASHKIL ETILDI

Yosh avlodni ilm-ma’rifatga chorlash, ularning ta’lim olishga bo‘lgan qiziqishini oshirish hamda kelajakdagi kasbiy maqsadlarini belgilashga ko‘maklashish maqsadida 529-SCHR Batalyoni harbiy xizmatchilari va Favqulodda vaziyatlar vazirligi Akademiyasi hamkorligida ma’naviy-ma’rifiy tadbir tashkil etildi.
Tadbir davomida yoshlarga bilim olishning ahamiyati, zamonaviy kasblarni egallash, yuksak maqsadlar sari intilish hamda Vatan ravnaqi uchun munosib kadr bo‘lib yetishish borasida tushunchalar berildi.
Shuningdek, yoshlarning qiziqish va intilishlarini qo‘llab-quvvatlash, ularni ilm-fan va ta’limga keng jalb etish, vatanparvarlik ruhida tarbiyalash masalalariga alohida e’tibor qaratildi.
Zero, bugungi bilimli yoshlar — ertangi taraqqiyot bunyodkorlaridir!

🔰 Farg'ona viloyati Favqulodda vaziyatlar boshqarmasi Axborot xizmati

Faxriylar kengashi faoliyati samaradorligini oshirish masalalari muhokama qilindi

Favqulodda vaziyatlar vazirligi Markaziy Faxriylar kengashi raisi o‘rinbosari, iste’fodagi polkovnik Inogamov Faxriddin Kupayevich tomonidan Farg‘ona viloyati Favqulodda vaziyatlar boshqarmasi Faxriylar kengashi faoliyati samaradorligini oshirishga qaratilgan davra suhbati o‘tkazildi.

Suhbat davomida faxriylarning boy hayotiy va kasbiy tajribasidan samarali foydalanish, yosh avlodni vatanparvarlik ruhida tarbiyalash hamda Faxriylar kengashi faoliyatini yanada takomillashtirish masalalariga e’tibor qaratildi.
Shuningdek, kelgusida amalga oshirilishi lozim bo‘lgan vazifalar yuzasidan fikr va takliflar bildirildi.

🔰 Farg'ona viloyati Favqulodda vaziyatlar boshqarmasi Axborot xizmati

Farg‘ona tumani FVB xodimlari tomonidan Novkent MFYda keng qamrovli profilaktik tadbirlar amalga oshirilmoqda.

Tadbirlar davomida aholi yashash xonadonlarida yong‘in xavfsizligi qoidalariga rioya etilishi o‘rganilib, kuz-qish mavsumida isitish moslamalaridan to‘g‘ri va xavfsiz foydalanish, elektr jihozlarini soz holatda saqlash hamda gaz uskunalaridan foydalanishda xavfsizlik qoidalariga amal qilish yuzasidan tushuntirish ishlari olib borilmoqda.

Shuningdek, fuqarolarga is gazidan zaharlanish, gaz-havo aralashmasining chaqnashi va yong‘in kabi favqulodda vaziyatlarning oldini olish bo‘yicha zarur tavsiyalar berilib, ogohlikka chaqiruvchi eslatma materiallari tarqatilmoqda.

Asosiy maqsad — aholi o‘rtasida yong‘in xavfsizligi madaniyatini oshirish, favqulodda vaziyatlarning oldini olish hamda fuqarolarning hayoti va mol-mulkini turli xavf-xatarlardan himoya qilishdan iborat.

🔰 Farg'ona viloyati Favqulodda vaziyatlar boshqarmasi Axborot xizmati