Rishton tumani Favqulodda vaziyatlar bo‘limi hamda hamkorlikdagi xizmatlar xodimlari tomonidan kuz-qish mavsumini betalafot o‘tkazish, aholi xonadonlarida yong‘inlar, is gazidan zaharlanish va gaz-havo aralashmasining chaqnashi bilan bog‘liq baxtsiz hodisalarning oldini olishga qaratilgan profilaktik tadbirlar olib borilmoqda.

Tadbirlar davomida fuqarolarga isitish moslamalaridan to‘g‘ri foydalanish, gaz va elektr jihozlarining sozligini tekshirish, mo‘ri va tutun yo‘llarini tozalash bo‘yicha tushuntirishlar berilmoqda.
Aholi o‘rtasida xavfsizlik qoidalariga rioya etish va favqulodda vaziyatlarning oldini olishga qaratilgan targ‘ibot ishlari davom ettirilmoqda.

🔰 Farg'ona viloyati Favqulodda vaziyatlar boshqarmasi Axborot xizmati

Farg‘ona shahridagi harbiy qismda shahar Favqulodda vaziyatlar bo‘limi inspektorlari hamda Maxsus vazifalarni bajaruvchi qutqaruv otryadi xodimlari ishtirokida profilaktik tadbir o‘tkazildi.
Tadbir davomida kuz-qish mavsumida yuzaga kelishi mumkin bo‘lgan favqulodda vaziyatlar va yong‘inlar, gaz-havo aralashmasi chaqnashi hamda is gazidan zaharlanish bilan bog‘liq baxtsiz holatlarning oldini olish bo‘yicha zaruriy tushuncha va tavsiyalar berildi.

Shuningdek, “Elektr xavfsizligi oyligi” va “Aholini zilzilaga tayyorlash haftaligi” doirasida elektr jihozlaridan xavfsiz foydalanish hamda zilzila vaqtida to‘g‘ri harakatlanish qoidalari tushuntirildi.

🔰 Farg'ona viloyati Favqulodda vaziyatlar boshqarmasi Axborot xizmati