Bag‘dod tumanida kuz-qish mavsumiga tayyorgarlik doirasida aholi xonadonlarida isitish mavsumini xavfsiz o‘tkazish maqsadida profilaktik tadbirlar olib borilmoqda. Tadbirlar davomida xonadonlardagi isitish pechlari, dudbo‘ron va mo‘ri yo‘llarining holati o‘rganilib, ularni qurum va chiqindilardan tozalash, soz holatga keltirish hamda foydalanish xavfsizligini taʼminlash bo‘yicha amaliy ishlar amalga oshirilmoqda.
Fuqarolarga isitish moslamalaridan foydalanishda xavfsizlik qoidalariga qatʼiy rioya qilish, mo‘rilarni muntazam tozalab turish, nosoz yoki qo‘lbola isitish moslamalaridan foydalanmaslik hamda is gazidan zaharlanishning oldini olish bo‘yicha tushuntirishlar berilmoqda.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram

Farg‘ona tumani Favqulodda vaziyatlar bo‘limi boshlig‘i va inspektorlari tomonidan tumandagi qarovga muhtoj, keksa yoshdagi fuqarolar xonadonlarida profilaktik tadbirlar o‘tkazildi.

Tadbirlar davomida yoshi ulug‘, yolg‘iz istiqomat qiluvchi, doimiy qarovchisi bo‘lmagan fuqarolarning yashash sharoitlari va xonadonlaridagi yong‘in xavfsizligi holati o‘rganildi. Xususan, isitish pechlari, gaz va elektr jihozlarining sozligi hamda ulardan xavfsiz foydalanishga alohida e’tibor qaratildi. Fuqarolarga kuz-qish mavsumida yong‘inlar, is gazidan zaharlanish va gaz-havo aralashmasining chaqnashi bilan bog‘liq baxtsiz hodisalarning oldini olish yuzasidan tushuntirishlar berildi. Isitish moslamalaridan to‘g‘ri foydalanish, dudburonlarni muntazam tozalash, gaz jihozlarini nazoratsiz qoldirmaslik hamda elektr xavfsizligi qoidalariga rioya etish zarurligi ta'kidlandi.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram