Farg‘ona tumani Favqulodda vaziyatlar bo‘limi boshlig‘i va inspektorlari tomonidan tumandagi qarovga muhtoj, keksa yoshdagi fuqarolar xonadonlarida profilaktik tadbirlar o‘tkazildi.

Tadbirlar davomida yoshi ulug‘, yolg‘iz istiqomat qiluvchi, doimiy qarovchisi bo‘lmagan fuqarolarning yashash sharoitlari va xonadonlaridagi yong‘in xavfsizligi holati o‘rganildi. Xususan, isitish pechlari, gaz va elektr jihozlarining sozligi hamda ulardan xavfsiz foydalanishga alohida e’tibor qaratildi. Fuqarolarga kuz-qish mavsumida yong‘inlar, is gazidan zaharlanish va gaz-havo aralashmasining chaqnashi bilan bog‘liq baxtsiz hodisalarning oldini olish yuzasidan tushuntirishlar berildi. Isitish moslamalaridan to‘g‘ri foydalanish, dudburonlarni muntazam tozalash, gaz jihozlarini nazoratsiz qoldirmaslik hamda elektr xavfsizligi qoidalariga rioya etish zarurligi ta'kidlandi.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram

Favqulodda vaziyatlar vazirining o‘rinbosari polkovnik X.Sotiyev tomonidan Farg‘ona shahridagi “Ma’rifat” mahalla fuqarolar yig‘inida amalga oshirilayotgan ishlar o‘rganildi.
O‘rganish davomida mahallada tashkil etilgan “Favqulodda vaziyatlardan muhofaza” burchagi, inspektor faoliyati uchun ajratilgan xona hamda mahalla yettiligi vakillari bilan hamkorlikda olib borilayotgan profilaktik tadbirlarga alohida e’tibor qaratildi.
Shuningdek, aholi xonadonlarida yong‘inlar, is gazidan zaharlanish va gaz-havo aralashmasining chaqnashi bilan bog‘liq baxtsiz hodisalarning oldini olish borasida amalga oshirilayotgan ishlar ko‘zdan kechirildi.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram