Rishton tumani Favqulodda vaziyatlar bo‘limi xodimlari tomonidan Zarariq MFYda joylashgan aholi xonadonlarida profilaktik tadbirlar o‘tkazilmoqda.

Tadbirlar davomida fuqarolarga kuz-qish mavsumida yong‘in xavfsizligi qoidalariga rioya etish, isitish moslamalaridan to‘g‘ri foydalanish, is gazidan zaharlanish hamda gaz-havo aralashmasi chaqnashining oldini olish bo‘yicha tushuntirishlar berilmoqda.

Shuningdek, xonadonlarda mavjud isitish moslamalari va elektr jihozlaridan xavfsiz foydalanish yuzasidan tavsiyalar berilib, fuqarolarga eslatma va targ‘ibot materiallari tarqatilmoqda.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram

Farg‘ona shahar Favqulodda vaziyatlar bo‘limi hamda hamkor tashkilotlar xodimlari tomonidan kuz-qish mavsumida sodir bo‘lishi mumkin bo‘lgan yong‘inlar, is gazidan zaharlanish va gaz-havo aralashmasining chaqnashi bilan bog‘liq baxtsiz hodisalarning oldini olishga qaratilgan profilaktik tadbirlar amalga oshirilmoqda.

Tadbirlar oldidan shaxsiy tarkib ishtirokida yo‘riqnoma o‘tkazilib, aholi xonadonlarida ikki konturli isitish uskunalari va ularning dudburonlari sozligini tekshirish, aniqlangan nosozliklarni zudlik bilan bartaraf etish yuzasidan tegishli vazifalar belgilab olindi.

Profilaktik tadbirlar davomida fuqarolarga isitish moslamalaridan xavfsiz foydalanish, dudburonlarni muntazam tozalash, xonalarni shamollatish hamda gaz jihozlarining texnik sozligiga e’tibor qaratish bo‘yicha tushuntirishlar berilmoqda.

🔰 Farg'ona viloyati Favqulodda vaziyatlar boshqarmasi Axborot xizmati