Farg‘ona shahar Favqulodda vaziyatlar bo‘limi hamda hamkor tashkilotlar xodimlari tomonidan kuz-qish mavsumida sodir bo‘lishi mumkin bo‘lgan yong‘inlar, is gazidan zaharlanish va gaz-havo aralashmasining chaqnashi bilan bog‘liq baxtsiz hodisalarning oldini olishga qaratilgan profilaktik tadbirlar amalga oshirilmoqda.

Tadbirlar oldidan shaxsiy tarkib ishtirokida yo‘riqnoma o‘tkazilib, aholi xonadonlarida ikki konturli isitish uskunalari va ularning dudburonlari sozligini tekshirish, aniqlangan nosozliklarni zudlik bilan bartaraf etish yuzasidan tegishli vazifalar belgilab olindi.

Profilaktik tadbirlar davomida fuqarolarga isitish moslamalaridan xavfsiz foydalanish, dudburonlarni muntazam tozalash, xonalarni shamollatish hamda gaz jihozlarining texnik sozligiga e’tibor qaratish bo‘yicha tushuntirishlar berilmoqda.

🔰 Farg'ona viloyati Favqulodda vaziyatlar boshqarmasi Axborot xizmati

Bag‘dod tumani Favqulodda vaziyatlar bo‘limi va hamkor tashkilotlar xodimlari tomonidan aholi xonadonlarida kuz-qish mavsumida yong‘inlar, is gazidan zaharlanish hamda boshqa noxush hodisalarning oldini olish bo‘yicha profilaktik tadbirlar o‘tkazildi. Tadbirlar oldidan shaxsiy tarkibga profilaktik tadbirlar davomida e'tibor berilishi muhim bo'lgan yo'nalishlar tushuntirib o'tildi.

Fuqarolarga isitish pechlari, gaz va elektr jihozlaridan xavfsiz foydalanish, dudburonlarni tozalash hamda xavfsizlik qoidalariga rioya etish yuzasidan tushuntirishlar berildi.

🔰 Farg'ona viloyati Favqulodda vaziyatlar boshqarmasi Axborot xizmati