“FARĞONA HETK” AJ
5K subscribers
33.6K photos
5.02K videos
4 files
13.7K links
⚡️ Farg‘ona hududiy elektr tarmoqlari korxonasi AJ rasmiy kanali

🔧 Elektr ta’minoti
🛠 Ta’mirlash ishlari
📢 Rejalashtirilgan uzilishlar
📰 Yangiliklar

📷 Instagram: @fargona_hetk_aj
Download Telegram
✅ ELEKTR TARMOQLARIDA SAMARADORLIKNI OSHIRISH BO‘YICHA OLIB BORILAYOTGAN ISHLAR O‘RGANILDI

Farg‘ona viloyatining Toshloq tumanida elektr energiyasini iste’molchilarga barqaror va sifatli yetkazib berish, tarmoqlardagi texnologik yo‘qotishlarni kamaytirish hamda mavjud transformator punktlarining samarali ishlashini ta’minlash bo‘yicha olib borilayotgan ishlar o‘rganildi.

Jarayon davomida hududdagi transformator punktlarini mukammal ta’mirlash, elektr tarmoqlarining texnik holatini yaxshilash va fazalararo yuklamalarni teng taqsimlashga qaratilgan chora-tadbirlar tahlil qilindi.

Mutaxassislar tomonidan ta’mirlash jarayonida elektr qurilmalarini yangilash, ularni me’yoriy talablarga muvofiq holda ishlatish hamda tarmoqlarning barqaror faoliyatini ta’minlash masalalariga alohida e’tibor qaratildi.

Shuningdek, elektr ta’minoti tizimining podstansiyadan boshlab iste’molchilargacha bo‘lgan barcha bosqichlarini doimiy nazorat ostida olib borish, energiya resurslaridan oqilona foydalanish hamda yuzaga kelishi mumkin bo‘lgan yo‘qotishlarning oldini olish bo‘yicha mas’ullarga tegishli vazifalar yuklatildi.

Mazkur chora-tadbirlar hududlarda elektr ta’minoti barqarorligini yanada mustahkamlash, iste’molchilarga uzluksiz va sifatli elektr energiyasi yetkazib berishga xizmat qiladi.

⚡️ t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍1
📌📌📌📌📌📌

Murojaatlar bilan ishlash tizimini yaxshilash maqsadida energetika sohasi korxonalari mutaxassislaridan iborat ishchi guruh tuzildi

Ayni daqiqalarda Energetika vazirligida “Xalq murojaatlari bilan ishlash tizimini yangi bosqichga olib chiqish va jamoatchilik fikrini chuqur tahlil qilish” masalalariga bag‘ishlangan yig‘ilish boshlandi.

Unda O‘zbekiston Respublikasi Prezidenti Administratsiyasi, Energetika vazirligi, Bosh prokuratura, “Hududiy elektr tarmoqlari”, “O‘zbekiston milliy elektr tarmoqlari” va “Hududgazta’minot” AJ mas’ullari ishtirok etmoqda.

Videokonfrensaloqa shaklida o‘tkazilayotgan yig‘ilishda aholi murojaatlari bilan ishlash tizimini yanada takomillashtirish, jamoatchilik fikrini tizimli ravishda o‘rganish hamda bu yo‘nalishdagi ishlarni yangi bosqichga olib chiqish masalalari muhokama qilinmoqda. Shu maqsadda soha korxonalari mutaxassislaridan iborat maxsus ishchi guruh tuzildi.

Mazkur tashabbus Prezidentimiz raisligida aholi murojaatlari bilan ishlash tizimini yangi darajaga ko‘tarish va jamoatchilik fikrini chuqur tahlil qilish masalalari yuzasidan o‘tkazilgan videoselektor yig‘ilishida belgilab berilgan topshiriqlar ijrosi doirasida amalga oshirilmoqda.

⚡️ t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
❤1
This media is not supported in your browser
VIEW IN TELEGRAM
📌📌📌📌📌📌

Murojaatlar bilan ishlash tizimini yaxshilash maqsadida energetika sohasi korxonalari mutaxassislaridan iborat ishchi guruh tuzildi.

⚡️ t.me/farhetk_admin
Please open Telegram to view this post
VIEW IN TELEGRAM
RAMAZON – MEHR-MURUVVAT, AHILLIK VA SHUKRONALIK OYI

Muqaddas Ramazon oyi insonlarni ezgulikka, mehr-oqibat va saxovatga chorlaydigan, qalblarni poklab, jamiyatda ahillik va hamjihatlikni mustahkamlaydigan ulug‘ ayyomlardan biridir. Bu muborak oyda savobli ishlarni amalga oshirish, el-yurtga yaxshilik qilish, bir-birimizga mehr ko‘rsatish yanada muhim ahamiyat kasb etadi.

Shu ezgu an’analar davom ettirilgan holda kuni kecha “Farg‘ona hududiy elektr tarmoqlari korxonasi” AJ tomonidan Farg‘ona shahridagi “Jasmin” tantanalar saroyida korxona ishchi-xodimlari hamda soha faxriylari uchun iftorlik dasturxoni yozildi. Mazkur tadbir samimiy muhitda, mehr-oqibat va e’tibor ruhida o‘tdi.

Dastlab, korxonada uzoq yillardan buyon fidokorona mehnat qilib kelayotgan hamda muborak 60 yoshni qarshi olgan xodimlar mehnati alohida e’tirof etildi.

Ularning ko‘p yillik tajribasi, halol mehnati va energetika sohasiga qo‘shgan hissasi yuksak qadrlanib, ularga korxona rahbariyati tomonidan maxsus tayyorlangan esdalik sovg‘alari tantanali ravishda topshirildi. Bu esa jamoada mehnatga hurmat, katta avlod vakillariga ehtirom va qadriyatlarni asrab-avaylashning yana bir yorqin ifodasi bo‘ldi.

Iftorlik dasturxoni atrofida jam bo‘lganlar ushbu muborak oy ne’matlaridan bahramand bo‘lib, samimiy suhbatlar qurdilar. Tadbir davomida shukronalik duolari qilinib, yurtimizda tinchlik va osoyishtalik abadiy bo‘lishi, xalqimiz farovonligi, korxona jamoasining ishlariga baraka tilab ezgu tilaklar bildirildi.

Bunday samimiy uchrashuvlar jamoada mehr-oqibatni yanada mustahkamlab, hamjihatlik va birdamlikni kuchaytiradi. Eng muhimi, Ramazon oyining asl mohiyati – saxovat, shukronalik va insoniylik fazilatlari yana bir bor o‘z ifodasini topdi.

Tadbir ishtirokchilari tashkil etilgan iftorlik dasturxonidan mamnun bo‘lib, bu kabi e’tibor va g‘amxo‘rlik jamoada yanada katta ruh va birlik bag‘ishlashini ta’kidladilar.

Muqaddas Ramazon oyining fayzi va barakasi barchaning qalbida ezgulik va shukronalik tuyg‘ularini yanada mustahkamladi.

⚡️ t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍4❤3👏3🔥1