"FARG‘ONA HETK" AJ JAMOASI YOSHLAR FORUMIDA G‘OLIBLAR QATORIDA

Qoraqalpog‘iston Respublikasida “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tkazilgan “Hududiy elektr tarmoqlari” AJ Yoshlar forumida “Farg‘ona hududiy elektr tarmoqlari korxonasi” AJ jamoasi faol va munosib ishtirok etdi.

Forum davomida tashkil etilgan intellektual, sport va madaniy tadbirlarda farg‘onalik yoshlar o‘z bilimlari, iqtidori va jamoaviy hamjihatligini namoyon etib, yuqori natijalarga erishdilar.

Xususan, yoshlar o‘rtasida o‘tkazilgan “Zakovat” intellektual o‘yinida "Farg‘ona HETK" AJ jamoasi faxrli 3-o‘rinni qo‘lga kiritdi.

Shuningdek, shaxmat musobaqasida ham jamoamiz vakili Yo‘ldashev Shohruh 3-o‘rinni egallab, jamoamiz sharafini munosib himoya qildi.

Forumning eng e’tiborli yo‘nalishlaridan biri bo‘lgan “Milliy an’analar, urf-odatlar va qadriyatlar” tanlovida ham jamoamiz o‘zining puxta tayyorgarligi, milliy qadriyatlarni chuqur aks ettirgan sahna ko‘rinishlari hamda hududimizga xos urf-odatlarni mahorat bilan namoyish etgani bilan ajralib turdi.

Mazkur chiqishlar tomoshabinlar va forum ishtirokchilari tomonidan katta qiziqish bilan kutib olinib, "Eng mazmunli va yuqori saviyada tashkil etilgan taqdimot" sifatida e’tirof etildi.

Yoshlar forumi nafaqat bilim va mahorat sinovi, balki turli hududlardan tashrif buyurgan yosh energetiklar o‘rtasida do‘stlik va hamkorlik aloqalarini mustahkamlash, tajriba almashish hamda yangi tashabbuslarni ilgari surish uchun muhim maydon bo‘lib xizmat qildi.

Korxonamiz yoshlarining ushbu muvaffaqiyatlari ularning bilimli, tashabbuskor va Vatan taraqqiyotiga daxldorlik hissi bilan yashayotganliklarining yana bir yorqin ifodasi bo‘ldi.

⚡️ t.me/farhetk_admin

BUVAYDADA XAVFSIZ MEHNAT MADANIYATINI MUSTAHKAMLASHGA QARATILGAN TADBIR O‘TKAZILDI

“Farg‘ona hududiy elektr tarmoqlari korxonasi” AJda davom etayotgan “Xavfsizlik texnikasi bo‘yicha ko‘rik oyligi” doirasida Buvayda tuman elektr ta’minoti korxonasida navbatdagi o‘quv-amaliy tadbir tashkil etildi.

Tadbirning asosiy maqsadi xodimlarning mehnat muhofazasi, texnika xavfsizligi hamda yong‘in xavfsizligi bo‘yicha bilimlarini mustahkamlash, ish jarayonlarida uchrashi mumkin bo‘lgan xavf-xatarlarning oldini olishdan iborat bo‘ldi.

Mashg‘ulotlar davomida elektr qurilmalarida ishlashda xavfsizlik talablariga rioya etish, maxsus himoya vositalaridan to‘g‘ri foydalanish, favqulodda holatlarda harakatlanish tartibi hamda birinchi yordam ko‘rsatish bo‘yicha tushuntirishlar berildi. Shuningdek, xodimlarning nazariy va amaliy tayyorgarligi sinovdan o‘tkazildi.

Mutaxassislar tomonidan ishlab chiqarish intizomi va mehnat xavfsizligi qoidalariga qat’iy amal qilish har bir energetikning kundalik faoliyatidagi ustuvor vazifa ekani ta’kidlandi. Zero, xavfsizlikka mas’uliyat bilan yondashish nafaqat xodimning o‘zi, balki butun jamoaning barqaror va samarali faoliyat yuritishida muhim omil hisoblanadi.

Ko‘rik oyligi doirasidagi bunday tadbirlar mehnat muhofazasi madaniyatini yuksaltirish, kasbiy malakani oshirish hamda ishlab chiqarishda baxtsiz hodisalarning oldini olishga xizmat qiladi.

⚡️ t.me/farhetk_admin

XAVFSIZLIKKA E’TIBOR — SAMARALI FAOLIYAT GAROVI

Oltiariq tuman elektr ta’minoti korxonasida “Xavfsizlik texnikasi bo‘yicha ko‘rik oyligi” doirasida navbatdagi o‘quv-amaliy tadbir tashkil etildi.

Unda elektr energetikasi sohasida faoliyat yuritayotgan xodimlarning mehnat muhofazasi, texnika va yong‘in xavfsizligi bo‘yicha bilimlari sinovdan o‘tkazilib, amaliy ko‘nikmalari baholandi.

Tadbir davomida elektr qurilmalarida xavfsiz ishlash, himoya vositalaridan to‘g‘ri foydalanish, ish joylarini xavfsiz tashkil etish hamda favqulodda vaziyatlarda harakat qilish tartiblari yuzasidan tushuntirishlar berildi.

Shuningdek, ishlab chiqarish jarayonlarida uchrashi mumkin bo‘lgan xavf omillarini aniqlash va ularni bartaraf etish, baxtsiz hodisalarning oldini olish hamda mehnat intizomini mustahkamlash masalalariga alohida e’tibor qaratildi.

Mutaxassislar tomonidan har bir xodimning xavfsizlik qoidalariga mas’uliyat bilan yondashishi korxona faoliyatining barqarorligi va jamoa salomatligini ta’minlashdagi muhim omillardan biri ekani ta’kidlandi.

“Farg‘ona hududiy elektr tarmoqlari korxonasi” AJda o‘tkazilayotgan “Xavfsizlik texnikasi bo‘yicha ko‘rik oyligi” doirasidagi bunday tadbirlar xodimlarning kasbiy tayyorgarligini mustahkamlash, mehnat xavfsizligi madaniyatini yuksaltirish hamda ishlab chiqarish jarayonlarida xavfsizlik talablariga so‘zsiz amal qilinishini ta’minlashga xizmat qilmoqda.

⚡️ t.me/farhetk_admin