MEHNATNING MUNOSIB E'TIROFI – FIDOYI XODIMLARGA MUNOSIB MUKOFOT

"Kasb mahorati" musobaqasi nafaqat g‘oliblarni aniqlash, balki fidokorona mehnat qilayotgan xodimlarni e'tirof etish va rag‘batlantirish maydoniga ham aylandi. Tantanali taqdirlash marosimida ko‘p yillik mehnati, kasbiy mahorati va namunali faoliyati bilan ajralib turgan energetiklar munosib taqdirlandi.

Tadbir davomida "Yaxshi mehnat hech qachon e'tirofsiz qolmaydi" degan ezgu tamoyil yana bir bor o‘z tasdig‘ini topdi.

Hududlarda samarali faoliyat yuritib, kasbiy mahorati, tashabbuskorligi va fidoyiligi bilan ajralib turgan eng yaxshi 7 nafar yosh elektromontyorga zamonaviy skuterlar tantanali ravishda topshirildi. Ushbu rag‘bat yosh mutaxassislarni yanada katta marralar sari ilhomlantirishi, ularning kasbga bo‘lgan sadoqati va mas'uliyatini oshirishiga xizmat qiladi.

Shuningdek, elektr tarmoqlarini kuz-qish mavsumiga puxta tayyorlash borasida mukammal hamda joriy ta'mirlash ishlarini yuqori saviyada amalga oshirgan, mehnatsevarligi va jamoaviy birdamligi bilan namuna bo‘lgan brigadalar ham maxsus sovg‘alar bilan taqdirlandi. Bu e'tirof ularning mashaqqatli mehnati va mas'uliyatli xizmatiga bildirilgan yuksak hurmat ifodasi bo‘ldi.

Tadbir yakunida 130 nafardan ortiq xodimga jami 100 million so‘mdan ziyod qiymatdagi pul mukofotlari, skuterlar, esdalik sovg‘alari va qimmatbaho sovrinlar tantanali ravishda topshirildi. Bu esa korxonada inson qadri, mehnatga munosib baho berish va xodimlarni rag‘batlantirish ustuvor yo‘nalishlardan biri ekanini yana bir bor namoyon etdi.

Kasbiga sadoqat, yuksak mas'uliyat va fidoyilik bilan mehnat qilayotgan barcha g‘olib va sovrindorlarni samimiy muborakbod etamiz. Ularning bugungi yutuqlari ertangi yanada ulkan muvaffaqiyatlar uchun mustahkam zamin bo‘lib xizmat qilishiga ishonamiz.

Barcha sovrindorlarni chin dildan tabriklaymiz va kelgusi faoliyatlarida ularga ulkan zafarlar tilaymiz!

⚡️ t.me/farhetk_admin

Oʻzbekiston Respublikasi Prezidenti Shavkat Mirziyoyev Gruziya Bosh vaziri Irakliy Kobaxidzening taklifiga binoan davlat tashrifi bilan Tbilisi shahriga joʻnab ketdi.
—
Президент Республики Узбекистан Шавкат Мирзиёев по приглашению Премьер-министра Грузии Ираклия Кобахидзе вылетел в город Тбилиси с государственным визитом.

⚡️ t.me/farhetk_admin

ELEKTR UZATISH TARMOQLARINI TA'MIRLASH ISHLARI DAVOM ETMOQDA

Farg'ona tuman elektr ta’minoti korxonasi tomonidan hududlarda elektr energiyasi ta’minoti barqarorligini oshirish maqsadida elektr uzatish tarmoqlarida rejali ta’mirlash ishlari olib borilmoqda.

Xususan, tumanning ayrim hududlarini elektr energiyasi bilan ta’minlovchi 10 kVli “Yangiobod” elektr uzatish tarmog‘ida mukammal ta’mirlash ishlari amalga oshirilmoqda.

Jarayon davomida mutaxassislar tomonidan nosoz izolyatorlarni almashtirish, eskirgan simlarni yangilash, elektr simlaridagi salqilikni me’yorlash hamda tarmoqlarni daraxt shoxlaridan tozalash ishlari bajarilmoqda.

Mazkur tadbirlar elektr ta’minoti sifatini yaxshilash, avariyaviy holatlarning oldini olish hamda iste’molchilarga yanada barqaror xizmat ko‘rsatishga xizmat qilmoqda.

Hududlarda bu kabi amaliy ishlar izchil davom ettirilmoqda.

⚡️ t.me/farhetk_admin