ELEKTR UZATISH TARMOQLARINI TA'MIRLASH ISHLARI DAVOM ETMOQDA

Farg'ona tuman elektr ta’minoti korxonasi tomonidan hududlarda elektr energiyasi ta’minoti barqarorligini oshirish maqsadida elektr uzatish tarmoqlarida rejali ta’mirlash ishlari olib borilmoqda.

Xususan, tumanning ayrim hududlarini elektr energiyasi bilan ta’minlovchi 10 kVli “Yangiobod” elektr uzatish tarmog‘ida mukammal ta’mirlash ishlari amalga oshirilmoqda.

Jarayon davomida mutaxassislar tomonidan nosoz izolyatorlarni almashtirish, eskirgan simlarni yangilash, elektr simlaridagi salqilikni me’yorlash hamda tarmoqlarni daraxt shoxlaridan tozalash ishlari bajarilmoqda.

Mazkur tadbirlar elektr ta’minoti sifatini yaxshilash, avariyaviy holatlarning oldini olish hamda iste’molchilarga yanada barqaror xizmat ko‘rsatishga xizmat qilmoqda.

Hududlarda bu kabi amaliy ishlar izchil davom ettirilmoqda.

⚡️ t.me/farhetk_admin

“YANGI” PODSTANSIYASINING QUVVATI OSHIRILDI – HUDUDNING ENERGIYA BARQARORLIGI YANADA MUSTAHKAMLANDI!

Aholi va iste'molchilarni sifatli hamda uzluksiz elektr energiyasi bilan ta'minlash yo'lidagi izchil ishlar doirasida O‘zbekiston tumanida joylashgan “Yangi” podstansiyasida muhim modernizatsiya ishlari amalga oshirildi.

Yangilash jarayonida podstansiyada uzoq yillar xizmat qilgan 1 600 kVA quvvatli kuch transformatori o'rniga 2 500 kVA quvvatga ega kuch transformatori o'rnatildi.

Mazkur modernizatsiya natijasida podstansiyaning elektr uzatish quvvati sezilarli darajada oshirilib, tarmoqning ortib borayotgan yuklamalarni ishonchli qabul qilish imkoniyati kengaydi.

Bu esa iste'molchilarga elektr energiyasini yanada barqaror va sifatli yetkazib berish, avariyaviy holatlar hamda elektr ta'minotidagi uzilishlar ehtimolini kamaytirishga xizmat qiladi.

Shuningdek, amalga oshirilgan ushbu ishlar O‘zbekiston tumanidagi ijtimoiy soha obyektlari, tadbirkorlik subyektlari hamda ishlab chiqarish korxonalarining elektr energiyasiga bo'lgan ortib borayotgan ehtiyojini qondirishda muhim ahamiyat kasb etadi.

Energetika tizimini modernizatsiya qilish, mavjud elektr tarmoqlari va podstansiyalarni bosqichma-bosqich yangilash orqali hududlarda elektr ta'minotining ishonchliligini oshirish bo'yicha ishlar izchil davom ettirilmoqda.

⚡️ farhetk_admin

#foto_fakt

🟢 YANGI TAYANCHLAR YETKAZILDI

“Farg’ona hududiy elektr tarmoqlari korxonasi” AJ tomonidan hududlarda past kuchlanishli elektr tarmoqlarini yangilash hamda modernizatsiya qilish ishlari tun-u, kun davom etmoqda.

Jamiyat tomonidan Oltiariq tumanining “Zarhal” mahalla fuqarolar yig’iniga mavjud elektr uzatish tarmoqlarini yangilash uchun zarur bo’lgan temir–beton tayanchlari yetkazildi.

⚡️ t.me/farhetk_admin

MUROJAAT IJOBIY YECHIM TOPMOQDA

Yozyovon tumanining “Navro'z” mahalla fuqarolar yig‘inidan elektr ta’minotiga oid murojaatga asosan elektr tarmoqlarini yangilash maqsadida hududga olib borilgan yangi temir-beton tayanchlarini o'rnatish ishlari olib borilmoqda.

⚡️ t.me/farhetk_admin