XAVFSIZLIK – ENG MUHIM USTUVOR VAZIFA

Yoqilgʻi quyish shoxobchalari hamda gaz toʻldirish inshootlarida avariya va noxush hodisalarning oldini olish, inson hayoti va sogʻligʻini muhofaza qilish bugungi kunning dolzarb vazifalaridan biridir. Shu maqsadda mazkur obyektlarda xavfsizlik talablariga qatʼiy rioya etish, mavjud muhandislik-kommunikatsiya tarmoqlarini doimiy nazorat qilish hamda profilaktik tadbirlarni kuchaytirishga alohida eʼtibor qaratilmoqda.

Xususan, elektr taʼminoti tizimlarining texnik holatini muntazam koʻrikdan oʻtkazish, elektr qurilmalari va himoya vositalarining sozligini taʼminlash, yongʻin xavfsizligi qoidalariga rioya etilishi ustidan nazoratni kuchaytirish muhim ahamiyat kasb etadi. Elektr tarmoqlaridagi har qanday nosozlik yoki qoidalarga rioya qilinmasligi favqulodda vaziyatlar yuzaga kelishiga sabab boʻlishi mumkin.

Shu bois, mutaxassislar tomonidan yoqilgʻi quyish shoxobchalari va gaz toʻldirish inshootlarida elektr xoʻjaligi holati oʻrganilib, aniqlangan kamchiliklarni bartaraf etish, avariyaviy holatlarning oldini olish hamda xavfsizlik talablarini yanada mustahkamlash yuzasidan zarur tavsiyalar berilmoqda.

Bundan tashqari, obyekt xodimlari bilan texnika va yongʻin xavfsizligi qoidalariga bagʻishlangan tushuntirish ishlari olib borilib, favqulodda vaziyatlarda toʻgʻri harakat qilish tartibi boʻyicha amaliy tavsiyalar berilmoqda.

Xavfsizlik qoidalariga qatʼiy amal qilish nafaqat avariya va noxush hodisalarning oldini oladi, balki fuqarolar hayoti va salomatligini asrash, energiya taʼminoti tizimlarining barqaror ishlashini taʼminlashda ham muhim omil hisoblanadi.

Elektr energiyasidan foydalanishda belgilangan qoidalarga rioya qilish, mavjud nosozliklarni oʻz vaqtida bartaraf etish va profilaktik tadbirlarni izchil amalga oshirish — xavfsiz va barqaror faoliyatning eng muhim kafolatidir.

⚡️ t.me/farhetk_admin

#tezkor
#09_07_2026

HUDUDLARDA TA'MIRLASH ISHLARI OLIB BORILADI

📌 QUVA TUMANI

Bugun, soat 09:00dan 16:00ga qadar Quva tumanining ayrim hududlarini elektr energiyasi bilan ta'minlovchi "Toshxovuz" podstansiyasida yangi qurilmalarni o‘rnatish va taʼmirlash ishlari bajariladi;

📌 BUVAYDA TUMANI

Bugun, 09:00dan 17:00ga qadar Buvayda tumanining ayrim hududlarini elektr energiyasi bilan ta'minlovchi "Sanobod" podstansiyasida joriy taʼmirlash ishlari bajariladi;

Yuqoridagi hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.

📌📌📌📌📌📌

Eng ko‘p beriladigan savolga mutaxassis javobi.

Ushbu video orqali xonadoningizdagi elektr hisoblagich ko‘rsatgichini aniqlashni bilib oling!

⚡️ t.me/farhetk_admin

➡️ HUDUDLARDA ELEKTR TA'MINOTI ISHONCHLILIGI YANADA MUSTAHKAMLANMOQDA

"Farg'ona hududiy elektr tarmoqlari korxonasi" AJ tomonidan ishlab chiqilgan rejaga muvofiq elektr ta'minoti tizimini yanada ishonchli va barqaror ishlashini ta'minlash maqsadida joylarda rejali ta'mirlash ishlari izchil davom ettirilmoqda.

Jumladan, Farg'ona tumanining "Oqtepa" mahalla fuqarolar yig'ini hududida joylashgan 1412-sonli transformator punktida joriy ta'mirlash ishlari bajarildi.

Ta'mirlash jarayonida transformator punktining texnik holati to'liq ko'zdan kechirilib, zarur profilaktik ishlar bajarildi, elektr uskunalari soz holatga keltirildi hamda mavjud kamchiliklar bartaraf etildi.

Mazkur ta'mirlash ishlari elektr tarmoqlarining ishonchli ishlashini ta'minlash, yuzaga kelishi mumkin bo'lgan nosozliklarning oldini olish va iste'molchilarni sifatli elektr energiyasi bilan ta'minlashga xizmat qiladi.

⚡️ t.me/farhetk_admin