❗️ XAVFSIZ VA ISHONCHLI ELEKTR TA'MINOTI YO'LIDA

Farg'ona tumanining "Shifokor" mahalla fuqarolar yig'inidagi 2-sonli ko'p qavatli uylarni elektr energiyasi bilan ta'minlovchi elektr taqsimlash shitlari mukammal ta'mirlanmoqda.

Yillar davomida foydalanish natijasida eskirgan, texnik holati talab darajasidan chiqib ketgan elektr shitlarida simlar tartibsiz tortilgani, ulanish nuqtalarining ishonchliligi pasaygani hamda himoya vositalarining eskirgani elektr ta'minoti sifati va xavfsizligiga salbiy ta'sir ko'rsatib kelayotgan edi.

Ayni paytda mutaxassislar tomonidan ushbu kamchiliklarni bartaraf etish maqsadida elektr shitlari bosqichma-bosqich tartibga keltirilmoqda. Ta'mirlash jarayonida eskirgan elementlar yangilanib, elektr jihozlari texnik me'yorlar asosida qayta montaj qilinmoqda, ulanishlar mustahkamlanib, himoya vositalari zamonaviy talablarga muvofiq holatga keltirilmoqda.

Mazkur ishlar natijasida nosozlik holatlarining oldi olinishi, elektr energiyasi yo'qotishlarining kamayishi hamda ko'p qavatli uylar aholisini yanada barqaror, xavfsiz elektr energiyasi bilan ta'minlash imkoniyati yaratiladi.

⚡️ t.me/farhetk_admin

⚡️ 358-SONLI TRANSFORMATOR JORIY TA'MIRLANDI

O’zbekiston tuman elektr ta’minoti korxonasi tomonidan iste’molchilarni barqaror elektr energiyasi bilan ta’minlash, mavjud qurilmalarni texnik ko‘rikdan o‘tkazish va ta’mirlash ishlari tizimli ravishda davom ettirilmoqda.

Jumladan, tumanning “Na’muna” mahalla fuqarolar yig’ini hududidagi 358-sonli transformator punktida joriy ta’mirlash ishlari amalga oshirildi.

Ta’mirlash jarayonida transformator punktini montaj qilish, fazalararo yuklamani muvozanatlashtirish kabi asosiy texnik ishlar bajarildi.

⚡️ t.me/farhetk_admin

#ochiq_muloqot

TADBIRKORLARNING ENERGIYA RESURSLARI BO‘YICHA MUROJAATLARI KO‘RIB CHIQILDI

Kecha, 9-iyul kuni Energetika vazirligi, “Hududgaz Farg‘ona” gaz ta’minoti filiali hamda “Farg‘ona hududiy elektr tarmoqlari korxonasi” AJ ishtirokida tadbirkorlik subyektlari vakillari ishtirokida navbatdagi ochiq muloqot tashkil etildi.

Uchrashuvda tadbirkorlarni tabiiy gaz va elektr tarmoqlariga ulash tartibi, energiya resurslaridan oqilona foydalanish, xizmatlar sifatini oshirish hamda sohaga joriy etilayotgan yangiliklar yuzasidan atroflicha ma’lumotlar berildi.

Shuningdek, tadbirkorlar tomonidan ko‘tarilgan masalalar, taklif va murojaatlar mutasaddilar ishtirokida muhokama qilinib, ularning yechimi bo‘yicha amaliy tavsiyalar va tushuntirishlar berildi.

Ochiq muloqot davomida tadbirkorlar faoliyatini qo‘llab-quvvatlash, xizmatlar sifatini yanada yaxshilash va iste’molchilarga qulay sharoitlar yaratish bo‘yicha ustuvor vazifalar belgilab olindi.
 
⚡️ t.me/farhetk_admin

O‘ZBEKISTON VA FRANSIYA O‘RTASIDAGI IQTISODIY HAMKORLIK YANGI BOSQICHGA KO‘TARILMOQDA

O‘zbekiston Respublikasi Prezidenti Administratsiyasi rahbari Saida Mirziyoyeva Fransiya tadbirkorlari xalqaro harakati (MEDEF International) huzuridagi O‘zbekiston–Fransiya ishbilarmonlar kengashi raisi, “Orano” kompaniyasi direktorlar kengashi rahbari Klod Imoven boshchiligidagi yetakchi fransuz kompaniyalari vakillari bilan uchrashuv o‘tkazdi.

Uchrashuv davomida ikki davlat o‘rtasidagi savdo-iqtisodiy va investitsiyaviy hamkorlikni yanada rivojlantirish, istiqbolli qo‘shma loyihalarni amalga oshirish hamda o‘zaro manfaatli sheriklikni yangi bosqichga olib chiqish masalalari muhokama qilindi.
Tomonlar energetika, ta’lim, suv ta’minoti tizimi, transport va zamonaviy shahar infratuzilmasi kabi ustuvor yo‘nalishlarda hamkorlikni kengaytirish, ilg‘or texnologiyalarni joriy etish va Fransiyaning yetakchi kompaniyalari ishtirokida yirik investitsiya loyihalarini amalga oshirish yuzasidan fikr almashdilar.

Saida Mirziyoyeva ta’kidlaganidek, mazkur uchrashuv O‘zbekiston Respublikasi Prezidenti Shavkat Mirziyoyev hamda Fransiya Respublikasi Prezidenti Emmanuel Makron o‘rtasida yaqinda bo‘lib o‘tgan oliy darajadagi muloqotning mantiqiy va amaliy davomi hisoblanadi. Erishilgan kelishuvlarni hayotga tatbiq etish, ikki mamlakat ishbilarmon doiralari o‘rtasidagi aloqalarni yanada mustahkamlash va yangi investitsiya tashabbuslarini qo‘llab-quvvatlash ushbu muzokaralarning asosiy maqsadlaridan biri bo‘ldi.

Bugungi kunda O‘zbekiston va Fransiya o‘rtasidagi strategik sheriklik izchil rivojlanib, iqtisodiyotning turli tarmoqlarida samarali hamkorlik uchun keng imkoniyatlar yaratmoqda. O‘tkazilgan uchrashuv esa o‘zaro ishonch va manfaatlarga asoslangan hamkorlikni yanada chuqurlashtirish, yangi loyihalarni amalga oshirish hamda ikki davlat o‘rtasidagi iqtisodiy aloqalarni mustahkamlash yo‘lida muhim qadam bo‘lib xizmat qiladi.

⚡️ t.me/farhetk_admin

#foto_fakt

YANGI TAYANCHLAR O'RNATILMOQDA

“Farg’ona hududiy elektr tarmoqlari korxonasi” AJ tomonidan tun-u, kun hududlarda past kuchlanishli elektr tarmoqlarini yangilash hamda modernizatsiya qilish ishlari davom etmoqda.

Jamiyat tomonidan Furqat tumanining Qulbobo qishlog'i hududiga yangi 0,4 kVli elektr uzatish tarmoqlari uchun temir–beton tayanchlari o'rnatilmoqda.

⚡️ t.me/farhetk_admin