#ochiq_muloqot

TADBIRKORLARNING ENERGIYA RESURSLARI BO‘YICHA MUROJAATLARI KO‘RIB CHIQILDI

Kecha, 9-iyul kuni Energetika vazirligi, “Hududgaz Farg‘ona” gaz ta’minoti filiali hamda “Farg‘ona hududiy elektr tarmoqlari korxonasi” AJ ishtirokida tadbirkorlik subyektlari vakillari ishtirokida navbatdagi ochiq muloqot tashkil etildi.

Uchrashuvda tadbirkorlarni tabiiy gaz va elektr tarmoqlariga ulash tartibi, energiya resurslaridan oqilona foydalanish, xizmatlar sifatini oshirish hamda sohaga joriy etilayotgan yangiliklar yuzasidan atroflicha ma’lumotlar berildi.

Shuningdek, tadbirkorlar tomonidan ko‘tarilgan masalalar, taklif va murojaatlar mutasaddilar ishtirokida muhokama qilinib, ularning yechimi bo‘yicha amaliy tavsiyalar va tushuntirishlar berildi.

Ochiq muloqot davomida tadbirkorlar faoliyatini qo‘llab-quvvatlash, xizmatlar sifatini yanada yaxshilash va iste’molchilarga qulay sharoitlar yaratish bo‘yicha ustuvor vazifalar belgilab olindi.
 
⚡️ t.me/farhetk_admin

O‘ZBEKISTON VA FRANSIYA O‘RTASIDAGI IQTISODIY HAMKORLIK YANGI BOSQICHGA KO‘TARILMOQDA

O‘zbekiston Respublikasi Prezidenti Administratsiyasi rahbari Saida Mirziyoyeva Fransiya tadbirkorlari xalqaro harakati (MEDEF International) huzuridagi O‘zbekiston–Fransiya ishbilarmonlar kengashi raisi, “Orano” kompaniyasi direktorlar kengashi rahbari Klod Imoven boshchiligidagi yetakchi fransuz kompaniyalari vakillari bilan uchrashuv o‘tkazdi.

Uchrashuv davomida ikki davlat o‘rtasidagi savdo-iqtisodiy va investitsiyaviy hamkorlikni yanada rivojlantirish, istiqbolli qo‘shma loyihalarni amalga oshirish hamda o‘zaro manfaatli sheriklikni yangi bosqichga olib chiqish masalalari muhokama qilindi.
Tomonlar energetika, ta’lim, suv ta’minoti tizimi, transport va zamonaviy shahar infratuzilmasi kabi ustuvor yo‘nalishlarda hamkorlikni kengaytirish, ilg‘or texnologiyalarni joriy etish va Fransiyaning yetakchi kompaniyalari ishtirokida yirik investitsiya loyihalarini amalga oshirish yuzasidan fikr almashdilar.

Saida Mirziyoyeva ta’kidlaganidek, mazkur uchrashuv O‘zbekiston Respublikasi Prezidenti Shavkat Mirziyoyev hamda Fransiya Respublikasi Prezidenti Emmanuel Makron o‘rtasida yaqinda bo‘lib o‘tgan oliy darajadagi muloqotning mantiqiy va amaliy davomi hisoblanadi. Erishilgan kelishuvlarni hayotga tatbiq etish, ikki mamlakat ishbilarmon doiralari o‘rtasidagi aloqalarni yanada mustahkamlash va yangi investitsiya tashabbuslarini qo‘llab-quvvatlash ushbu muzokaralarning asosiy maqsadlaridan biri bo‘ldi.

Bugungi kunda O‘zbekiston va Fransiya o‘rtasidagi strategik sheriklik izchil rivojlanib, iqtisodiyotning turli tarmoqlarida samarali hamkorlik uchun keng imkoniyatlar yaratmoqda. O‘tkazilgan uchrashuv esa o‘zaro ishonch va manfaatlarga asoslangan hamkorlikni yanada chuqurlashtirish, yangi loyihalarni amalga oshirish hamda ikki davlat o‘rtasidagi iqtisodiy aloqalarni mustahkamlash yo‘lida muhim qadam bo‘lib xizmat qiladi.

⚡️ t.me/farhetk_admin

#foto_fakt

YANGI TAYANCHLAR O'RNATILMOQDA

“Farg’ona hududiy elektr tarmoqlari korxonasi” AJ tomonidan tun-u, kun hududlarda past kuchlanishli elektr tarmoqlarini yangilash hamda modernizatsiya qilish ishlari davom etmoqda.

Jamiyat tomonidan Furqat tumanining Qulbobo qishlog'i hududiga yangi 0,4 kVli elektr uzatish tarmoqlari uchun temir–beton tayanchlari o'rnatilmoqda.

⚡️ t.me/farhetk_admin

🔴 BOG’IBO’STON TA’MIRLANDI

"Farg‘ona hududiy elektr tarmoqlari korxonasi" AJ Furqat tuman elektr ta'minoti korxonasi tomonidan ishlab chiqilgan aniq reja asosida elektr tarmoqlarini modernizatsiya qilish va ularning ishonchli ishlashini ta'minlash borasidagi ishlar izchil davom ettirilmoqda.

Jumladan, Furqat tumanining "G‘allakor" mahalla fuqarolar yig‘ini hududini elektr energiyasi bilan ta'minlovchi 10 kVli "Bog‘ibo‘ston" elektr uzatish tarmog‘ida mukammal ta'mirlash ishlari to‘liq yakunlandi.

Bajarilgan ta'mirlash ishlari davomida elektr uzatish tarmog‘ining texnik holati yaxshilanib, mavjud kamchiliklar bartaraf etildi hamda tarmoqning ishonchli va barqaror ishlashi ta'minlandi. Amalga oshirilgan ishlar natijasida elektr energiyasini iste'molchilarga sifatli va uzluksiz yetkazib berish imkoniyati yanada kengaydi.

Mazkur ta'mirlash ishlari elektr tarmoqlaridagi texnik yo‘qotishlarni kamaytirish, avariyaviy holatlarning oldini olish hamda kuz-qish mavsumida yuzaga kelishi mumkin bo‘lgan nosozliklarni qisqa muddatlarda bartaraf etishga xizmat qiladi.

⚡️ t.me/farhetk_admin

PQ–49 qarori ijrosi: "Qushchi" mahallasida yangi elektr tarmog‘i uchun tayanchlar o‘rnatilmoqda

O‘zbekiston Respublikasi Prezidentining 2026-yil 5-fevraldagi PQ–49-son "2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida"gi qarori ijrosini ta'minlash maqsadida hududlarda elektr ta'minoti infratuzilmasini rivojlantirish bo‘yicha keng ko‘lamli ishlar amalga oshirilmoqda.

Jumladan, Furqat tumanining "Qushchi" mahalla fuqarolar yig‘ini hududida yangi elektr uzatish tarmog‘ini barpo etish ishlari boshlab yuborildi. Hozirgi kunda mazkur tarmoq uchun temir-beton tayanchlarni o‘rnatish ishlari belgilangan reja asosida olib borilmoqda.

Mazkur loyiha hududning elektr ta'minoti imkoniyatlarini yanada kengaytirish, mavjud tarmoqlardagi yuklamani kamaytirish hamda aholi va tadbirkorlik subyektlarini sifatli va uzluksiz elektr energiyasi bilan ta'minlashga xizmat qiladi.

Yangi elektr tarmog‘i foydalanishga topshirilgach, iste'molchilarga yetkazib berilayotgan elektr energiyasining sifati va ishonchliligi yanada oshadi, elektr ta'minotidagi uzilishlar kamayadi hamda kelgusida hududda yangi ishlab chiqarish va xizmat ko‘rsatish obyektlarini elektr energiyasi bilan ta'minlash uchun zarur infratuzilma yaratiladi.

⚡️ t.me/farhetk_admin