📌📌📌📌📌📌

OCHIQ MULOQOT - 2026

O‘zbekiston Respublikasi Prezidenti bilan bo‘lajak VI Ochiq muloqot mamlakatimiz biznes muhitini rivojlantirishda yuksak strategik ahamiyatga egadir.

Tadbirkorlar 1100 yoki 1094 qisqa raqamlariga qo‘ng‘iroq qilib yoki @ochiqmuloqot2026_bot orqali murojaat qilishlari mumkin!

⚡️ t.me/farhetk_admin

BAYRAMONA KAYFIYAT ULASHIB

Yurtimiz mustaqilligining 35 yilligi munosabati bilan "Farg‘ona hududiy elektr tarmoqlari korxonasi" AJ tomonidan xizmat avtotransport vositalari bayramona uslubda bezatilmoqda.

Ushbu tashabbus Vatanga sadoqat, milliy qadriyatlarga hurmat hamda yurtimiz taraqqiyotiga munosib hissa qo‘shish g‘oyalarini o‘zida mujassam etadi. Bayramona bezatilgan xizmat avtomobillari hududlarda elektr ta’minoti barqarorligini ta’minlash bilan birga, xalqimizning eng ulug‘ bayrami shukuhini yanada oshirishga xizmat qiladi.

⚡️ t.me/farhetk_admin

#qonunchilikdagi_yangiliklar

Elektr energetika tizimida dispetcherlik boshqaruvi yanada takomillashtiriladi

Vazirlar Mahkamasining 2026-yil 21-iyuldagi “O‘zbekiston Respublikasi Energetika vazirligi huzuridagi “Milliy dispetcherlik markazi” davlat muassasasi faoliyatini takomillashtirishning qo‘shimcha chora-tadbirlari to‘g‘risida”gi 400-sonli qarori qabul qilindi.

Qaror bilan, elektr energetikasi tizimida tezkor-dispetcherlik boshqaruvini yanada takomillashtirish, qayta tiklanuvchi energiya manbalarini yagona energetika tizimiga samarali integratsiya qilish hamda Milliy dispetcherlik markazi faoliyatini kuchaytirishga qaratilgan qo‘shimcha chora-tadbirlar belgilandi.

Qarorga muvofiq, “O‘zbekiston milliy elektr tarmoqlari” AJ hamda “Hududiy elektr tarmoqlari” AJ tomonidan amalga oshirilayotgan milliy, mintaqaviy va hududiy dispetcherlik funksiyalari Milliy dispetcherlik markazi boshqaruviga o‘tkaziladi.

Mazkur o‘zgarish elektr energetikasi tizimini yagona markazdan tezkor muvofiqlashtirish, tarmoqlar faoliyati samaradorligini oshirish hamda iste’molchilarni elektr energiyasi bilan yanada ishonchli ta’minlashga xizmat qiladi.

Shuningdek, energiya balansini real vaqt rejimida rejalashtirish va prognozlashning zamonaviy raqamli tizimlari joriy etiladi. “PowerFactory” (DIgSILENT) va “PLEXOS” dasturiy platformalari yordamida elektr energiyasi ishlab chiqarish, jumladan, quyosh va shamol elektr stansiyalarining ishlab chiqarish hajmlari hamda ularning elektr tarmog‘iga ta’siri yanada aniq prognoz qilinadi.

Qaror bilan, shuningdek, dispetcherlik boshqaruvini raqamlashtirish, ilg‘or xalqaro tajribani joriy etish hamda soha mutaxassislarining malakasini oshirish bo‘yicha ham qator vazifalar belgilandi.

⚡️ t.me/farhetk_admin

#tezkor
#24_07_2026

HUDUDLARDA TA'MIRLASH ISHLARI OLIB BORILADI

📌 OLTIARIQ, QO‘SHTEPA, RISHTON, FARG‘ONA, BUVAYDA HAMDA BAG‘DOD TUMANLARI

Bugun, soat 09:00dan 26-iyul 17:00ga qadar bo‘lgan vaqt oralig‘ida vaqti—vaqti bilan Oltiariq, Qo‘shtepa, Rishton, Farg‘ona, Buvayda hamda Bag‘dod tumanlarining ayrim hududlarini elektr energiyasi bilan ta'minlovchi "Milliy elektr tarmoqlari" AJga qarashli "Poulg‘on" podstansiyasida yirik taʼminlash ishlari bajariladi;

📌 DANG‘ARA TUMANI

Bugun, 09:00dan 17:00ga qadar Dang‘ara tumanining ayrim hududlarini elektr energiyasi bilan ta'minlovchi yuqori kuchlanishli "L-YaF" elektr uzatish tarmoqlarida hamda "Yangiobod" podstansiyasida taʼmirlash ishlari bajariladi;

Hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.

#BizningPrezident

✨ TAVALLUD AYYOMINGIZ MUBORAK BO‘LSIN!

Muhtaram Shavkat Miromonovich!

"Farg‘ona hududiy elektr tarmoqlari korxonasi" aksiyadorlik jamiyati rahbariyati hamda ko‘p ming sonli jamoasi nomidan Sizni bugungi tavallud ayyomingiz bilan chin qalbimizdan samimiy muborakbod etamiz.

Yurtimiz taraqqiyoti, xalqimiz farovonligi va Yangi O‘zbekistonni barpo etish yo‘lida amalga oshirayotgan keng ko‘lamli islohotlaringiz, eng avvalo, inson qadrini ulug‘lash, xalq manfaatlarini ta’minlash hamda mamlakatimizni har tomonlama rivojlantirishga qaratilgani bilan barchamizga g‘urur va iftixor bag‘ishlamoqda.

Sizning tashabbus va rahbarligingiz ostida energetika sohasida amalga oshirilayotgan tub islohotlar natijasida ta'minot mutlaqo yangi bosqichga ko‘tarilib, aholi va iqtisodiyot tarmoqlarini ishonchli elektr energiyasi bilan ta’minlash borasida ulkan natijalarga erishilmoqda.

Bu islohotlar samarasi Farg‘ona viloyati misolida ham yaqqol namoyon bo‘lmoqda. So‘nggi yillarda "Farg‘ona hududiy elektr tarmoqlari korxonasi" aksiyadorlik jamiyati tomonidan umumiy qiymati 1 trillion 282 milliard so‘mlik loyihalar amalga oshirildi.

Ushbu loyihalar doirasida 6 798 kilometr yangi elektr uzatish tarmoqlari barpo etildi, 2 156 dona zamonaviy transformatorlar o‘rnatildi, 140 mingdan ortiq yangi tayanchlar tiklandi.

Shuningdek, 10 ga yaqin yangi podstansiyalar qurildi, 50 dan ortiq podstansiyalarning quvvati oshirildi.

Mazkur bunyodkorlik ishlari, besh yuz mingdan ortiq xonadonlar va 50 mingga yaqin tadbirkorlik subyektlarini barqaror elektr ta’minoti bilan ta’minlashga xizmat qilmoqda.

Siz tomoningizdan yaratilgan keng imkoniyatlar tufayli korxonamizda 35 turdan ortiq elektr qurilma mahsulotlari mahalliylashtirildi, ishlab chiqarish samaradorligi yanada oshirildi.

Eng muhimi, sohaga qaratilayotgan yuksak e’tibor natijasida xodimlarimiz dunyoning yetakchi kompaniyalarida malaka oshirish imkoniyatiga ega bo‘lib, ilg‘or tajriba va zamonaviy texnologiyalarni amaliyotga tatbiq etmoqdalar.

Biz, Farg‘ona energetiklari, Siz bildirayotgan yuksak ishonchni chuqur his etgan holda, Yangi O‘zbekiston taraqqiyoti, xalqimiz farovonligi va Vatanimiz ravnaqi yo‘lida sidqidildan mehnat qilishni o‘zimizning eng sharafli burchimiz deb bilamiz.

Hurmatli Prezident!

Bugungi tavallud ayyomingiz munosabati bilan Sizga mustahkam sog‘liq, uzoq umr, oilaviy baxt-saodat, cheksiz kuch-g‘ayrat, xonadoningizga tinchlik va fayzu baraka, davlatimiz taraqqiyoti hamda xalqimiz farovonligi yo‘lidagi sharafli faoliyatingizda ulkan zafarlar va yangi muvaffaqiyatlar tilaymiz.

Tavallud ayyomingiz muborak bo‘lsin!

Hurmat bilan,

"Farg‘ona hududiy elektr tarmoqlari korxonasi" aksiyadorlik jamiyati rahbariyati va jamoasi.

#BizningPrezident
#XalqPrezidenti

Tavallud ayyomingiz muborak bo‘lsin, hurmatli Prezident!

⚡️ t.me/farhetk_admin

#28_son

Hurmatli davlat xizmatchilari, siyosiy ma'rifat soatining navbatdagi sonini taqdim etmoqdamiz.

Unda siyosiy-ijtimoiy xabarlar, qonunchilikdagi yangiliklar, davlat xizmatchisining ma’naviy-ma’rifiy dunyoqarashini boyitishga xizmat qiladigan ma’lumotlar o‘rin olgan.

⚡️ t.me/farhetk_admin

#tezkor
#25_07_2026

HUDUDLARDA TA'MIRLASH ISHLARI OLIB BORILADI

📌 OLTIARIQ HAMDA QO‘SHTEPA TUMANLARI

Bugun, soat 08:00dan 11:00ga qadar Oltiariq hamda Qo‘shtepa tumanlarining ayrim hududlarini elektr energiyasi bilan ta'minlovchi "Fayziobod" podstansiyasida taʼmirlash ishlari bajariladi;

📌 MARG‘ILON SHAHRI

Bugun, 09:00dan 12:00ga qadar Marg‘ilon shahrining ayrim hududlarini elektr energiyasi bilan ta'minlovchi "Farg‘ona" podstansiyasidan chiquvchi "Surxtepa" elektr uzatish tarmog‘ida mukammal taʼmirlash ishlari bajariladi;

Hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.