194-SONLI TRANSFORMATORDA JORIY TA’MIRLASH ISHLARI OLIB BORILMOQDA

Yozyovon tumani “Soybo‘yi” mahalla fuqarolar yig‘ini hududida joylashgan 194-sonli transformator punktida elektr ta’minoti sifatini yaxshilash hamda elektr energiyasi yo‘qotishlarini kamaytirish maqsadida joriy ta’mirlash ishlari amalga oshirilmoqda.

Ta’mirlash ishlari davomida transformator punktining texnik holati ko‘zdan kechirilib, eskirgan va nosoz uskunalar yangilanmoqda. Shuningdek, elektr tarmoqlarining ishonchli va uzluksiz ishlashini ta’minlashga qaratilgan zarur texnik tadbirlar bajarilmoqda.

Mazkur ishlar yakunlangach, hudud iste’molchilariga elektr energiyasini yanada barqaror va sifatli yetkazib berish, shuningdek, texnik yo‘qotishlarni sezilarli darajada kamaytirishga erishilishi kutilmoqda.

⚡️ t.me/farhetk_admin

ELEKTR TA’MINOTI SIFATI YANADA YAXSHILANMOQDA

"Farg‘ona hududiy elektr tarmoqlari korxonasi" AJ tomonidan Qo‘shtepa tumanida iste’molchilarni sifatli va barqaror elektr energiyasi bilan ta’minlash maqsadida elektr tarmoqlari hamda transformator punktlarida joriy ta’mirlash va modernizatsiya ishlari izchil davom ettirilmoqda.

Xususan, Qoraqushchi mahalla fuqarolar yig‘inidagi Bog‘imaydon ko‘chasida joylashgan 111-sonli, Kichikbeshkapa mahalla fuqarolar yig‘ini hududidagi 539-sonli hamda Oqtepa mahalla fuqarolar yig‘inining B. Marg‘iloniy ko‘chasida joylashgan 51-sonli transformator punktlarida elektr qurilmalarining texnik holatini yaxshilash, mavjud nosozliklarni bartaraf etish va elektr ta’minoti ishonchliligini oshirishga qaratilgan ishlar amalga oshirilmoqda.

Mazkur tadbirlar natijasida elektr tarmoqlarining ishonchliligi oshirilishi, texnologik yo‘qotishlar kamaytirilishi hamda iste’molchilarga barqaror va sifatli elektr energiyasi yetkazib berilishi ta’minlanadi.

"Farg‘ona hududiy elektr tarmoqlari korxonasi" AJ tomonidan hududlarda elektr ta’minoti sifatini yanada yaxshilashga qaratilgan amaliy ishlar bosqichma-bosqich davom ettirilmoqda.

⚡️ t.me/farhetk_admin

TRANSFORMATOR PUNKTLARIDA TEXNIK O‘RGANISHLAR OLIB BORILDI

"Farg‘ona hududiy elektr tarmoqlari korxonasi" AJ tomonidan Beshariq tumanida elektr ta’minoti barqarorligini ta’minlash hamda yuqori yuklama davrida yuzaga kelishi mumkin bo‘lgan nosozliklarning oldini olish maqsadida tizimli ishlar davom ettirilmoqda.

Shu maqsadda Qiyali mahalla fuqarolar yig‘ini hududida joylashgan, sariq toifaga kiritilgan TP-528-sonli, quvvati 250 kVA bo‘lgan transformator punktida texnik o‘rganish ishlari amalga oshirildi.

O‘rganish jarayonida transformator punktining texnik holati batafsil tahlil qilinib, ma’nan eskirgan elektr jihozlarini zamonaviy uskunalarga almashtirish, ta’mirtalab qurilmalarni tiklash hamda mavjud quvvatlarni mustahkamlash bo‘yicha tegishli chora-tadbirlar belgilandi.

Mazkur ishlar iste’molchilarni uzluksiz va sifatli elektr energiyasi bilan ta’minlash, elektr tarmoqlari ishonchliligini oshirish hamda yozning yuqori yuklama davrida elektr ta’minotida yuzaga kelishi mumkin bo‘lgan uzilishlarning oldini olishga xizmat qiladi.

⚡️ t.me/farhetk_admin