Rishton tumanida elektr energiyasi yo‘qotishlarini kamaytirish bo‘yicha nazorat tadbirlari davom etmoqda

Rishton tumanida elektr energiyasi yo‘qotishlarini kamaytirish, iste'molchilarni uzluksiz va sifatli elektr energiyasi bilan ta'minlash hamda hisob-kitoblar tizimini yanada takomillashtirish maqsadida tegishli tashkilotlar hamkorligida nazorat tadbirlari olib borilmoqda.

Shu munosabat bilan yo‘qotish darajasi yuqori bo‘lgan "To‘da" MFY hududi tanlab olinib, elektr tarmoqlari, transformator punktlari hamda iste'molchilarning elektr xo‘jaligi bosqichma-bosqich xatlovdan o‘tkazilmoqda.

O‘rganishlar davomida mavjud kamchiliklarni bartaraf etish, noqonuniy ulanishlarning oldini olish va elektr ta'minoti ishonchliligini oshirish bo‘yicha zarur choralar ko‘rilmoqda.

Hududda tashkil etilgan ishchi shtab tomonidan amalga oshirilayotgan ishlar har kuni muhokama qilinib, belgilangan vazifalar ijrosi yuzasidan monitoring olib borilmoqda.

Shuningdek, ASKUE tizimiga aloqaga chiqmayotgan elektr hisoblagichlarini qayta aloqaga chiqarish ishlari ustidan qat'iy nazorat o‘rnatilgan.

Mazkur yo‘nalishda olib borilayotgan barcha ishlar Rishton tumani prokuraturasi tomonidan doimiy nazorat qilib borilmoqda.

⚡️ t.me/farhetk_admin

ELEKTR ENERGIYASI YO‘QOTISHLARINI KAMAYTIRISH BO‘YICHA AMALIY ISHLAR DAVOM ETMOQDA

Prezidentimiz tomonidan belgilab berilgan vazifalar ijrosini ta'minlash maqsadida Farg‘ona tumanida elektr ta'minoti tizimini yanada takomillashtirish, elektr energiyasi yo‘qotishlarini kamaytirish hamda iste'molchilarni uzluksiz va sifatli elektr energiyasi bilan ta'minlash borasida amaliy ishlar izchil davom ettirilmoqda.

Jumladan, tumanning "Dilkusho" mahalla fuqarolar yig‘ini hududida joylashgan 1616-sonli transformator punktida mutaxassislar tomonidan joriy ta'mirlash ishlari olib borilmoqda. Ishlar davomida transformator punkti hamda elektr tarmoqlari texnik ko‘rikdan o‘tkazilib, elektr uskunalari soz holatga keltirilmoqda, kabel ulanishlari tartibga solinmoqda va mavjud kamchiliklar bartaraf etilmoqda. Shuningdek, elektr energiyasi yo‘qotishlarini kamaytirish hamda tarmoqning ishonchli ishlashini ta'minlashga qaratilgan zarur texnik tadbirlar amalga oshirilmoqda.

Mazkur amaliy ishlar natijasida transformator punktining barqaror ishlashi ta'minlanib, elektr tarmoqlaridagi texnik yo‘qotishlar kamaytiriladi, hudud iste'molchilariga elektr energiyasini sifatli yetkazib berish samaradorligi yanada oshiriladi.

"Farg‘ona hududiy elektr tarmoqlari korxonasi" AJ tomonidan bu kabi texnik tadbirlar belgilangan reja asosida viloyatning boshqa hududlarida ham izchil davom ettirilmoqda.

⚡️ t.me/farhetk_admin