QO‘SHTEPADA “TUMANBAY” VA “MAHALLABAY” ISHLASH TIZIMI: ILK NATIJALAR VA YANGI BOSQICH

Joriy yilning 27-iyul kuni Prezidentimiz Shavkat Mirziyoyev raisligida o‘tkazilgan videoselektor yig‘ilishida elektr energetikasi sohasida texnik va tijorat yo‘qotishlarini qisqartirish, noqonuniy elektr energiyasi iste’molining oldini olish hamda “Tumanbay” va “Mahallabay” ishlash tizimini joriy etish bo‘yicha muhim vazifalar belgilab berilgan edi.

Mazkur topshiriqlar ijrosini ta’minlash maqsadida Qo‘shtepa tumani hokimligida videokonferensiya shaklida viloyat miqyosidagi amaliy seminar o‘tkazildi.

Seminar Prezidentimiz topshirig‘iga asosan Qo‘shtepa tumaniga biriktirilgan shtab rahbari, “O‘zenergosotish” AJ Boshqaruv raisi Jahongir Obidjonov rahbarligida o‘tkazildi.

Unda energetika va gaz ta’minoti sohasi mutaxassislari, shahar va tuman elektr ta’minoti korxonalari rahbarlari, mahalla fuqarolar yig‘inlari raislari hamda mas’ul xodimlar ishtirok etdi.

Seminar davomida mutaxassislar tomonidan Qo‘shtepa tumanining “O‘qchi” mahalla fuqarolar yig‘ini hududidagi elektr energiyasi yo‘qotishlari yuqori bo‘lgan 285 va 286-son transformator punktlarida amalga oshirilgan ishlar taqdimot asosida tushuntirib berildi.

Ta’kidlanganidek, transformator punktlari va elektr tarmoqlari to‘liq o‘rganilib, mavjud kamchiliklar bartaraf etildi. Jumladan, 105 metr elektr tarmog‘i daraxt shoxlaridan tozalandi, 47 ta elektr hisoblagichi fasad qismiga ko‘chirildi, 7 ta ASKUE tizimiga mos zamonaviy hisoblagich o‘rnatildi.

Shuningdek, 157,8 ming kVt-soat elektr energiyasi va 187 million so‘mlik noqonuniy iste’mol aniqlandi hamda bartaraf etildi, noqonuniy ulangan 18 ta ko‘cha yoritish tarmog‘i qonuniylashtirildi.

Natijada mazkur transformator punktlaridagi elektr energiyasi yo‘qotishlari belgilangan me’yor darajasiga keltirildi. Erishilgan natijalar va qo‘llanilgan amaliy yechimlar seminar ishtirokchilariga batafsil tushuntirildi.

Seminarda CAS raqamli monitoring tizimi imkoniyatlari ham namoyish etilib, texnik va tijorat yo‘qotishlarini aniqlash, noqonuniy ulanishlarni barvaqt fosh etish hamda transformator punktlari va elektr hisoblagichlarini masofadan monitoring qilish bo‘yicha amaliy tavsiyalar berildi.

Yakunda Qo‘shtepa tumanida o‘z samarasini bergan ushbu tajribani Farg‘ona viloyatining barcha shahar va tumanlarida bosqichma-bosqich joriy etish yuzasidan tegishli vazifalar belgilandi.

Qayd etilganidek, “Tumanbay” va “Mahallabay” ishlash tizimi elektr energiyasi yo‘qotishlarini qisqartirish, noqonuniy iste’molning oldini olish hamda iste’molchilarni sifatli va barqaror elektr ta’minoti bilan ta’minlashda muhim ahamiyat kasb etadi.

⚡️ t.me/farhetk_admin

⚡️ FARG‘ONA TUMANIDA KUNLIK ISH JARAYONLARI: HAR BIR ISTE’MOLCHI — NAZORATDA

Farg‘ona tumanida elektr energiyasini hisobga olish tizimini takomillashtirish va ASKUE tizimining barqaror ishlashini ta’minlash maqsadida kunlik amaliy ishlar davom etmoqda.

📍 Ishlar har bir iste’molchi kesimida shakllantirilib, mutaxassislar tomonidan elektr hisoblagichlarning holati, ASKUE tizimiga ulanishi va ma’lumot uzatishi tekshirilmoqda.

🔧 Aniqlangan nosoz yoki aloqaga chiqmayotgan hisoblagichlar “Smart UP” qilinmoqda, texnik talablarga javob bermaydigan qurilmalar esa zamonaviy hisoblagichlarga almashtirilmoqda.

👷‍♂️ Har bir bajarilgan ish joyida ko‘zdan kechirilib, natijalar qabul qilib olinmoqda.

📊 Maqsad — har bir kilovatt-soatni aniq hisobga olish, muammolarni manzilida bartaraf etish va ASKUE tizimining to‘liq ishlashini ta’minlash.

Ishlar belgilangan hududlar bo‘yicha izchil davom ettirilmoqda.

⚡️ t.me/farhetk_admin