SO‘XDA ELEKTR TARMOQLARI YANGILANIB, TA’MINOT ISHONCHLILIGI OSHIRILMOQDA

Prezident qarori ijrosi: So‘xdagi elektr tarmoqlarida amaliy ishlar qizg‘in davom etmoqda.

O‘zbekiston Respublikasi Prezidentining 2026-yil 8-iyuldagi “So‘x tumanini 2026–2028-yillarda kompleks ijtimoiy-iqtisodiy rivojlantirish chora-tadbirlari to‘g‘risida”gi PQ-258-son qarori ijrosi doirasida tumanda elektr ta’minoti infratuzilmasini yaxshilashga qaratilgan keng ko‘lamli ishlar amalga oshirilmoqda.

Ayni kunlarda So‘x tuman elektr ta’minoti korxonasi ishchi-xodimlari tomonidan belgilangan hududlarda yangi temir-beton tayanchlar o‘rnatilib, zamonaviy SIP kabellari tortilmoqda.

Bu aholining elektr ta’minoti barqarorligi, tarmoqlarning ishonchliligi va kelgusidagi yuklamalarga tayyorligini ta’minlashga qaratilgan muhim qadam.

Yangi tayanchlar va zamonaviy kabel tarmoqlari orqali elektr energiyasini iste’molchilarga yanada ishonchli, xavfsiz va sifatli yetkazib berish imkoniyatlari kengaytirilmoqda.

So‘xda elektr tarmoqlari yangilanmoqda. Ishlar joylarda izchil davom etmoqda.

⚡️ t.me/farhetk_admin

YAYPANDA ELEKTR TA’MINOTI YANADA ISHONCHLI BO‘LADI

O‘zbekiston tumanining Yaypan shaharchasida elektr ta’minoti barqarorligi va ishonchliligini oshirishga qaratilgan yirik loyiha doirasida amaliy ishlar jadal davom etmoqda.

“Yangi O‘zbekiston qiyofasidagi tuman” dasturi doirasida tuman markazida 1960-yillarda qurilgan, bugungi kun talablariga javob bermaydigan hamda texnik yo‘qotishlari yuqori bo‘lgan 10 kVli elektr tarmoqlari ham rekonstruksiya qilinmoqda.

Loyiha doirasida uzunligi 16 kmdan ziyod yangi yer osti elektr uzatish kabel tarmoqlari tortilmoqda. Shuningdek, 41 kmdan ortiq uzunlikdagi 10–0,4 kV havo elektr tarmoqlari barpo etilib, 840 dan ziyod yangi temir-beton ustunlar o‘rnatilmoqda.
Bundan tashqari, hududdagi 35 ta transformator punkti modernizatsiya qilinadi. Shundan 8 tasi yangidan o‘rnatilishi rejalashtirilgan.

Umumiy qiymati 18,6 milliard so‘m bo‘lgan mazkur loyiha yakunlangach, Yaypan shahridagi 5 ta mahallada aholi xonadonlari hamda ulgurji iste’molchilarning elektr ta’minoti yanada barqarorlashadi.

Eng muhimi, zamonaviy elektr tarmoqlarining ishga tushirilishi natijasida texnik yo‘qotishlarni kamaytirish, elektr energiyasini ishonchli yetkazib berish va tarmoqning kelgusidagi yuklamalarga chidamliligini oshirish imkoniyati yaratiladi.

⚡️ t.me/farhetk_admin

🇺🇿🤝🇰🇷 Prezidentimiz Koreya parlamenti rahbari bilan uchrashdi.
 
🇺🇿🤝🇰🇷 Davlatimiz rahbari Koreya Bosh vaziri bilan uchrashuv o‘tkazdi.

🇺🇿🤝🇰🇷 Prezidentimiz ishtirokida O‘zbekiston – Koreya biznes forumining ochilishi bo‘lib o‘tdi.
 
🇺🇿🤝🇰🇷 O‘zbekiston - Koreya biznes forumida kelishuvlar to‘plami imzolandi va yangi loyihalar ishga tushirildi.
 
🇺🇿🤝🇰🇷 Prezidentimiz “Lotte Group” raisi Shin Don Binni qabul qildi.
 
🇺🇿🤝🇰🇷 Davlatimiz rahbari Koreya Eksimbanki raisi Xvan Ki Yon, Geologiya va mineral resurslar instituti prezidenti Kvon Gi Yun va Materialshunoslik instituti direktori Bum Sun Kimni qabul qildi.
 
🇺🇿🤝🇰🇷 Prezidentimiz “Hyundai Motor Group” strategiya bo‘yicha prezidenti Kim Son, “Kia Motors” katta vitse-prezidenti Cho San Un va “Hyundai Rotem” direktorlar kengashi raisi Li Yon Be bilan uchrashdi.
 
⚡️ t.me/farhetk_admin

KUZ-QISH MAVSUMIGA TAYYORGARLIK: KUCH-VOSITALAR SAF KO‘RIGI O‘TKAZILDI

Bugun, Farg‘ona shahridagi “Istiqlol” o‘yingohida 2026–2027-yillar kuz-qish mavsumiga tayyorgarlik ko‘rish, energetika sohasi obyektlarida favqulodda vaziyatlarning oldini olish, fuqaro muhofazasi va yong‘in xavfsizligi yo‘nalishlaridagi tayyorgarlik holatini mustahkamlash maqsadida kuch-vositalar saf ko‘rigi o‘tkazildi.

Saf ko‘rigida viloyatdagi tegishli tashkilot va xizmatlarning maxsus texnikalari, zarur vositalari hamda tezkor harakatga shay kuchlari ko‘rikdan o‘tkazildi.
 
Tadbir davomida favqulodda vaziyatlarning oldini olish va yuzaga kelishi mumkin bo‘lgan holatlarda tezkor hamda muvofiqlashtirilgan harakat qilish imkoniyatlariga alohida e’tibor qaratildi.

Mazkur saf ko‘rigida “Farg‘ona hududiy elektr tarmoqlari korxonasi” AJning tezkor chiqish brigadalari ham faol ishtirok etdi. Korxonaning maxsus texnikalari va tezkor brigadalari kuz-qish mavsumida elektr ta’minotining barqarorligini ta’minlash, elektr tarmoqlarida yuzaga kelishi mumkin bo‘lgan nosozliklarni tezkor bartaraf etish hamda favqulodda vaziyatlarda zarur choralarni ko‘rishga shay holatda ekanligini namoyish etildi.

Kun davomida rejaga muvofiq maxsus-taktik o‘quv mashqlari doirasida energetika obyektlarida amaliy mashg‘ulotlar tashkil etilib, favqulodda vaziyatlarda xizmatlarning o‘zaro hamkorligi, tezkor harakatlanishi va mavjud kuch-vositalardan samarali foydalanish bo‘yicha ko‘nikmalar sinovdan o‘tkazilishi rejalashtirilgan.

Bunday tadbirlar kuz-qish mavsumini betalofat o‘tkazish, energetika obyektlarining ishonchli va barqaror ishlashini ta’minlash hamda favqulodda vaziyatlarning oldini olishga qaratilgan muhim amaliy tayyorgarlik hisoblanadi.
 
⚡️ t.me/farhetk_admin