КУЗ-ҚИШ МАВСУМИГА ФАРҒОНА ТАЙЁРМИ?

Янги йўл тажрибаси” Фарғона туманида Электр ва газ тармоқлари тубдан янгиланмоқдами?

Мақолани ўқиш

Каналга уланиш:
👉 https://t.me/ferganamedia

#rasmiy_munosabat

Ijtimoiy tarmoqlar orqali Quva tumanida dam olish kunlari elektr ta’minoti tarmoqlarida amalga oshiriladigan ta’mirlash ishlarini boshqa kunga ko‘chirish yuzasidan bildirilgan murojaat va takliflar yuzasidan quyidagilarni ma’lum qilamiz.

Elektr ta’minoti tizimining kuz-qish mavsumiga tayyorgarligini ta’minlash, elektr uzatish tarmoqlarining ishonchliligini oshirish hamda kelgusida yuzaga kelishi mumkin bo‘lgan nosozliklarning oldini olish maqsadida belgilangan reja asosida profilaktik va ta’mirlash ishlari amalga oshirilmoqda.

Xususan, kuni kecha 10 kVli «Paxtakor» elektr uzatish tarmog‘ida mavsumoldi ko‘riklar davomida aniqlangan nosoz izolyatorlar va shikastlangan tayanchlarni yangilash ishlari bajarildi. Mazkur tadbirlar elektr tarmoqlarining texnik holatini yaxshilash va iste’molchilarga elektr energiyasini barqaror yetkazib berishga xizmat qiladi.

Shu bilan birga, aholining kundalik ehtiyojlari, dam olish kunlaridagi rejalari hamda murojaatlarda bildirilayotgan takliflar muhim ahamiyatga ega ekanini alohida ta’kidlaymiz. Kelgusida ta’mirlash ishlari muddatlarini belgilashda ushbu takliflarni imkon qadar inobatga olish, ishlarni iste’molchilarga yetkaziladigan noqulayliklarni kamaytirgan holda tashkil etish choralarini ko‘ramiz.

Ta’kidlash joizki, ta’mirlash ishlari vaqtinchalik noqulaylik tug‘dirishi mumkin, biroq ularning asosiy maqsadi — kelgusida elektr ta’minotidagi uzilishlar va avariyaviy holatlarning oldini olish, aholiga sifatli hamda barqaror elektr energiyasi yetkazib berishdir.

Bildirilgan murojaat va takliflar uchun fuqarolarga minnatdorlik bildiramiz.

Aholi bilan ochiq muloqot va o‘zaro hamkorlik asosida elektr ta’minoti ishonchliligini oshirish yo‘lidagi ishlar izchil davom ettiriladi.

"Farg‘ona HETK" AJ
matbuot xizmati.

#rasmiy_munosabat

Ijtimoiy tarmoqlar orqali Marg‘ilon shahri, "Go‘riavvol" mahalla fuqarolar yig‘ini "B.Naqshbandiy" ko‘chasidagi elektr ustunlari holati yuzasidan bildirilgan murojaat mutaxassislar tomonidan shu kunning o‘zida joyiga chiqib o‘rganildi.

O‘rganish natijalariga ko‘ra, mazkur hududga 4 dona yangi temir-beton tayanch yetkazilib, elektr tarmoqlarining ishonchliligini oshirishga qaratilgan amaliy ishlar belgilangan tartibda davom ettirilib yakuniga yetkazilmoqda.

"Farg‘ona HETK" AJ
matbuot xizmati.

#rasmiy_munosabat

XAVF BARTARAF ETILDI: ESKI SIMLAR O‘RNIGA ZAMONAVIY KABEL TORTILDI

Ijtimoiy tarmoqlarda Farg‘ona shahri, «Shodiyona» MFY hududidagi Parvoz maktabi hududidan o‘tgan elektr uzatish tarmog‘ida yuzaga kelgan uchqunlanish holati yuzasidan tarqalgan videomurojaat mutaxassislar tomonidan o‘rganildi.

Aniqlanishicha, kuchli shamol ta’sirida TP-521 transformator punktidan chiquvchi 0,4 kVli havo elektr uzatish tarmog‘idagi ochiq simlar bir-biriga tegishi natijasida uchqunlanish sodir bo‘lgan.

Eng muhimi, muammo shunchaki bartaraf etilmadi — uning takrorlanish xavfini kamaytirishga qaratilgan amaliy chora ko‘rildi. Farg‘ona shahar elektr ta’minoti korxonasi mutaxassislari tomonidan shu kunning o‘zida ochiq simlar demontaj qilinib, ularning o‘rniga zamonaviy, xavfsizligi yuqoriroq bo‘lgan SIP-2 rusumli, 3x70 mm² kesimli izolyatsiyalangan kabel o‘rnatildi.

Ushbu ishlar elektr tarmog‘ining ishonchliligini oshirish, ehtimoliy avariyaviy holatlarning oldini olish hamda aholi va maktab hududidagi fuqarolar xavfsizligini ta’minlashga xizmat qiladi.

Har bir murojaat — muammoni aniqlash, har bir amaliy chora esa uning yechimiga qaratilgan qadamdir. Elektr ta’minoti xavfsizligi va barqarorligini ta’minlash borasidagi ishlar izchil davom ettirilmoqda.

"Farg‘ona HETK" AJ
matbuot xizmati.