#elektr_xavfsizligi_oyligi

➡️ OQJARDA ELEKTR TA’MINOTI BARQARORLIGI UCHUN MUHIM QADAM

Kuz-qish mavsumiga tayyorgarlik ishlari izchil davom etmoqda.

Dang‘ara tumani “Oqjar” mahalla fuqarolar yig‘ini hududida yangi transformator punktini o‘rnatish ishlari amalga oshirilmoqda.

Mazkur loyiha, avvalo, aholi xonadonlarini elektr energiyasi bilan barqaror ta’minlash, mavjud elektr tarmoqlariga tushayotgan yuklamani kamaytirish va ta’minot ishonchliligini oshirishga qaratilgan.

Yangi transformator ishga tushirilishi natijasida 430 va 432-sonli transformator punktlariga tushayotgan yuklamani yengillashtirish ko‘zda tutilgan. Bu esa elektr tarmoqlarining me’yoriy ishlashiga ko‘maklashib, ayniqsa, elektr energiyasiga talab ortadigan kuz-qish mavsumida mavjud imkoniyatlardan samarali foydalanishga xizmat qiladi.

Bunday ishlar mavsumiy tayyorgarlikning muhim yo‘nalishlaridan biri bo‘lib, ehtimoliy ortiqcha yuklanishlarning oldini olish va iste’molchilarga yanada ishonchli elektr ta’minotini yaratishga qaratilgan.

⚡️ t.me/farhetk_admin

#elektr_xavfsizligi_oyligi

⚡️ KUZ-QISH MAVSUMIGA PUХTA TAYYORGARLIK — BARQAROR ELEKTR TA’MINOTI POYDEVORI

Farg‘ona tumanida elektr tarmoqlarining ishonchliligini oshirish va kuz-qish mavsumini betalafot o‘tkazish maqsadida mavsum oldi ta’mirlash ishlari izchil davom ettirilmoqda.

Xususan, tumandagi “Birdamlik” mahalla fuqarolar yig‘ini hududida joylashgan 376-sonli transformator punktida navbatdagi texnik xizmat ko‘rsatish va ta’mirlash ishlari amalga oshirilmoqda.

Mazkur tadbirlar elektr xo‘jaligi obyektlarining texnik holatini yaxshilash, mavjud qurilmalarning ishonchli ishlashini ta’minlash hamda elektr ta’minotida yuzaga kelishi mumkin bo‘lgan nosozliklarning oldini olishga qaratilgan.

Ayniqsa, kuz-qish mavsumida elektr energiyasiga bo‘lgan talab ortishini inobatga olgan holda, transformator punktlari va elektr tarmoqlarini oldindan texnik ko‘rikdan o‘tkazish, aniqlangan kamchiliklarni bartaraf etish hamda mavjud infratuzilmani mavsumga shay holatga keltirish muhim ahamiyat kasb etadi.

Hududlarda “Farg‘ona hududiy elektr tarmoqlari korxonasi” AJ tomonidan elektr ta’minoti barqarorligini mustahkamlash, iste’molchilarga sifatli xizmat ko‘rsatish va kuz-qish mavsumini ishonchli o‘tkazish borasidagi amaliy ishlar davom ettirilmoqda.

⚡️ t.me/farhetk_admin