“FARĞONA HETK” AJ
4.95K subscribers
33.7K photos
5.04K videos
4 files
13.8K links
⚡️ Farg‘ona hududiy elektr tarmoqlari korxonasi AJ rasmiy kanali

🔧 Elektr ta’minoti
🛠 Ta’mirlash ishlari
📢 Rejalashtirilgan uzilishlar
📰 Yangiliklar

📷 Instagram: @fargona_hetk_aj
Download Telegram
🇨🇳🤝🇺🇿XITOYDA ENERGETIKA SOHASI MUTAXASSISLARI O‘ZARO TAJRIBA ALMASHISHDI

O‘zbekiston Respublikasi Energetika vazirligi va "China Datang Overseas Investment Co., Ltd" kompaniyasi o‘rtasidagi hamkorlik doirasida Xitoy Xalq Respublikasining Sichuan provinsiyasi, Chendu shahrida joylashgan "Silk Road Energy Joint Technology Innovation R&D Center" markazida "Zamonaviy energetika texnologiyalari" mavzusida o‘quv seminari tashkil etildi.

Mazkur seminar energetika sohasida faoliyat yuritayotgan mutaxassislarning malakasini oshirish, kadrlar tayyorlash tizimini yanada mustahkamlash hamda sohaga zamonaviy texnologiyalarni joriy etish orqali hamkorlikni rivojlantirishga qaratilgan.

O‘zbekiston delegatsiyasi tarkibida "Farg‘ona hududiy elektr tarmoqlari korxonasi" aksiyadorlik jamiyati bosh direktori Saydaliyev Azizbek Rasuljonovich ham ushbu seminarda ishtirok etdi.

Tadbir davomida qatnashchilar zamonaviy energetika yechimlari, energiya samaradorligini oshirish va innovatsion texnologiyalarni joriy etish bo‘yicha ilg‘or tajribalar bilan tanishishdi.

Mazkur tashabbus bilan O‘zbekiston va Xitoy o‘rtasidagi energetika sohasidagi hamkorlik aloqalarini mustahkamlash hamda mamlakat energetika tizimining innovatsion rivojlanishiga xizmat qilishi ko‘zda tutilgan.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍4👏1🎉1
TAQDIMOT: XITOYNING BUGUNGI YANGI ENERGETIKA TEXNOLOGIYALARI QANDAY RIVOJLANMOQDA

Xitoy Xalq Respublikasining Sichuan provinsiyasi, Chendu shahrida joylashgan "Milliy elektr investitsiyalari guruhining Ilmiy-texnika tadqiqot instituti"da mamlakatimiz delegatsiya aʼzolariga zamonaviy energetika texnologiyalari va sanoatining rivojlanish istiqbollariga bag‘ishlangan taqdimot bo‘lib o‘tdi.

Tadbir doirasida ishtirokchilarga yangi energetika sanoatida joriy etilayotgan ilg‘or texnologiyalar, Xitoyning energetika siyosati va kelajakdagi rivojlanish yo‘nalishlari haqida keng qamrovli ma'lumotlar taqdim etildi.

Bundan tashqari zamonaviy energetika sanoatining eng so‘nggi texnologiyalari va rivojlanish rejalari, Xitoyning yangi energetika sohasidagi strategik yo‘nalishlarini tahlili, energetika sanoatining istiqbollari va yuzaga kelishi mumkin bo‘lgan muammolarga yechimi haqida maʼlumotlar berildi.

Tadbir davomida energetika sohasi mutaxassislari zamonaviy texnologiyalarni o‘zlashtirish, energiya samaradorligini oshirish va ekologik barqarorlikni ta'minlash bo‘yicha ilg‘or tajribalar o‘rtoqlashishdi.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍5👏1
🇨🇳🤝🇺🇿 ZAMONAVIY NAZORAT MARKAZI

Yildan yilga texnologiyalar rivojlanib, nazorat markazlaridagi kuzatuv, tahlil qilish hamda tezkor choralar ko‘rish jarayonlari avtomatik tarzda, yuqori aniqlik va tezlik bilan amalga oshirilmoqda.

Bu esa, o‘z navbatida, yuzaga kelishi mumkin bo‘lgan har qanday xavfni oldindan aniqlash va uning salbiy oqibatlarini kamaytirish, shuningdek, qurilmalarning uzoq muddat barqaror ishlashini ta’minlash imkonini bermoqda.

Xitoy Xalq Respublikasining Sichuan provinsiyasi, Chendu shahrida joylashgan yuqori texnologiyali nazorat markazida mamlakatimiz delegatsiyasi a’zolari bo‘lib, u yerda markaz faoliyati va imkoniyatlari bilan yaqindan tanishdilar.

Ushbu zamonaviy markaz o‘ziga biriktirilgan hududlarda real vaqt rejimida harorat, harakatlanish, bosim, havo sifati, transport oqimi, ekologik holat, energiya iste’moli va xavfsizlik kabi muhim ko‘rsatkichlarni kuzatib boradi hamda tahlil qiladi. Shuningdek, zarur holatlarda tezkor choralar ko‘rish tizimi ham yo‘lga qo‘yilgan.

Bu kabi markazlar elektr energiyasi iste’molchilari uchun uzluksiz ta’minotni kafolatlash, favqulodda uzilishlarning oldini olish va yuzaga kelgan holatlarni qisqa vaqt ichida bartaraf etish bilan birga, yetkazib berilayotgan energiyaning texnologik yo‘qotilishini ham nazorat qilib boradi.

Markaz faoliyati bilan tanishuv davomida “Farg‘ona HETK” AJ bosh direktori A. Saydaliyev viloyatimizdagi shahar va tumanlardagi elektr ta’minoti korxonalarida navbatchilik markazlarini ham zamonaviy yuqori texnologiyalar bilan jihozlash, ish jarayonida yuqori samaradorlikka erishish bo‘yicha “yo‘l xaritasi” ishlab chiqish va uni bosqichma-bosqich amalga oshirish yuzasidan fikr almashdilar.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍5👏1🎉1
🇨🇳🤝🇺🇿 YASHIL ENERGIYA YO‘LIDA: ENERGIYA BAZASI FAOLIYATI

Xitoy Xalq Respublikasining Jiangxi provinsiyasi, Ji'an shahrida joylashgan "Li Zikou suv–shamol–quyosh" integratsiyalashgan toza energiya bazasiga mamlakatimiz delegatsiyasi a’zolari tashrif buyurib, ushbu zamonaviy energiya markazining faoliyati bilan yaqindan tanishdilar.

Umumiy quvvati 3500 megavatt bo‘lgan mazkur loyiha suv, shamol va quyosh energiyalarini o‘zaro uyg‘unlikda ishlab chiqarish tizimi asosida yaratilgan bo‘lib, u Xitoyning yashil energetika va past uglerodli iqtisodiyot sari yo‘naltirilgan strategiyasining muhim bo‘g‘inidir.

Delegatsiyamiz a’zolari markaz faoliyati, texnik imkoniyatlari va innovatsion yondashuvlari bilan tanishish jarayonida shamol va quyosh energiyasini birgalikda ishlab chiqarish imkonini beruvchi yirik quvvatli tizim, “Quyosh + Qishloq xo‘jaligi”, “Quyosh + O'rmon” hamda “Quyosh + Baliqchilik” kabi integratsiyalangan loyihalar bilan tanishishdi. Ushbu loyihalar nafaqat energiya ishlab chiqaradi, balki yer resurslaridan ko‘p maqsadli va samarali foydalanishni ham ta’minlaydi.

Bundan tashqari markazda energiya resurslardan oqilona foydalanish, uzluksiz energiya ta’minoti va ishlab chiqarish samaradorligini oshirishga alohida e’tibor qaratilgan.

Hududda yangilangan texnologiyalar asosida zamonaviy gidroelektr stansiyalar barpo etilgan. Delegatsiyamiz a’zolari ushbu infratuzilma orqali elektr ishlab chiqarishning barqarorligi va ekologik xavfsizligi haqida ham batafsil ma’lumotlarga ega bo‘lishdi.

Delegatsiyamiz a’zolari markazda foydalanilayotgan zamonaviy texnologiyalar, ekologik yondashuv va barqarorlik tamoyillari asosida yaratilgan tizimlar bilan tanishib, mamlakatimizda ham yashil energiyani rivojlantirish borasida qo‘llash mumkin bo‘lgan ilg‘or tajribalarni o‘rgandilar.

Ushbu tashrif delegatsiyamiz uchun muhim tajriba almashuv maydoniga aylandi.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍6👏1