Yildan yilga texnologiyalar rivojlanib, nazorat markazlaridagi kuzatuv, tahlil qilish hamda tezkor choralar ko‘rish jarayonlari avtomatik tarzda, yuqori aniqlik va tezlik bilan amalga oshirilmoqda.
Bu esa, o‘z navbatida, yuzaga kelishi mumkin bo‘lgan har qanday xavfni oldindan aniqlash va uning salbiy oqibatlarini kamaytirish, shuningdek, qurilmalarning uzoq muddat barqaror ishlashini ta’minlash imkonini bermoqda.
Xitoy Xalq Respublikasining Sichuan provinsiyasi, Chendu shahrida joylashgan yuqori texnologiyali nazorat markazida mamlakatimiz delegatsiyasi a’zolari bo‘lib, u yerda markaz faoliyati va imkoniyatlari bilan yaqindan tanishdilar.
Ushbu zamonaviy markaz o‘ziga biriktirilgan hududlarda real vaqt rejimida harorat, harakatlanish, bosim, havo sifati, transport oqimi, ekologik holat, energiya iste’moli va xavfsizlik kabi muhim ko‘rsatkichlarni kuzatib boradi hamda tahlil qiladi. Shuningdek, zarur holatlarda tezkor choralar ko‘rish tizimi ham yo‘lga qo‘yilgan.
Bu kabi markazlar elektr energiyasi iste’molchilari uchun uzluksiz ta’minotni kafolatlash, favqulodda uzilishlarning oldini olish va yuzaga kelgan holatlarni qisqa vaqt ichida bartaraf etish bilan birga, yetkazib berilayotgan energiyaning texnologik yo‘qotilishini ham nazorat qilib boradi.
Markaz faoliyati bilan tanishuv davomida “Farg‘ona HETK” AJ bosh direktori A. Saydaliyev viloyatimizdagi shahar va tumanlardagi elektr ta’minoti korxonalarida navbatchilik markazlarini ham zamonaviy yuqori texnologiyalar bilan jihozlash, ish jarayonida yuqori samaradorlikka erishish bo‘yicha “yo‘l xaritasi” ishlab chiqish va uni bosqichma-bosqich amalga oshirish yuzasidan fikr almashdilar.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍5👏1🎉1
Xitoy Xalq Respublikasining Jiangxi provinsiyasi, Ji'an shahrida joylashgan "Li Zikou suv–shamol–quyosh" integratsiyalashgan toza energiya bazasiga mamlakatimiz delegatsiyasi a’zolari tashrif buyurib, ushbu zamonaviy energiya markazining faoliyati bilan yaqindan tanishdilar.
Umumiy quvvati 3500 megavatt bo‘lgan mazkur loyiha suv, shamol va quyosh energiyalarini o‘zaro uyg‘unlikda ishlab chiqarish tizimi asosida yaratilgan bo‘lib, u Xitoyning yashil energetika va past uglerodli iqtisodiyot sari yo‘naltirilgan strategiyasining muhim bo‘g‘inidir.
Delegatsiyamiz a’zolari markaz faoliyati, texnik imkoniyatlari va innovatsion yondashuvlari bilan tanishish jarayonida shamol va quyosh energiyasini birgalikda ishlab chiqarish imkonini beruvchi yirik quvvatli tizim, “Quyosh + Qishloq xo‘jaligi”, “Quyosh + O'rmon” hamda “Quyosh + Baliqchilik” kabi integratsiyalangan loyihalar bilan tanishishdi. Ushbu loyihalar nafaqat energiya ishlab chiqaradi, balki yer resurslaridan ko‘p maqsadli va samarali foydalanishni ham ta’minlaydi.
Bundan tashqari markazda energiya resurslardan oqilona foydalanish, uzluksiz energiya ta’minoti va ishlab chiqarish samaradorligini oshirishga alohida e’tibor qaratilgan.
Hududda yangilangan texnologiyalar asosida zamonaviy gidroelektr stansiyalar barpo etilgan. Delegatsiyamiz a’zolari ushbu infratuzilma orqali elektr ishlab chiqarishning barqarorligi va ekologik xavfsizligi haqida ham batafsil ma’lumotlarga ega bo‘lishdi.
Delegatsiyamiz a’zolari markazda foydalanilayotgan zamonaviy texnologiyalar, ekologik yondashuv va barqarorlik tamoyillari asosida yaratilgan tizimlar bilan tanishib, mamlakatimizda ham yashil energiyani rivojlantirish borasida qo‘llash mumkin bo‘lgan ilg‘or tajribalarni o‘rgandilar.
Ushbu tashrif delegatsiyamiz uchun muhim tajriba almashuv maydoniga aylandi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍6👏1
Xitoyning Sichuan viloyatida joylashgan, ikki ming yildan ortiq tarixga ega bo‘lgan va UNESCO Jahon merosi ro‘yxatiga kiritilgan Dujiangyan irrigatsiya tizimi mamlakatimiz delegatsiyasi tomonidan o‘rganildi. Tashrif davomida delegatsiya ushbu noyob muhandislik inshootining qadimiy an’analar va zamonaviy texnologiyalar uyg‘unligidagi faoliyati bilan yaqindan tanishdi.
Dujiangyan irrigatsiya tizimi Xitoyda suv resurslarini boshqarish, toza energiya ishlab chiqarish, ekologiyani muhofaza qilish va transport infratuzilmasini rivojlantirishda katta ahamiyat kasb etadi. Hozirda tizim Jiangxi provinsiyasidagi Li Zikou Suv Resurslari Loyihasi bilan integratsiyalashgan holda modernizatsiya qilinmoqda.
Tizim orqali 11 000 kvadrat kilometr maydon sug‘orilmoqda. Suvni tejash darajasi 29,51 foizni tashkil qiladi. Bu ko‘rsatkich nafaqat samaradorlik, balki ekologik muvozanatni saqlashda ham muhim rol o‘ynaydi. Tizim atrof-muhitga zarar yetkazmagan holda, barqaror suv aylanishini ta’minlaydi.
Loyiha doirasida 4 ta asosiy gidroelektr stansiya faoliyat yuritmoqda. Ularning umumiy quvvati 1240 megavattni, yiliga ishlab chiqarilayotgan elektr energiyasi esa 4200 Gvt/soatni tashkil etadi. Bu gidroenergiya karbon chiqindilarini kamaytirish va yashil energiya yetkazib berishdagi muhim manba hisoblanadi.
Bundan tashqari, tizim orqali shahar va qishloqlarga barqaror ichimlik suvi va qishloq xo‘jaligi uchun sug‘orish suvlari yetkazib beriladi.
Shu bilan birga, zamonaviy transport infratuzilmasi ishga tushirilgan. Tizim suv orqali yuk va yo‘lovchi tashishni ta’minlaydigan portlar va kemalar yo‘llarini ham o‘z ichiga olgan. Bu esa mintaqaning iqtisodiy salohiyatini oshiruvchi muhim omillardan biri bo‘lib xizmat qilmoqda.
Dujiangyan tizimi qadimiy Xitoy muhandisligining eng ilg‘or na’munasidir. Tabiiy suv oqimlaridan foydalangan holda, u qurg‘oqchilik va toshqinlarni bartaraf etish, suvni samarali taqsimlash va ekologik muvozanatni ta’minlash vazifalarini muvaffaqiyatli bajarmoqda.
Delegatsiyamiz ushbu tashrif orqali Dujiangyan tizimining texnik, ekologik va ijtimoiy jihatlariga oid tajribalar bilan yaqindan tanishib, o‘zaro tajriba almashish va ilg‘or yondashuvlar orqali bilimlarini mustahkamlab oldilar.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍6👏1
O‘zbekiston delegatsiyasi Xitoyning raqamli energetika sohasida yetakchi hisoblangan TGOOD — Chuan Kai Electric Co., Ltd. kompaniyasi faoliyati bilan tanishdi. Ushbu tashrif doirasida delegatsiya a’zolari kompaniyaning ilg‘or texnologiyalari, innovatsion yechimlari va energiya samaradorligini oshirishga qaratilgan amaliy loyihalari bilan yaqindan tanishdilar.
TGOOD – Chuan Kai Electric Co., Ltd. – bu Xitoydagi eng innovatsion va texnologik faol kompaniyalardan biri bo‘lib, 2004 yilda tashkil etilgan. U Shenzhen fond birjasidagi “Chiqish aksiyalar bozori” (创业板) da birinchi ro‘yxatdan o‘tgan kompaniya hisoblanadi.
Kompaniya asosan elektromobillar uchun intellektual zaryadlash infratuzilmasini yaratish, raqamli energiya taqsimoti va monitoringni olib boorish, barqaror uglerodsiz energetika yechimlarini joriy etish hamda aql¬li energiya tarmoqlari (Smart Grid) ni rivojlantirish yo‘nalishlarida faoliyat olib boradi.
Tashrif davomida tomonlar ikki tomonlama hamkorlik imkoniyatlari, yuqori samarali zaryadlash infratuzilmasini tashkil etish, sanoat obyektlarini raqamlash va "yashil energiya" bo‘yicha qo‘shma loyihalarni muhokama qildilar.
Bu tashrif nafaqat texnik tajriba almashish, balki energetika sohasidagi ilg‘or xalqaro tendensiyalardan xabardor bo‘lish va istiqbolli hamkorlik uchun mustahkam poydevor yaratishi bilan ahamiyatlidir.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍7👏2