“FARĞONA HETK” AJ
4.95K subscribers
33.7K photos
5.04K videos
4 files
13.8K links
⚡️ Farg‘ona hududiy elektr tarmoqlari korxonasi AJ rasmiy kanali

🔧 Elektr ta’minoti
🛠 Ta’mirlash ishlari
📢 Rejalashtirilgan uzilishlar
📰 Yangiliklar

📷 Instagram: @fargona_hetk_aj
Download Telegram
“KAMBAG‘ALLIKDAN FAROVONLIK SARI” — ELEKTR TARMOQLARI YANGILANMOQDA

O‘zbekiston tumanida “Kambag‘allikdan farovonlik sari” davlat dasturi doirasida aholining ijtimoiy va iqtisodiy sharoitlarini yaxshilash, eng avvalo, infratuzilma imkoniyatlarini kengaytirish yo‘lida bosqichma-bosqich chora-tadbirlar amalga oshirilmoqda.

Ayni kunlarda tuman hududidagi og‘ir toifadagi mahallalardan hisoblangan “Bo‘ston” va “Zinasha”da elektr ta’minotini barqarorlashtirish va zamonaviylashtirish ishlari izchil davom ettirilmoqda.

Jumladan, “Bo‘ston” mahallasida 250 kVa quvvatga ega yangi transformator o‘rnatildi. Bundan tashqari, mavjud tarmoqlarni mustahkamlash maqsadida yangi 145 ta temir-beton tayanchlar olib kelib o’rnatildi.

“Zinasha” mahallasida esa 247 ta beton tayanch ustunlari yangilanib, elektr uzatish infratuzilmasi tubdan yaxshilandi.

Bu ishlar faqat bugungi emas, balki ertangi kun energiya xavfsizligini ta’minlashga ham xizmat qiladi. Loyiha doirasida qo‘shimcha transformatorlar o‘rnatish, havo elektr tarmoqlarini tortish va energiya ta’minotini zamonaviy tizimlarga o‘tkazish bo‘yicha reja asosida ishlar boshlab yuborilgan.

Mazkur tashabbuslar tumandagi elektr ta’minotini zamonaviy talablarga moslashtirish, aholining kundalik turmush sifatini oshirish va tadbirkorlik uchun yangi imkoniyatlar yaratishga xizmat qiladi.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍1
🇨🇳🤝🇺🇿 TA’LIM VA AMALIYOT INTEGRATSIYASI: CHUNSIN ELEKTR ENERGETIKA KOLLEJIDA XALQARO TAJRIBA ALMASHINUVI

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍1
🇨🇳🤝🇺🇿 TA’LIM VA AMALIYOT INTEGRATSIYASI: CHUNSIN ELEKTR ENERGETIKA KOLLEJIDA XALQARO TAJRIBA ALMASHINUVI

So‘nggi yillarda energetika sohasida yuqori malakali kadrlar tayyorlash, ularning bilim va ko‘nikmalarini xalqaro talablarga mos ravishda yangilab borish bo‘yicha tizimli ishlar amalga oshirilmoqda. Ana shu yo‘nalishda, Xitoyning yetakchi texnik ta’lim muassasalaridan biri — Chunsin elektr energetika kollejida mutaxassislar ishtirokida xalqaro tajriba almashuvi tashkil etildi.

Tashrif davomida mamlakatimiz delegatsiyasi muassasadagi o‘quv jarayonlari, amaliyot bazasi, laboratoriya jihozlari hamda ishlab chiqarish bilan uzviy bog‘liq holda tashkil etilgan ta’lim tizimi bilan tanishdilar. Professor-o‘qituvchilar bilan ochiq muloqot va seminarlar orqali ikki tomonlama hamkorlikni yo‘lga qo‘yish, ta’lim sifatini oshirishga qaratilgan fikr-mulohazalar bildirildi.

Ma’lumot o’rnida, Chongqing Electric Power College (Chongqing Elektr Energetika Kolleji) — Xitoyning Chunsin shahrida joylashgan, elektr energetikasi sohasida yetakchi o‘rta maxsus ta’lim muassasalaridan biridir. 1953-yilda tashkil etilgan bu kollej elektr sanoati uchun yuqori malakali texnik mutaxassislar tayyorlashga ixtisoslashgan.

Kollejda elektr energiyasi, axborot texnologiyalari, iqtisodiyot va boshqaruv kabi sohalarda 21 ta ta’lim yo‘nalishi mavjud. Ta’lim jarayonida nazariy bilimlar bilan bir qatorda amaliy ko‘nikmalarni shakllantirishga alohida e’tibor qaratiladi. Zamonaviy o‘quv metodikalari, jumladan, 3D simulyatsiyalar, aqlli podstansiyalar va bug‘ turbinalari nazorati laboratoriyalari orqali talabalar real ish sharoitlariga tayyorlanadi.

Kollejda 80 dan ortiq zamonaviy laboratoriyalar va amaliyot xonalari mavjud. Ular orasida aqlli podstansiya operatsiyalari, issiqlik elektr stansiyalari uchun 3D simulyatsiya xonalari, bug‘ turbinalari nazorati va nosozliklarni aniqlash laboratoriyalari mavjud bo‘lib, bu joylar Xitoydagi boshqa o‘xshash ta’lim muassasalari orasida yetakchi o‘rinlarda turadi.

Kollej xalqaro ta’lim muassasalari bilan hamkorlikni rivojlantirishga katta ahamiyat beradi. Bu orqali talabalar va o‘qituvchilar uchun tajriba almashish, qo‘shma loyihalarda ishtirok etish imkoniyatlari yaratiladi.

Mazkur tashrif xalqaro tajribani o‘rganish, zamonaviy ta’lim yondashuvlarini milliy ta’lim tizimiga integratsiya qilish hamda yosh mutaxassislarni global mehnat bozoriga tayyorlashda muhim qadam bo‘lib xizmat qiladi.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍2
HAR BIR YO‘NALISHDA QAT’IY NAZORAT VA MAS’ULIYAT KUCHAYTIRILADI

Kuni kecha “Farg‘ona hududiy elektr tarmoqlari korxonasi” aksiyadorlik jamiyatida navbatdagi tahliliy va tanqidiy yig‘ilish bo‘lib o‘tdi. Unda jamiyat bo‘limlari, xizmatlari hamda tuman va shahar elektr ta’minoti korxonalarining rahbarlari ishtirok etdilar.

Yig‘ilishda jamiyat bosh direktori A. Saydaliyev tomonidan hududlarda amalga oshirilgan ishlar atroflicha muhokama qilindi. Jumladan, korrupsiyaning oldini olish, xodimlar tomonidan xizmat burchiga vijdonan yondashish, elektr energiyasi iste’molini hisobga olishda shaffoflikni ta’minlash va noqonuniy foydalanish holatlariga qarshi kurashish, dasturlar ijrosi yuzasidan hududlarda olib borilayotgan modernizatsiya ishlari masalalari birma-bir tahlil qilindi.

Shuningdek, rejalashtirilgan loyihalar, joriy va mukammal ta’mirlash ishlari, iste’molchilarga xizmat ko‘rsatish sifati hamda joylardagi ijro intizomi holatlari bo‘yicha mas’ullar hisobotlari tinglandi.

Tanqidiy ruhda o‘tgan yig‘ilishda ba’zi hududlarda sustkashlikka yo‘l qo‘ygan mas’ullar qat’iy ogohlantirilib, amaliy ishlarni jadallashtirish choralarini ko‘rish topshiriqlari berildi.

Bildirilgan taklif va ko‘rsatmalar asosida faoliyatni yanada tizimli tashkil etish, ijro intizomini mustahkamlash, korrupsion xavf-xatarlarni bartaraf etish va jamoada mas’uliyat muhitini kuchaytirish vazifalari belgilab olindi.

Tadbir yakunida ta’kidlanganidek, tashkilot samaradorligini oshirish — har bir xodimning halol mehnati, o‘z ishiga mas’uliyat bilan yondashuvi, aholiga xizmat ko‘rsatishda sadoqat va vijdon bilan yondashishiga bog‘liq. Aynan shunday yondashuvgina davlat dasturlarining real natijalarga erishishiga zamin yaratadi.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍4🔥1