Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Viloyatimizda elektr ta’minotining sifatini oshirish, mavjud infratuzilmani zamonaviy texnologiyalar asosida takomillashtirish maqsadida navbatdagi muhim amaliy tashabbusga qo‘l urildi.
"Farg‘ona hududiy elektr tarmoqlari korxonasi" AJ tomonidan Farg‘ona, Marg‘ilon va Quvasoy shahar, Qirguli elektr ta’minoti korxonalarida faoliyat yuritayotgan elektr uzatish kabel tarmoqlariga xizmat ko’rsatuvchi elektromontyorlar uchun amaliy o‘quv seminari tashkil etildi.
Ushbu seminar nafaqat nazariy bilimlar almashinuvi, balki to‘liq amaliy tajriba maktabi bo‘ldi. Mutaxassislar ishtirokida kabel tarmoqlari bilan ishlashda muhim bo‘lgan jihatlar – mavjud kabel turlari, tarmoqlarda yuzaga keladigan nosozliklarni aniqlash va ularni tezkorlik bilan bartaraf etish, xavfsizlik texnikasi va ish qurollaridan to‘g‘ri foydalanish bo‘yicha keng qamrovli tushunchalar berildi.
Seminarning eng muhim qismi — murakkab kabel tarmog‘ini ulash bo‘yicha real amaliy mashg‘ulot bo‘ldi.
Mutaxassislar ishtirokchilarga ushbu jarayonni joyida ko‘rsatib berdi, jarayonda yo‘l qo‘yilgan kamchiliklar va ish sifati bevosita muhokama qilindi. Bu esa montyorlar uchun o‘z ustida ishlash, xatolarni anglash va ularni bartaraf etish imkonini berdi.
Amaliy seminar davomida jamoaviy muhokamalar, tajriba almashinuvi, yangi usullarni qo‘llash bo‘yicha interaktiv mashg‘ulotlar orqali ishtirokchilar o‘z kasbiy mahoratini yanada oshirdi.
Bu kabi tashabbuslar viloyatimizdagi energetika tizimining barqarorligini mustahkamlash, elektr uzatish tarmoqlarida yuzaga kelishi mumkin bo‘lgan nosozliklarga qarshi tayyorgarlikni kuchaytirish va eng muhimi – iste’molchilarga sifatli, xavfsiz elektr energiyasi yetkazib berish yo‘lida muhim qadam bo‘lib xizmat qiladi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Bugungi kunda energetika sohasida xizmat ko‘rsatish sifati va iste’molchi ishonchini ta’minlash uchun korrupsiyaga qarshi kurashish eng ustuvor vazifalardan biri sanaladi. Shu boisdan ham Qo‘qon shahrida muhim va dolzarb tadbir tashkil etildi.
"Farg‘ona hududiy elektr tarmoqlari korxonasi" AJ hamda "Energosavdo" bo‘limining Korrupsiyaga qarshi kurashish va komplayens nazorat xizmati tomonidan joylardagi xodimlar faoliyatiga chuqur tahliliy nazorat o‘tkazildi. Asosiy e’tibor – iste’molchilar bilan to‘g‘ridan to‘g‘ri ishlovchi mutaxassislarning xizmat jarayonida halollik va qonuniylikka qat’iy rioya etishiga qaratildi.
Tadbir davomida elektr hisoblagichlarini almashtirish, ma’lumot va ko‘rsatkichlarni aniq qayd etish jarayonlarida xodimlarga bir qator muhim ko‘rsatma va tushuntirishlar berildi. Jumladan, korrupsiya holatlariga, manfaatlar to‘qnashuviga yo‘l qo‘ymaslik, mijozlar bilan muloqotda adolat va ochiqlik tamoyillariga rioya qilish, barcha ma’lumotlarni aniq, ishonchli va shaffof tarzda rasmiylashtirish zarurligi alohida ta’kidlandi.
Bu kabi nazorat tadbirlari faqatgina kamchiliklarni aniqlash bilan cheklanmay, balki xodimlarda halollik, adolat, qonunchilikka sodiqlik va kasbiy mas’uliyat tuyg‘ularini yanada mustahkamlashga xizmat qiladi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Media is too big
VIEW IN TELEGRAM
Please open Telegram to view this post
VIEW IN TELEGRAM